Características socioeconómicas e culturais do contexto do centro
A procedencia do alumnado que acode a este tipo de ensino é moi heteroxénea, feito que vén demostrado pola matrícula onde aparecen funcionarios-administrativos, gardas civís, bombeiros, carpinteiros......traballando ou en paro, amas de casa, alumnado repetidor, trirrepetidor e alumnos/as con necesidades especificas de apoio educativo xa diagnosticados nos centros de orixe e apartados xa doutros tipos de ensinanzas e xa non recuperables noutros centros de ensino ordinarios. Así mesmo contamos cunha gran cantidade de alumnado estranxeiro que vai en aumento nos últimos anos, tanto dentro no ensino regrado como no non regrado. A súa idade abrangue un espazo moi amplo que vai dende alumnos de 16 anos, que por circunstancias especiais poden entrar legalmente a formar parte deste tipo de ensino, ata outros cunha madurez total; pero o máis normal son os alumnos comprendidos entre os 17 e os 25 anos na quenda de mañá e tarde e entre os 18 e 50 ou máis na quenda de noite.
O nivel socioeconómico e cultural do noso alumnado é medio-baixo, contando cunha gran cantidade de alumnado con graves problemas económicos.
Incardinación e contribución do PD ao Proxecto Educativo. Relación con outros Plans e proxectos do centro: traxectoria no ámbito das novas tecnoloxías, programas de innovación nos que participa.
O PD integrarase no PEC do centro e será tido en conta no Plan de Mellora, no Plan Tic.
A traxectoria do centro no ámbito das novas tecnoloxías avanza, a raíz do confinamento do 2020, moi satisfactoriamente e a bo ritmo. Dende o 2020 nas programacións anuais de centro, o plan de formación do profesorado centrouse na mellora da competencia dixital do profesorado, participando a maioría do claustro nos cursos “Actualización de ferramentas tecnolóxicas para docentes” e “Aproveitamento didáctico de ferramentas institucionais para o ensino mixto”, impartidos pola profesora Cristina Luaces Ensá. Este ano gran parte do profesorado participou no seminario do PFPP na liña “Plan dixital do centro. Integración didáctica das TIC. Traballo colaborativo en rede a través de espazos virtuais”. O centro conta con varios profesores/as cun nivel “Líder” e pioneiro que sempre están dispostos a contribuír ao
desenvolvemento persoal docente dos compañeiros.
Contribución do PD á Programación Xeral Anual do curso 23/24.
Na PXA se contemplará que os distintos elementos (actividades, metodoloxías, contidos, avaliación, uso de recursos e tecnoloxías dixitais, espazos dixitais de aprendizaxe, etc ), contribúan ao desenvolvemento da competencia dixital e que estean en consonancia cos obxectivos do Plan de acción reflectidos no presente Plan Dixital.
Breve xustificación do mesmo
- Art. 111 bis, Art. 121 e Art. 132 da LO 2/2006, de 3 de maio, de Educación
- Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
- Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
Proceso de elaboración
Dende fai xa varios cursos a utilización dos medios informáticos e audiovisuais (TIC’s) na educación experimentou un pulo evidente e, o noso centro, non foi alleo a dita inquietude.
Cremos que chegado a este punto, faise necesario recoller nun plan de traballo aquelas liñas básicas de actuación, consensuadas e asumidas pola Comunidade Educativa, que potencie a integración curricular das TIC’s converténdoas nun instrumento útil para desenvolvemento de todas as competencias básicas e de mellora nos procesos ensinanza – aprendizaxe.
Seguíronse as distintas fases marcadas no curso da Aula Virtual para elaboración do Plan Dixital “ADIX Ourense 2”, para a realización dos distintos informes (SELFIE, TEST CDD, DAFO) e para a elaboración do presente Plan Dixital.
O Plan Dixital desenvolveuse dentro do grupo de traballo do PFPP, Plan dixital do centro. Integración didáctica das TIC. Traballo colaborativo en rede a través de espazos virtuais. Educación dixital.
Os identificadores son: O2131024 - PFPP O213106051 "Análise da competencia dixital do centro e elaboración do plan dixital”
A asesoría correu a cargo da persoa mentora ADIX 2 do equipo da zona Ourense 2, José Ángel Diz Bouzán.
A comunicación entre os participantes fíxose empregando as ferramentas corporativas, correo electrónico e aula virtual, onde se creou un curso para esta finalidade: https://www.edu.xunta.gal/centros/epaourense/aulavirtual/course/view.php?id=414
A metodoloxía baseouse na colaboración e o traballo en equipo, con reunións periódicas nas que se foi elaborando a documentación solicitada dende SSCC a través da aula virtual dos coordinadores da zona Ourense 2: https://www.edu.xunta.gal/centros/plandixital/aulavirtual/course/view.php?id=19
Este proceso foi titorizado pola persoa mentora que aportou información e suxestións respecto das distintas tarefas entregadas.
O obxectivo final foi elaborar este Plan dixital do centro de xeito reflexivo e como un documento útil e abordable que formase parte do Plan de Mellora e do Proxecto Educativo.
