O CEIP plurilingüe de Pumar-Urdilde , centro de titularidade pública, está situado na aldea de Pumar, na parroquia de Urdilde, pertencente ao concello de Rois (A Coruña). O centro conta con oito unidades, dúas de infantil e seis de primaria e no actual curso 2021/22, atende a un total de 112 alumnos e alumnas que se distribúen nos diferentes niveis. A estrutura organizativa do centro é a que marca a lexislación vixente e está composta polos órganos unipersoais (directora, xefa de estudos e secretaria), colexiados (Consello Escolar e Claustro) e polos órganos de coordinación docente (Comisión de Coordinación Pedagóxica e Equipo de Normalización Lingüística). Neste curso cóntase con 16 profesores/as incluíndo a profesora de Relixión Católica e a orientadora. A mestra de AL é compartida co CEIP de Pedrouzos en Brión, a de Relixión Católica e a Orientadora son compartidas co CPI de Rois, a mestra de plurilingüismo é partillada co CEIP de Ventín e tres unitarias . Ademais temos unha conserxe, dúas cociñeiras e unha Pax 3 de 21 persoa adicada á limpeza. En xaneiro un auxiliar de conversa incorporarase ao centro 16 horas até fins de maio partillado co CEIP Rosalía de Castro de Padrón. O número total de alumnado para o presente curso 2021/22 ascende a 112, correspondendo 30 alumnos e alumnas á etapa de Educación Infantil e 82 á de Educación Primaria.
Para deseñar o DAFO o centro, ademáis de levar a cabo varias reunións para o debate e posta en común das necesidades no ámbito dixital, utilizou dúas ferramentas para obter datos concretos sobre a situación dixital actual. Estas ferramentas son a enquisa SELFIE e o Test CDD (Competencia Dixital Docente). A continuación móstranse algunhas táboas onde se reflicten aspectos destacados dos resultados adquiridos mediante o SELFIE e o Test CDD.
Nesta análise reflíctense as debilidades, ameazas, fortalezas e oportunidades do noso centro e o seu marco no ámbito dixital, obtidas dende o SELFIE o CDD e outras fontes.
Para avaliar o Plan Dixital levaremos a cabo un seguimento en coordinación mediante o Equipo do Plan Dixital, o Equipo TICs, o Equipo Directivo e o profesorado do centro. Este seguimento farase mediante unha reunión unha vez ao mes ou como mínimo unha vez ao trimestre para realizar unha axeitada avaliación procesual, na que se avaliarán as accións acordadas no Plan de Acción, a súa temporalización, a súa eficacia no proceso ensinanza-aprendizaxe e, de ser o caso, as posibles modificacións que se deban facer por diversos motivos que emerxan durante o curso, tendo en conta ademais as posibles propostas de mellora.
Para avaliar o Plan Dixital levaremos a cabo un seguimento en coordinación mediante o Equipo do Plan Dixital, o Equipo TICs, o Equipo Directivo e o profesorado do centro.
Este seguimento farase mediante unha reunión unha vez ao mes ou como mínimo unha vez ao trimestre para realizar unha axeitada avaliación procesual, na que se avaliarán as accións acordadas no Plan de Acción, a súa temporalización, a súa eficacia no proceso ensinanza-aprendizaxe e, de ser o caso, as posibles modificacións que se deban facer por diversos motivos que emerxan durante o curso, tendo en conta ademais as posibles propostas de mellora.
A avaliación final realizarase unha vez ao ano, prestando especial atención ós obxectivos seleccionados calificando como “Acadado” ou “Non acadado” e que se reflicten nas táboas do Plan de Acción valorando se a acción está realizada, aprazada ou pendente.
