O Colexio de Educación Infantil e Primaria Veleiro Docampo está situado na localidade de Castro Ribeiras de Lea, pertencente ao concello de Castro de Rei. Neste concello, ademais de diferentes parroquias de carácter rural, existen dous núcleos poboacionais principais con características semiurbanas, un deles é onde se localiza o centro educativo. O colexio Veleiro Docampo atende a alumnado procedente de parte das parroquias situadas xeograficamente ao sur do Concello de Castro de Rei (Triabá, San Xiao de Mos, Ribeiras de Lea, Duarría, Dumpín, Duancos, Orizón, Mondrid, Ludrio, Loentia e Bendia) e outras limítrofes pertencentes ao Concello de Cospeito (caso de Xustás e Bexán). Castro Ribeiras de Lea é un referente principal de toda a zona, no que se refire a servizos administrativos (salvo a casa do Concello e o posto da Garda Civil) e no ámbito económico. E unha localidade que ten identidade propia, con recursos en ámbitos coma o lecer, asociacionismo etc.., á vez que actúa como referente administrativo e económico para as aldeas limítrofes. Nos últimos anos tense producido un importante incremento da poboación. Ao centro acude tamén alumnado doutras zonas educativas, por decisións de ámbito familiar. En relación ás TICs, é preciso mencionar que a maioría das familias do centro posúe algún recurso tecnolóxico, como unha tableta ou un ordenador, aínda que en moitos casos este recurso limítase a un teléfono móbil. A conexión a internet é bastante limitada debido á mala cobertura da zona, só existe fibra óptica na vila e estase a iniciar o cableado dalgunha das parroquias. Debido á situación derivada da COVID19, puidemos constatar que o nivel de competencia das familias en relación ao uso das TICs é na súa maioría básico. Tamén é preciso mencionar que o noso centro participa no programa E-Dixgal.
Tendo en conta o contexto anterior, elaboramos o Plan Dixital, coa finalidade de dar un enfoque de centro ao uso dos recursos pedagóxicos dixitais, de xeito que se converta nun proxecto compartido para todos os membros da comunidade educativa, que dea coherencia e guíe o uso das tecnoloxías. Será un instrumento que forme parte do Proxecto Educativo e da Programación Xeral Anual.
1.4. Proceso de elaboración Ao inicio deste curso, 2021-2022, constitúese o Equipo de Dinamización do Plan Dixital, coa finalidade de elaborar dito documento. Os pasos a seguir foron os seguintes: 1. Realizar a análise da situación do centro a través das ferramentas para a diagnose de situación SELFIE e Test de Competencia Dixital Docente. 2. Realizar a diagnose de situación do centro. A partir do Informe SELFIE, obtivemos un informe sobre Debilidades, Ameazas, Fortalezas e Oportunidades (DAFO) que nos permitiu a análise de situación e a definición das liñas fundamentais do Plan Dixital en termos de obxectivos e actuacións. O Informe Individual do test CDD permitiu coñecer as competencias profesionais docentes relacionadas co ámbito dixital, o que facilitará planificar unha formación persoal que atenda ao nivel de partida de cada docente. 3. A partir das análises anteriores establécese o Plan de Acción, no que se determinan os obxectivos que queremos conseguir e as accións necesarias para acadar eses obxectivos. A partir deste Plan de Acción elabórase o Plan Dixital.
No contexto da avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
OBXECTIVO 1: revísase a infraestructura e o equipamento do centro.
OBXECTIVO 2: creación dun grupo de traballo, co fin de levar a cabo diferentes accións do Plan Dixital.
OBXECTIVO 3: noméase a coordinadora TIC e a coordinadora do grupo de traballo. O profesorado reflexa nas súas programacións os productos multimedia que quere elaborar.
OBXECTIVO 1: realización de diferentes actividades multimedia, co alumnado.
OBXECTIVO 2: elaboración dun repositorio na aula virtual do centro.
OBXECTIVO 3: formación sobre lexislación relativa á protección de datos.
OBXECTIVO 1: realización de diferentes actividades multimedia co alumnado.
OBXECTIVO 2: infórmase ao claustro da existencia dun repositorio en liña, para compartir materiais.
OBXECTIVO 3: elabórase un esquema que servirá de guía para o futuro protocolo para crear produtos multimedia.
O procedemento de seguimento do desenvolvemento do plan e da consecución de obxectivos, realizarase do seguinte xeito: - No contexto da avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora. - No contexto da avaliación final a frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.
A valoración do desenvolvemento do Plan dixital é favorable, cunha boa implicación do profesorado do centro.
Quedan pendentes, para o próximo curso, a consecución dun par de accións do obxectivo 3 e continuar ampliando os outros obxectivos.
O Plan Dixital será presentado ao Consello Escolar, para a súa aprobación na última reunión do curso 2021-2022, unha vez oído o Claustro. Realizada a aprobación, será dado a coñecer a toda a comunidade educativa a través da páxina web do centro.
