Hoxe a vila é un centro urbano que depende no económico da área de Vigo, aínda que o sector de servizos é a actividade principal. Segue tendo importancia o sector pesqueiro , cada vez en menor medida a pesca en gran altura e incrementándose a pesca artesanal do día; manténdose outras actividades relacionadas coa pesca. A mellora das comunicacións por estrada entre Cangas e Vigo permitiu que moitos habitantes de Cangas desenvolvan a súa actividade laboral en Vigo; sobre todo no sector sanitario… E  nos últimos anos  favorecido tamén pola mellor comunicación, apréciase un movemento de poboación de vigueses que optan por Cangas como lugar de residencia.
Na sociedade da información e a comunicación, os cidadáns poden dispor, de forma inmediata, de informacións procedentes de calquera recanto do mundo. Por outra parte, a diferenza doutros medios de comunicación, como  televisión ou radio, nos que a información é unidireccional, as novas tecnoloxías crean espazos de interacción social entre persoas e grupos, facilitando o intercambio de ideas, experiencias, etc.; ademais, o usuario non é simplemente un consumidor de información, senón que pode converterse  tamén en produtor da mesma.
Todo isto non pode facernos esquecer que tamén presentan aspectos negativos que hai que ter en conta dende unha perspectiva educativa. En primeiro lugar, a información, por si mesma, non se converte en coñecemento, en segundo lugar, a través da Rede non só nos chega información válida, senón tamén contidos pouco científicos e de carácter violento, sexista, racista e xenófobo..., ademais de permanentes estímulos ao consumo indiscriminado. É tamén unha realidade que os alumnos de hoxe inícianse no uso de tecnoloxías da comunicación antes incluso de ter a idade recomendada para facelo, case sempre con descoñecemento dos perigos que poden aparecer por non facer un uso adecuado.
Por todo isto, consideramos unha obriga ética contribuír á formación integral do alumnado dotándoos dos instrumentos - técnicos, cognitivos e éticos- que os capacite para desenvolverse plenamente, de maneira responsable e crítica, na nova sociedade da información e a comunicación.
No noso centro a aproximación ás TIC iniciase no curso 1997/98 no que se prepara a primeira aula de informática con 20 equipos  a disposición de todos os alumnos   do centro. Tamén se incorpora un ordenador para tarefas administrativas. Cinco anos máis tarde xa temos conexión a internet. O primeiro encerado dixital chega no curso 2008/09 e xa no ano 2010 entramos no Proxecto Abalar. Desde ese curso, foise equipando cada aula con PDI, ordenador portátil e sistema de audio. Unha vez equipadas todas as aulas do centro o seguinte paso foi mellorar a conectividade á internet con fibra óptica e dar cobertura wifi a todos os espazos do colexio.  No curso 2015/16 iníciase o “Proxecto tablets” en 3º de E.P. no que os alumnos comezarán a empregar tablets como ferramenta nas aulas.

A incorporación das novas Tecnoloxías da Información e a Comunicación á práctica docente conlevará cambios no modelo organizativo e pedagóxico do noso Centro. Ditos cambios deben de reflectirse no Proxecto Educativo de Centro (PEC) e na Programación Xeral Anual. A Comisión de Coordinación Pedagóxica procederá a revisar e modificar o PEC para a súa aprobación, se procede, polo Claustro. Estas modificacións terán como finalidade básica establecer os criterios que se van seguir para a integración didáctica das TIC.
A comezos de cada curso incluiranse no PXA a concreción dos obxectivos e contidos do Plan dixital e as actuacións previstas para cada ano escolar.
O Colexio Plurilingüe Casa de la Virgen é un centro concertado, e polo tanto sostido con fondos públicos  e supervisado polas autoridades Educativas  da Comunidade Autónoma de Galicia.  Isto supón que aplicaremos todas aquelas normativas relacionadas coa Educación Infantil, Primaria  e Secundaria.  A elaboración e implementación do Plan Dixital entra dentro destas normativas, e as súas disposicións lexislativas son as seguintes:
 -Art. 111 bis, Art. 121 e Art. 132  da LO 2/2006, de 3 de maio, de Educación
 - Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
 - Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022 (Non aplicable para nos por non ter ciclos formativos)
 - Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022

No inicio do curso 21/22, no mes de setembro, o Director informa ao  Coordinador TIC das instrucións da Consellería de Educación en canto á obrigación de elaborar ao longo do presente curso un Plan Dixital que se implementará no curso seguinte. (Reenvía ao coordinador os correos electrónicos da Consellería). Na reunión do equipo TIC se informa a todos os membros e se comunica que durante o primeiro trimestre se aplicará a ferramenta SELFIE. Rexístrase o centro en SELFIE e envíanse instrucións e prazos ao equipo directivo e profesores do colexio. A finais do primeiro trimestre, xa co informe SELFIE rematado, ten lugar a presentación do mentor ADIX. Informa ao Coordinador TIC da creación dunha plataforma desde a que se informará e axudará á realización de todas as etapas do proceso de elaboración do Plan Dixital, así como da validación de cada un dos pasos. A tarefa e axuda do mentor foi absolutamente indispensable e necesaria para desenvolver o traballo.
A partir de aquí todo o traballo foi avanzando na plataforma: Validación do informe SELFIE, do test CDD, Informe DAFO, elaboración do Plan de acción e finalmente o Plan Dixital. Unha vez validados todos os pasos previos, o coordinador TIC decide e desenvolve os obxectivos. Finalmente con toda a información previa e o modelo do documento do Plan  Dixital, o coordinador TIC redacta o Plan.

Neste curso 23/24 actualízase o Plan Dixital con novos obxectivos, e reformulando os obxectivos non  acadados o curso pasado.

Prodecemento para a avaliación (debido a un erro técnico non se pode cubrir no espazo anterior)

O procedemento de seguimento do desenvolvemento do plan e da consecución de obxectivos será o seguinte:
No contexto da avaliación procesual, realizarase unha avaliación das accións iniciadas e o estado de execución no que se atopen.  Aproveitarase as reunións ordinarias do equipo TIC, que son trimestrais e  farase constar na acta da reunión o estado  no que se encontra cada unha. Ademais a medida que cada acción vaia rematando realizarase unha valoración dos resultados, unha reflexión sobre os aspectos a modificar e mellorar na acción se vai propoñerse nun novo curso académico. Todas esta información tamén será rexistrada na acta. A ficha descritora de cada acción tamén ten un apartado para indicar o estado no que se atopa e serán levadas a cada reunión do equipo TIC para marcar a situación na que está.
 No contexto da avaliación final, realizarase  aproveitando a última reunión do equipo TIC, e unha vez rematada a análise da execución das últimas accións ou as que acaben no final do curso. Valorarase o nivel de consecución dos obxectivos previstos nas accións de todo o curso, as dificultades, modificacións se as houbera e finalmente tratarase de identificar as causas que non permitiron acadar algún obxectivo (se sucedeu tal circunstancia). Analizarase a posibilidade de melloras para o próximo curso.
Toda esta información rexistrarase na acta final do equipo TIC

Valoración Xeral

De forma xeral, houbo unha mellora con respecto ao curso anterior en canto á distribución das accións. O feito de distribuilas ao longo do curso, e incluso con tempos de execución moi amplos, permiten modificar e adaptar as acción ante os imprevistos que aparezan.

Tamén se observa maior dificultade para acabar obxectivos que impliquen a moitos docentes e en moitos cursos.

Tendo en costa a experiencia destes dous últimos cursos no desenvolvemento do plan dixital, hai varios aspectos que queremos ter en conta para os próximos plans e que pensamos que permitirán a consecución dos obxectivos:

- Propoñer e deseñar accións que involucren a menos dun 20% do profesorado coa finalidade de que sexan máis operativas e sinxelas de traballar.

- Deseñar os obxectivos e accións de forma que, ainda que comecen en datas próximas vaian rematando de forma escalonada ao longo do curso.

- Distribuir as accións dos obxectivos con prazos amplos de execución.

Unha vez que o Plan Dixital teña o visto e prace da autoridade educativa, o protocolo de difusión e posta en coñecemento da comunidade educativa será o seguinte:
 1.    O Coordinador TIC comunicará a todos os membros do equipo TIC a conformidade do Plan Dixital por parte da autoridade Educativa. Rexistrarase na última acta do equipo TIC do curso correspondente.
 2.    O coordinador TIC, informará ao Director da aprobación e explicará con detalle os obxectivos previstos no Plan de Acción. O Director informará a súa vez ao presidente do Padroado da Fundación á que pertence o Colexio.
 3.    No claustro final do curso, o coordinador TIC informará a todos os profesores do estado de execución e nivel de cumprimero dos obxectivos do Plan Dixital.
 4.    Na reunión do Consello Escolar, posterior ao Claustro de Profesores, e último do ano, o coordinador TIC explicará o seguimento realizado polo mentor ADIX e os niveis de execución e logro das diferentes accións. A avaliación do Plan Dixital deberá ser aprobado polo Consello Escolar.
 5.    Unha vez informados todos os órganos e coa aprobación do Consello Escolar, empregarase a páxina web do Colexio (https://cangas.casadelavirgen.es/) para publicitar e difundir que o centro conta cun Plan Dixital que do que xa levamos implementando dous cursos. A maior parte dos cursos tamén contan cun Blog de aula que é moi empregado por alumnos e familias e polo tanto se solicitará aos profesores administradores dos distintos blogs que inclúan unha entrada con referencia e información do Plan Dixital.
A persoa coordinadora do PD terá acceso  á ferramenta Educalidade para poder rexistrar os avances e avaliacións deste plan baixo a supervisión da dirección do centro.