Art. 111 bis Tecnoloxías da información e comunicación
As condicións nas que se debe desenvolver a xestión dos datos académicos do alumnado de xeito que se cumpran os protocolos de protección de datos e se empregaren formatos que garantan a inalterabilidade entre os diferentes sistemas empregados no sistema educativo estatal.
Por unha banda, faise referencia aos contornos virtuais de aprendizaxe, as características destes e ao seu emprego dentro da vida académica. Por outra banda, faise fincapé na necesidade de que as diferentes administracións educativas promovan o emprego das tecnoloxías da información e a comunicación como método axeitado e valioso para levar a cabo tarefas de ensino e aprendizaxe procurando a eliminación de condutas de risco.
As administracións educativas revisarán os marcos de referencia da competencia dixital que orienten a formación inicial e permanente do profesorado de xeito que se facilite a implantación dunha cultura dixital nas aulas. Tamén, as administracións educativas ofrecerán recursos dixitais precisos que garantan a igualdade de oportunidades entre todos os escolares.
Art. 121 O proxecto educativo de centro
O proxecto educativo de centro recollerá a estratexia dixital do centro atendendo ao establecido no artigo 111 bis. 5.
Art. 132 da LO 2/2006, de 3 de maio, de Educación. Competencia da dirección dos centros
As persoas directoras dos centros educativos ten a competencia de promover a innovación e experimentación con novos métodos de ensino encamiñados a acadar os obxectivos propostos no PEC
A hora de contextualizar o plan dixital dentro do noso centro e importante diferenciar:
Característica socioeconómicas e culturais do contexto do centro. Atopámonos nun entorno rural. Nun centro cun número de alumnado estable nos últimos anos grazas ao alumnado que veu do entorno próximo buscando este tipo de escola. O entorno sociocultural da nosa parroquias e medio tirando a baixo. As familias que aceden ao cole de fora do entorno son de clase media alta.
O PD integrase dentro do Proxecto Educativo de centro, como un elemento dinamizador do traballo diario.
O PD debe relacionar e integrar todos os proxectos do centro, sendo unha ferramenta motivadora, inclusiva para todo o alumnado indiferentemente da súa situación familiar e social.
Na Programación Xeral Anual do curso 22/23 deberemos ter en conta este PD para levar a cabo os obxectivos no plan de acción.
O proceso de elaboración do PD realizouse mediante unha liña de traballo do PFPP neste curso escolar en onde todo o profesorado formou parte deste equipo de traballo (Equipo para a dinamización do plan dixital de centro) baixo a tutela dun coordinador. Tamén, todo o claustro participou activamente nas diferentes actividades como enquisas, recollida de datos e redacción. En esta liña de traballo realizaranse xornadas de formación e diversas reunións.
A temporalidade para a realización do plan dixital foi marcada pola entrega das diferentes tarefas.
- 1º- Novembro 21. Inicio co contacto cas persoas ADIX co centro.
- 2º- Decembro 21. Realización do SELFIE para centros educativos
- 3º- Febreiro 22. Realización do test CDD.
- 4º- Marzo 22. Realización do DAFO do centro.
- 5º- Abril – Maio 22. Realización dos obxectivos do plan de acción dixital de centro.
- 6º- Xuño 22. Realización do Plan Dixital de centro.
