O Plan Dixital é un documento dirixido a mellorar a relación da comunidade educativa coas novas tecnoloxías. O presente Plan Dixital imbrícase dentro do noso Proxecto Educativo.
O noso Centro Escolar está situado no núcleo urbano de Miño, preto dun entorno natural moi rico e singular, as marismas do río Baxoi, e moi cerca das praias da Ribeira e da Praia Grande de Miño. Recibe alumnado dos concellos de Miño e Vilarmaior, que forman parte do Conxunto do Eume, xunto cos concellos de Cabanas, Monfero e Pontedeume dentro da bisbarra natural que forma o Golfo Ártabro. O noso centro está autorizado para impartir as ensinanzas de Educación Infantil, Educación Primaria e Educación Secundaria Obrigatoria con dous grupos por nivel educativo.
Os seguintes datos están referidos ao momento de elaboración do presente documento.
Nº de alumnado: 545.
Nº de unidades en funcionamento:
5 unidades de Educación Infantil.
14 unidades de Educación Primaria (temos 3 unidades en 5º e 6º).
8 de ESO (3 en 1º ESO, 2 en 2º ESO, 2 en 3º ESO e un grupo en 4º ESO).
1 unidade de Educación Especial.
Nº de profesorado: 52 docentes.
A lexislación na que se ampara este documento é a seguinte:
Para realizar o análise DAFO do noso centro empregamos o autoavaliación SELFIE e o test de competencia dixital docente, ambas ferramentas aplicadas orixinalmente durante o curso 2021/2022.
Ditas ferramentas, que ofreceron os resultados pertinentes para a elaboración dos obxectivos deste plan, foron actualizados anualmente para realizar as modificacións oportunas neste plan mediante a aplicación de diferentes ferramentas.
A partir do Informe SELFIE, test de competencia dixital docente e o coñecemento do centro por parte das persoas integrantes do equipo encargado do Plan Dixital, o centro xerou unha análise DAFO que permite o coñecemento da realidade do centro no eido dixital e facilita a elaboración das liñas fundamentais do Plan Dixital en termos de obxectivos e accións a desenvolver.
As liñas de actuación prioritarias serán as seguintes:
- Formación do alumnado na resolución de incidencias técnicas sinxelas.
- Formar ao alumnado nun comportamento dixital seguro e responsable.
- Formación do porofesorado en procedementos pedagóxicos apoiados nas ferramentas dixitais así como en procedementos seguros e aplicación dos dereitos de autor.
- Formar ás familias nas ferramentas de uso do alumnado, así como en comportamentos axeitados para lograr unha paternalidade consciente coa realidade dixital.
Faremos tres ao longo do curso, unha ao final do primeiro trimestre escolar, outra ao final do segundo trimestre e a última, durante o mes de xuño. En cada unha delas faremos un seguimento de cada unha das accións dos obxectivos previstas para o trimestre anterior. Valoraremos o estado de execución das accións, o análise e a valoración dos resultados e, se é necesario, a modificación dalgunha das accións pendentes e elaboraremos propostas de mellora para as xa rematadas.
A mentora ADIX participará no seguimento deste Plan de xeito continuado.
As accións traballadas durante o primeiro trimestre do curso 23/24 foron:
01PD:
A01.1 Detección do nivel de competencia dixital do alumnado.
A01.2 Emprego progresivo na aula de actividades de aprendizaxe dixitais co obxectivo de incrementar a competencia dixital do alumnado.
O2PD:
A02.1 Detección das incidencias técnicas mais frecuentes do alumnado cos seus equipos E-Dixgal
O3PD:
A05.1 Convocatoria de reunión inicial para presentar o proxecto E- Dixgal e os equipos do alumnado e para explicar as condicións do seu uso.
Durante o segundo trimestre do curso 2023/2024 non se acadaron novos indicadores ou obxectivos do Plan Dixital vixente.
Durante o terceiro trimestre do curso 2023/2024 non se acadaron novos indicadores ou obxectivos do Plan Dixital vixente.
Coincidindo coa segunda avaliación procesual, tamén faremos unha avaliación final dos obxectivos nos que teñamos rematadas as accións previstas para eles.
Durante o mes de xuño, realizaremos a segunda avaliación final na que faremos unha valoración do logro dos obxectivos e as propostas de mellora cara ao seguinte curso académico.
No claustro ordinario de final do curso 2023/2024 incluíuse un punto na orde do día relativo á valoración do Plan Dixital. Neste contexto, o coordinador do Plan comunicou que durante o curso non se acadaron os obxectivos propostos no Plan, e que, polo tanto, deberanse tomar medidas ao respecto a partir de setembro, realizando as modificacións oportunas no plan para conseguir acadar os obxectivos.
- Establecer un punto do día no claustro de comezo de curso para valorar a pertinencia e operatividade dos obxectivos actuais do PD.
- Facer unha repartición efectiva dos obxectivos entre os membros do Equipo de Dinamización das TIC do centro.
A publicación deste documento na web do noso centro educativo e a comunicación ás familias do lugar no que poden atopalo a través das diferentes reunións de inicio de curso e do espazoAbalar, serán as formas de difusión do mesmo. Facilitarase a difusión deste Plan mediante a URL para a consulta do mesmo: https://www.edu.xunta.gal/educalidade/BuscaPlanAction?codPlan=1&codConvocatoria=132&codCentro=15009071
