XUSTIFICACIÓN DO PLAN
Tendo en conta as orientacións establecidas no Plan de Recuperación e Resiliencia da Unión Europea e no marco do Plan de Acción de Educación Dixital (2021-2027), a Consellería de Cultura, Educación e Universidade persegue a transformación dixital dos centros educativos de Galicia como organizacións a fin de que sexan dixitalmente competentes nos procesos de ensino-aprendizaxe, de xestión e de relación; o cal leva consigo un proceso de mellora das competencias dos membros da comunidade educativa, que se deberá recoller nun Plan Dixital de Centro (en adiante, PDC).
O PDC é un instrumento de planificación que debe estar integrado no Proxecto Educativo, segundo recolle a LOM-LOE no seu artigo único. Modificación da Lei Orgánica 2/2006, do 3 de maio, de Educación, punto 62, apartado 1: “o proxecto educativo do centro recollerá
asimesmo a estratexia dixital do centro, de acordo co establecido no artigo 111 bis5”, co fin de desenvolver a competencia dixital da comunidade educativa, ,promover a innovación e sacar o máximo partido das tecnoloxías da información e comunicación, e dos recursos
educativos dixitais.
Este plan debe elaborarse coa participación de todos os sectores da comunidade educativa, de modo que se convirta nun proxecto compartido. Do mesmo modo, conforme á disposición adicional décima da mencionada lei, o Plan de Continxencia para situacións de
emerxencia conterá as medidas que garanticen a competencia dixital do alumnado e profesorado, reducindo no posible as fendas dixitais de acceso e uso, e as previsións para a revisión dos elementos do currículo e das programacións didácticas centradas nos aspectos máis competenciais do mesmo.
Durante o curso 2021/22 cada centro elaborará o seu PDC, seguindo as instrucións que se diten, tal e como recolle a resolución do 17 de xuño do 2021 na súa disposición adicional quinta da Secretaría Xeral de Educación e Formación Profesional; así como na resolución
do 18 de xuño de 2021 pola que se ditan instrucións para o desenvolvemento dos ciclos formativos de formación profesional do sistema educativo no curso 2021/22.
CONTEXTUALIZACION DO PLAN DIXITAL
O alumnado que asiste á EEI do Rial (Laraño), é da propia parroquia de Laraño, pero tamén de parroquias próximas como Vidán ou Roxos, tamén do concello de Santiago, ou Bertamiráns, do concello de Ames. O sector económico máis representativo das familias é o sector terciario. Os pais dos alumnos/as adícanse a profesións relacionadas co sector terciario (como servizos públicos educación e sanidade- e administración pública). A maioría dos pais e nais teñen emprego fixo. En canto ao tipo de vivenda, a maioría dos alumnos habitan en vivendas unifamiliares situadas en urbanizacións ou en pisos situados en edificios.
A situación cultural das familias, en xeral, é media-alta, xa que o nivel de estudos da maior parte dos pais son de nivel superior (estudos universitarios).
En canto á situación académica do centro, o nivel de superación da etapa e promoción á Educación Primaria é do 100% nestes últimos anos.
PROCESO DE ELABORACIÓN
No mes de novembro de 2021, a Xunta de Galicia pon en marcha a Rede DixitalGal, constituindo equipos de apoio dixital aos centros (ADIX). Cada equipo está formado por 3 mentores que serán os encargados de apoiar os centros docentes sostidos con fondos públicos dependentes da Consellería de Cultura, Educación e Universidade, no deseño, elaboración, dinamización e desenvolvemento do seu Plan Dixital.
Para levar a cabo o proceso de elaboración do PDC foi necesario crear un equipo dentro de cada centro, asignando un coordinador ou coordinadora para o mesmo. Dado que esta é unha Escola de Educación Infantil, e polo tanto ten unha unidade, neste caso o equipo
está formado pola maestra titora e as especialistas de relixión e lingua estranxeira, sendo a titora a coordinadora de dito equipo. Pódese dicir, por tanto, que todo o proceso de elaboración do plan resultou sinxelo dado que recae a responsabilidade nunha persoa.
Así pois, o proceso de elaboración do PDC pasou por diversas fases, cuxos resultados se reflictirán nos vindeiros apartados do presente documento. As fases foron as seguintes:Fase I: análise e diagnose da situación dos centros. Nesta fase, levada a cabo entre os meses de novembro e marzo, desenvolvéronse tarefas como a elaboración do informe SELFIE e a análise dos seus resultados, o informe grupal do test de competencia dixital e
a elaboración dunha análise DAFO tendo en conta os resultados dos informes realizados.
Fase II: deseño e elaboración do plan dixital. Esta fase comezou a levarse a cabo en marzo, unha vez feita a análise DAFO da situación dixital do centro. A partir desta, establecéronse uns obxectivos para o Plan de Acción. Estes obxectivos son os que orientarán o noso Plan Dixital, polo tanto deben ser específicos, medibles, acadables, relevantes e realizables no tempo. Unha vez elaboradas as táboas cos obxectivos propostos para o curso 2022/23 procédese ao desenvolvemento e redación do PDC, que se reflicte no presente documento.
Fase III: implementación, seguimento e avaliación do plan dixital. Aínda que o PDC debe ser elaborado no presente curso 2021/22, a implementación do mesmo levarase a cabo no vindeiro curso 2022/23. En canto ao seguimento e avaliación do mesmo, este debe
Pax 6 de 18ser un proceso continuo de observación e mellora para poder acadar os obxectivos propostos no plan.
