Plan do centro
Vixencia
Introdución
Contexto DAFO
Obxectivos
Seguimento
Instrumentos de seguimento e diagnóstico do plan: Instrumentos de diagnóstico estandarizados a utilizar.
Para poder alcanzar os resultados propostos no Plan de Dixital de Centro vaise levar a cabo unha avaliación continua que nos permitirá ver se os obxectivos expostos son os axeitados e se as medidas propostas son as correctas para lograr os obxectivos planificados podendo realizar as modificacións oportunas.
Valorarase o grao de implicación de cada un dos membros que compoñen a nosa Comunidade Educativa, así como a coordinación entre eles e o grao de aceptación das distintas propostas. Esta avaliación continua complementarase cunha avaliación final onde se valorarán os resultados obtidos, as posibles melloras, erros cometidos, necesidades e grao de satisfacción coa experiencia. Para todo iso, empregaranse os seguintes instrumentos de avaliación:
a) Revisión dos obxectivos e actividades expostas.
b) Avaliación das actividades propostas: diagnóstico inicial, desenvolvemento e conclusións.
c) Reunión de seguimento cos axentes implicados.
d) Memoria anual do Plan Dixital de Centro.
O seguimento e avaliación de plan está vinculada ao traballo de tres equipos:
- Equipo TIC
- Comisión de Coordinación Pedagóxica
- Equipo Directivo.
O principal responsable é o coordinador do plan (director) e o equipo TIC pois segundo as súas funcións correspóndelle “Deseñar, seguir, avaliar e actualizar o Plan TIC do Centro”.
O resto dos equipos colaboran segundo o expresado en diferentes apartados deste plan.
Ao longo do primeiro trimestre realizáronse distintas tarefas encamiñadas á consecución das accións e obxectivos implementados no Plan Dixital actual.
Leváronse a cabo a comezos de curso todas as accións referentes á posta en funcionamento e operatividade da Aula Virtual e da páxina web do centro, así como ao funcionamento e actualización das RRSS do centro. Ao longo de todo o trimestre realizáronse diferentes tarefas de actualización e mantemento dos equipos informáticas, e asesoramento e resolución de dúbidas que plantexaron en cada momento os membros do claustro.
Aumentouse para todos os membros da comunidade educativa a difusión das diferentes actividades complementarias e extraescolares do centro por medio de distintas publicacións en Facebook e Instagram.
Ao longo do segundo trimestre, seguiron a realizarse distintas tarefas encamiñadas á consecución das accións e obxectivos implementados no Plan Dixital actual.
Habilítase o Punto Laranxa na páxina web do centro, así como a creación da conta de correo asociada ao mesmo e credenciais para o persoal correspondente.
-Increméntase nun 30% o número de publicacións nas RR.SS (Facebook e Instagram) sobre diferentes contidos (excursións, obradoiros, Día de Rosalía, Día da Muller Traballadora, traballos de manualidades, entroido,...).
A meirande parte do claustro de mestres seguiron a traballar no PFPP solicitado. Neste segundo trimestre a actividade céntrase no uso de Canva.
Ao longo do terceiro trimestre, seguiron a realizarse distintas tarefas encamiñadas á consecución das accións e obxectivos implementados no Plan Dixital actual.
-Seguiron inseríndose contidos informativos na páxina web do centro. Ademais, seguiu a publicarse nas redes sociais do centro contidos referentes á celebración de actividades complementarias e extraescolares. Ao longo do curso a aceptación e boa acollida das familias con respecto a estas dúas redes sociais foi moi elevada.
-Elaboración da Memoria Final do Equipo de Dinamización das TICs do centro, na que se dá conta de accións concretas realizadas en tarefas de mantemento e actualización dos recursos do centro.
Avaliación
Cando falamos de procedementos para a avaliación enfocámonos na observación directa, cuestionarios e os informes persoais.
A observación directa a realizamos a través da “táboa de observación directa” en que contemplamos a conduta da comunidade educativa en aspectos relacionados co desenvolvemento do plan dixital no centro asi definimos uns indicadores e os agrupamos en tres categorías
- Plan de centro
- Sensibilización da comunidade educativa
- Implicación da comunidade educativa.
Avaliación parcial:
A frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
O equipo de dinamización do plan dixital fará unha avaliación inicial do plan.
O seguimento do plan será trimestral e avaliaranse tanto os logros dos alumnos, o profesorado, o persoal non docente e as familias, como o Plan en si (obxectivos, contido, actividades, metodoloxía, temporalización…).
- Os equipos de ciclo farán unha valoración das accións programadas e da aplicación do mesmo, facendo propostas de mellora cando así o estimen necesario.
- Na Comisión de Coordinación Pedagóxica farase un seguimento e elaborarase un informe da avaliación levada a cabo. Á devandita reunión poderá asistir o responsable do Plan de Dixitalización. O informe trasladarase ao Claustro e ao Consello escolar para o seu coñecemento, se procede, das medidas e actuacións propostas; así como a súa revisión e avaliación.
Avaliación final:
A avaliación continua complementarase cunha avaliación final onde se valoren os resultados obtidos, as posibles melloras, erros cometidos, necesidades e grao de satisfacción coa experiencia. Para todo iso, empregaranse, entre outros, os seguintes criterios de avaliación:
- O nivel de implicación do profesorado do centro.
- O grao de consecución dos obxectivos establecidos.
- A análise das causas que expliquen os resultados.
- A revisión das actividades realizadas.
- A idoneidade das actuacións programadas e dos recursos previstos para alcanzar os obxectivos.
- A eficacia dos mecanismos de coordinación.
Da avaliación final levada a cabo no mes de xuño realizarase un informe final, que se plasmará na memoria do centro.
Á vista do realizado neste ano, pode considerarse que se acadou con éxito o plan deseñado e implementado no curso actual. Aínda así, cómpre falar dun éxito parcial, pois houbo obxectivos dos plantexados que non se puideron acadar ao 100%, tendo en conta os valores previstos inicialmente para os mesmos.
-Así, considéranse acadados cun éxito do 100% os obxectivos O01PD e O02DP.
- No tocante ao O03DP non se iniciou e queda pendente para o vindeiro curso 2024/2025.
- O O04PD esta acadado case na súa totalidade.
-Continuar coa difusión das actividades do centro aproveitando os recursos dixitais corporativos, así como as canles de Facebook e Instagram creadas no curso pasado.
-Incrementar o coñecemento do funcionamento e emprego por parte do profesorado e do alumnado das ferramentas dixitais coas que conta actualmente o centro.
- Acadar o O03DP que quedou sen realizar.
Comunicación e difusión
O CEIP Vistahermosa publicará e divulgará este documento por diferentes medios a toda a comunidade educativa.
O Equipo Directivo será o encargado de difundilo polas seguintes canles:
· Depósito de copias na Dirección e Secretaría a disposición de calquera interesado/a que forme parte da comunidade educativa ou algún outro, segundo o criterio da Dirección do centro.
· Publicación na páxina web do centro.