1. Contextualización do Plan Dixital no centro. Contribución ao Proxecto Educativo do Centro
Características socioeconómicas e culturais do contexto do centro.
Grazas ao auxe experimentado polo turismo, as actividades inmobiliarias e de hostalería alcanzan nestes momentos un peso relevante na economía de Sada, na que o sector terciario é o que aglutina a maior parte dos traballadores. En Sada as pequenas e medianas empresas rexistradas por estratos de asalariados son 870, das que 825 son consideradas como microempresas, 42 como pequena empresa (criterio: de 10 a 49 asalariados) e 3 como mediana empresa (criterio: de 50 a 249 asalariados). Pola contra tan só unha empresa é considerada como gran empresa (criterio: 250 e máis asalariados).
Os equipamentos culturais máis destacados do Concello de Sada son a Casa da Cultural Pintor LLoréns e Biblioteca Municipal Ramón Suárez Picallo. A Casa da Cultura inaugúrase o 23 de decembro do ano 2000 e dende esa data este edificio de usos múltiples, sumado aos centros culturais existentes nas distintas parroquias, converteuse no foco dinamizador da actividade cultural e de lecer do municipio. A biblioteca municipal inaugurouse en 1983, e no ano 2000, coa creación da Casa da Cultura pasa a localizarse nesa dependencia. Esta biblioteca ofrece servizos de consulta en sala, información bibliográfica, préstamo de documentos, actividades culturais, acceso a internet e visitas guiadas. Ademais, na Sección local da biblioteca xestiónase toda a información da localidade.
No apartado de deportes, o concello de Sada conta con variadas instalacións deportivas.
Contribución do PD ao proxecto educativo.
Elaborar o Plan Dixital do Centro está entre os obxectivos xerais do PEC. A través del queremos:
• Capacitar no uso dos medios informáticos como forma de romper desigualdades sociais.
• Potenciar o emprego das TIC como ferramenta de traballo no proceso de ensino-aprendizaxe.
• Favorecer a formación do profesorado no uso das ferramentas informáticas educativas.
• Mellorar a coordinación da comunidade educativa co uso das tecnoloxías informáticas e introducilas nos protocolos de actuación.
• Desenvolver a competencia dixital do alumnado, dotándolle de habilidades na procura de información e tratamento crítico da mesma.
• Impulsar a a comunicación con outros centros e localidades, para coñecer e transmitir valores esenciais e de respecto doutros costumes e outras culturas.
• Potenciar actividades de participación de toda a comunidade educativa nas diferentes actividades do centro: páxina web, actividades culturais, etc.
• Impulsar o debate, na redefinición dos ámbitos público e privado dos individuos, que estas tecnoloxías impoñen.
En relación ao profesorado:
• Contemplar os recursos TIC dentro da programación de aula.
• Uso das ferramentas TIC para potenciar a comunicación entre os distintos equipos (de aula, departamento, claustro,etc).
• Uso das ferramentas TIC para potenciar a comunicación coa comunidade educativa e o seu entorno.
En relación ao alumnado
• Utilización de distintas ferramentas informáticas para a realización de tarefas de aprendizaxe.
• Establecer criterios para buscar información fiable e desenvolvemento do espírito crítico.
• Potenciar a comunicación e cooperación entre os compañeiros e profesores e desenvolver a competencia moral que rexa os principios de respecto e solidariedade.
Relación con outros plans e proxectos do centro.
Un porcentaxe alto de profesorado participa en cursos de formación relacionados coas novas tecnoloxías. Ademais de participar no desenvolvemento do PDC, este curso realizamos un seminario de Moodle avanzado.
Dentro do Plan Proxecta participamos no proxecto de Cinema en curso co grupo de 4º de ESO no que se traballa coas ferramentas TIC entre outras.
Contribución do PD á programación Xeral Anual do curso 22/23
Có PD podemos apoiar o Plan anual TIC:
• Promovendo o uso das novas tecnoloxías dentro e fora do centro
• Asesorando e motivando ao profesorado no uso destas tecnoloxías.
• Cooperando no desenvolvemento da competencia dixital do alumnado.
Para o que será necesario, continuando na liña da Programación Xeral Anual:
• Actualizar o inventario dos recursos TIC do centro.
• Manter en condicións de uso os equipos necesarios
• Revisar e actualizar protocolos de uso dos equipamentos TIC
• Revisar e actualizar a asignación das Ips dos equipos
Moi vinculado tamén co Plan Dixital están as ferramentas de comunicación TIC que se propoñen na PXA:
- Moodle: facilitar o uso da aula virtual a todo o alumnado e profesorado do centro.
- Web: Usar a web do centro como espazo virtual de comunicación coa comunidade educativa.
- Espazo abalar: Utilizar como medio para a comunicación coas familias empregando o espazo abalar, a través da súa aplicación móbil.
