Lexislación:
- Artigo 111 bis. e 121 da LO 2/2006, do 3 de maio de Educación.
- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
- Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
O CEIP Ana María Diéguez ubícase na parroquia de Asados localizada no Concello de Rianxo. Conta con 135 Alumn@s que se ditribúen no centro nas etapas de infantil e primaria. Na etapa de infantil cóntase con 2 aulas, unha destas destinada a 4º de infantil e outra na cal se xenera un ensino mixto con alumnado correspondente a 5º e 6º de infantil. Xa en primaria cóntase cunha única liña. As distintas estancias do centro distribúense en dúas plantas ubicadas dentro dunha única edificación.
O centro conta con conexión a internet e distintos dispositivos de carácter TIC en cada unha das aulas. Por outra parte, nos cursos de 5º e 6º desenvólvese o plan E-Dixgal.
As vindeiras xeracións forman e van formar parte dun mundo conectado, no que se van ver rodeados de dispositivos dixitais. Dende o noso centro de ensinanza buscamos dotar o alumnado e o profesorado das medidas tecnolóxicas necesarias que lles permita adoptar o ensino a realidade social na que viven os nosos cativos na actualidade.
Hai que precisar que a incorporación das tecnoloxías á educación en xeral, e os procesos de ensino – aprendizaxe en particular, xa están presentes na nosa Comunidade Autónoma, e se establecen coma unha peza clave na producción do cambio metodolóxico que posibilite un salto cualitativo na educación.
Os recursos dixitais non só transformarán os contidos desenvoltos a unha presentación distinta da tradicional, senón que xerarán oportunidades para un maior desenvolvemento das competencias clave e o mesmo tempo isto posibilitará unha maior implicación de país/nais/titores legais, docentes e alumnado no proceso educativo.
Deste xeito, por medio deste Plan Dixital se busca favorecer de forma directa a consecución daqueles obxectivos establecidos no Proxecto Educativo de centro e á vez interrelacionarse con aqueles outros Plans e Proxectos nos que o centro participe, poñendo ó servizo destes fins os medios e recursos dixitais que poidan ser necesarios.
O proceso que se levou a cabo a hora de elaborar o Plan Dixital, seguiu unha serie de Fases:
1ª fase: A posta en marcha do Plan Dixital de forma coordinada co equipo ADIX.
2ª fase: Configuración e realización do selfie por parte do centro educativo.
3ª fase: realización do test de CDD por parte do profesorado.
4ª fase: recopilación de datos, reflexión e elaboración DAFO.
5ª fase: Definición de obxectivos e realización do plan de acción.
6ª fase: elaboración do Plan Dixital versión V 1.0.
