Xustificación lexislativa:
Art. 111 bis, Art. 121 e Art. 132 da LOE 2/2006, de 3 de maio, de Educación
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
As TIC inciden cada vez máis na vida das persoas e consecuentemente no campo da educación. Así, a inclusión da competencia de tratamento da información e competencia dixital neste último ámbito introdúcenos nun momento substancialmente distinto e crea novos escenarios educativos. Disto derívase que o dominio das TIC é tan esencial coma o das habilidades instrumentais básicas. É máis, as posibilidades didácticas e pedagóxicas que nos ofrece ao acceso e xestión da información concede a esta competencia un peso específico como eixo transversal dentro da actividade docente. Todo elo esixe transformacións que afectan á globalidade do proceso educativo nos seus aspectos metodolóxicos, organizativos, de xestión e curriculares. É ese impacto global das TIC o que xustifica a confección dun Plan que recolla e regule todos os aspectos relacionados coa integración das TIC no centro. Elaboramos o Plan dixital como un instrumento de planificación integrado no PE que persigue fundamentalmente o desenvolvemento do tratamento da información e competencia dixital e a integración das TIC como ferramenta didáctica nos procesos de ensino – aprendizaxe.
Contribución ao P.E. O Plan Dixital do centro sen dúbida vai influír en diferentes aspectos na programación xeral do vindeiro curso, xa que nel van reflectidos distintos compromisos de formación e de actuacións que terán que ter a súa cabida na PXA, en tanto serán eixos primordiais das actividades de formación do vindeiro curso académico. Por outra banda detyerminarase , tal e como se verá nos obxectivos deste plan Dixital, os contidos a traballar co alumnado para a realización do itinerario de formación básica en contornas dixitais. Estes contidos serán integrados nas programacións de aula e se fará referencia a eles na propia PXA como obxectivos de ciclo.
Fases de elaboración:
A elaboración do Plan Dixital recae sobre a persoa responsable do centro que á sua vez será a coordinadora do Plan Dixital. Esta función estráese da resolución do 3 de setembro de 2021. Esta persoa foi a encargada de elaborar o plan e todas as tarefas do curso de Aula Virtual no que foi matriculada. Neste curso (https://www.edu.xunta.gal/centros/plandixital/aulavirtual/), realizouse o seguimento de todas as actividades que se foron levando a cobo ao longo do curso e que culminaron coa elaboración deste documento. Estas tarefas secuenciaronse en 2 fases: • Fase I (Inicial): Análise e diagnose da situación dos centros. - Autoavaliación SELFIE (do 3 de outubro ao 8 de novembro do 2021 - Test de Competencia Dixital Docente (CDD) (do 8 de febreiro ao 7 de marzo do 2022) - Informe DAFO (do 8 marzo ao 4 de abril do 2022)
• Fase II: Deseño e elaboración do Plan Dixital. - Obxectivos do Plan de Acción (do 21 de abril ao 11 de maio) - Plan Dixital de Centro (do 11 de maio ao 12 de xuño).
Na primeira Fase de análise e diagnose, realizáronse os Test extraídos da plataforma europea SELFIE (ferramenta de autoavaliación para centros) dos cales se extraeu certa información en referencia a diferentes áreas en relación á etapa educativa.
Do mesmo xeito, todo o profesorado do centro, a través da plataforma Fprofe, realizou o Test CDD. A partir del extraéronse as seguintes conclusións do informe grupal xerado. Este test fai referencia ao perfil competencial do profesorado.
Grazas á información recollida e xerada a través dos datos do SELFIE e do Test CDD, que nos permitiu confirmar e coñecer a realidade do noso centro no relativo ao eido dixital, puidemos extraer unha análise DAFO que nos permite reflexionar sobre a realidade do noso centro e nos facilitou a elaboración das liñas de actuación fundamentais para a redacción dos obxectivos e accións a desenvolver no vindeiro curso e que se recollen neste Documento.
O Equipo de Dinamización do Plan Dixital, realizará, alomenos, unha xuntanza trimestral para valorar a evolución do Plan.
Do mesmo xeito, a persoa mentora ADIX realizará, como mínimo, dúas visitas trimestrais ao centro, para analizar, xunto coa persoa coordinadora do Plan Dixital, o desenvolvemento do PD.
A persoa coordinadora do PD, terá acceso á ferramenta EduCalidade para rexistrar os avances e avaliación deste plan, baixo a supervisión da persoa directora e co apoio do resto de persoas que forman o equipo.
Neste primeiro momento solicitouse a inclusión ás webs dinámicas poñendo en marcha a Páxina web. Conseguindo así o primeiro obxectivo. Por outra parte trasladouse ás familias a necesidade do uso do abalar para as communicacións centro-familia.
Neste trimestre impolantamos o recuncho TIC.
No último trimestre demos por finalizado o obxectivo do Proxecto interdisciplinar do cal se obtiveron varios produtos finais.
O procedemento de seguimento do desenvolvemento do plan e da consecución de obxectivos, indicando: - Levarase a cabo unha avaliaicón procesual unha vez ao trimestre para analizar e valorar o estado de execución das accións, analizar e valorar os resultados, e de ser o caso, realizar posibles modificacións nas accións de mellora.
- Do mesmo xeito, ao finalizar o curso académico 2022-2023 relizarase unha avaliación final para valorar o nivel de logro dos obxectivos e as propostas de mellora. Así mesmo valoraránse accións e obxectivos novos para mellorar no vindeiro curso académico.
Acadáronse, case na súa totalidade, todos os obxectivos porpostos para o curso. Consideramos sistematizar as publicacións e dinamización da Páxina Web. O recuncho TIC foise completando grazas ao equipamento enviado pola Consellería como a Pantalla Interactiva e un ordenador para o alumnado.
Continuar na mesma liña en relación á páxina web e mellorando o recuncho TIC.
O Plan Dixital de centro será colgado na Páxinca Web do Centro ao igual que se poñerá en coñecemento do mesmo a toda a comunidade educativa a través das canles de comunicación coorporativas das que dispoñemos no centro (Abalar móbil, correo electrónico...).
https://www.edu.xunta.gal/centros/ceipqueiruga/node/14
