Xustificación lexislativa:
- Art. 111 bis, Art. 121 e Art.132 da LO 2/2006, de 3 de maio, de educación.
- Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e Bacharelato no curso académico 2021-2022.
"Indícase que os centros docentes elaborarán no curso 2021/2022 o seu plan dixital de acordo coas instrucións que se diten."
- Resolución do 3 de setembro de 2021, da Secretaría Xeral de educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
Contextualización do Plan Dixital e contribución ao Proxecto Educativo:
O curso 2021-2022 inciouse no Ceip de Portosín cun novo equipo directivo que aposta por levar a cabo un proxecto innovador no cal a existencia dun plan dixital de centro faise imprescindible.
O noso centro converteuse neste curso escolar, nun dos novos centros Plambe, o que nos permitiu poñer en marcha moitos dos nosos proxectos, adquirindo materiais necesarios para unha boa optimización e dixitalización da biblioteca do centro. Grazas tamén á participación nos diferentes Contratos- Programa e Plans Proxecta conseguimos levar a cabo diferentes proxectos e tamén mercamos algún material tecnolóxico necesario. Así mesmo, cada curso desenvolvemos no centro un PDI, que este ano leva o título de "O mar e a pesca".
Este curso levamos a cabo diferentes grupos de traballo e seminarios de formación a través do noso PFPP, que nos permitiron incrementar o desenvolvemento da nosa competencia dixital docente:
- Deseño e elaboración do Plan Dixital de Centro.
- APP como recuros educativo.
- Dinamización da biblioteca escolar.
- Intelixencia emocional e resolución de conflitos.
- Robótica educativa en primaria.
De cara ao próximo curso 22/23 seguiremos apostando pola formación nos diferentes eidos, facendo fincapé na formación relacionada cos polos creativos, dos cales realizamos solicitude para formar parte. Este PD integrarase dentro do Proxecto Educativo (PE) do centro, como un elemento dinamizador do traballo educativo cotiá. O noso PD terá en conta todos os proxectos e plans do centro, ofrecendo ferramentas de traballo motivadoras e inclusivas, orientadas a todo o noso alumnado, sexan cales sexan as súas características persoais e de referencia sociofamiliar. Do mesmo xeito, a PXA do vindeiro curso 22/23, terá en conta este PD para desenvolver os obxectivos do noso Plan de Acción.
Proceso de elaboración:
Para a realización do noso Plan dixital de centro, formouse un Equipo para a Dinamización do Plan Dixital cunha coordinadora e a presenza de todos os membros do Equipo Directivo.
Tivemos en conta as pautas indicadas a través da realización do noso seminario “Análise da competencia dixital do centro e elaboración do plan dixital”, así como as orientacións da nosa mentora a través das sesións de docencia externa e a súa disposición ao longo da realización de todas as tarefas.
O Equipo do PD recibiu varias xornadas de formación, e fixéronse reunións para a análise dos datos recibidos e a elaboración do Plan de Acción.
Nas sesións de traballo grupal puxemos en coñecemento de todo o profesorado a normativa relacionada coa implementación do Plan Dixital de centros, así como a información necesaria para a realización do SELFIE e da COMPETENCIA DIXITAL DOCENTE (CDD). Unha vez obtidos os resultados dos mesmos, valoramos os resultados obtidos e elaboramos o noso DAFO tendo en conta tanto as nosas debilidades, ameazas, oportunidades e fortalezas dun xeito conxunto.
Unha vez que obtivemos o DAFO do noso centro, establecemos entre o profesorado cales ían ser os nosos obxectivos a acadar de cara ao noso Plan Dixital do próximo curso, para que fosen obxectivos comúns e doados de acadar por parte de todos/as.
Cada docente elaborou o seu SELFIE e o seu Test de CDD.
