Xustificación
En liña coas orientacións establecidas no Plan de Recuperación e Resiliencia da Unión Europea e no marco do Plan de Acción de Educación Dixital (2021-2027), a Consellería de Cultura, Educación e Universidade persegue a transformación dixital dos centros educativos de Galicia como organizacións dixitalmente competentes nos procesos de ensino- aprendizaxe, de xestión e de relación o que require de un proceso de mellora das competencias dos membros da comunidade educativa que se deberá recoller nun Plan Dixital de Centro como organización.
Con todo isto e seguindo o Art. 111 bis, Art. 121 e Art. 132 da LO 2/2006, de 3 de maio, de Educación. Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022. Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022. Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital, en base ás conclusións obtidas no proceso de diagnose. centros docentes sostidos con fondos públicos da Comunidade Autónoma de Galicia para o curso 2022-2023.
Contextualización:
O centro CPR Plurilingüe Emma é un centro concertado situado no centro de Santiago de Compostela e nel impártense as tres etapas educativas: infantil, primaria, secundaria.
Na súa oferta privada inclúese a etapa de Bacharelato.
Na secundaria hai unha liña educativa dende primeiro a cuarto. As clases teñen unha media de 22 alumnos formadas por rapaces e rapazas.
En canto o nivel socioeconómico o centro acolle a alumnos de diferentes zonas sendo a predominante a do Concello de Santiago se ben tamén acolle un número considerable de alumnos doutros concellos colindantes sendo estes: Ames, Teo, Oroso.
Ainda que pertencen a diferentes ámbitos socioculturais, empregando o índice socioeconómico e Cultural (ISEC) como elemento definitorio do contexto dos centros, construído a partir de variables relativas ao nivel de estudios, situación laboral e profesional das familias e os recursos culturais e materiais no fogar o noso centro pertence a un grupo medio-baixo na súa maioría. segun o este nivel medio-baixo.
A presencia de alumnado doutros países non é considerable se ben este alumnado intégrase perfectamente.
Salvo contadas excepcións non soe haber problemas coas familias aínda que o nivel de implicación non sempre é suficiente aducindo problemas laborais.
O Plan Dixital dentro do proxecto educativo enténdese como un instrumento que debe favorecer e impulsar o uso dos medios dixitais non só no proceso de ensinanza - aprendizaxe senón tamén no resto dos procesos de xestión, organización, programación e comunicación do centro. Polo tanto na PXA deberá incluirse as accións e obxectivos a levar a cabo dentro do plan dixital como tamén reflictir na memoria final de curso aquelas que foron acadadas ou seguen en proceso de consecución.
Proceso de elaboración:
Novembro de 2021, a Xunta de Galicia pon en marcha a Rede DixitalGal, constituindo equipos de apoio dixital aos centros (ADIX). Cada equipo está formado por 3 mentores que serán os encargados de apoiar os centros docentes sostidos con fondos públicos dependentes da Consellería de Cultura, Educación e Universidade, no deseño, elaboración, dinamización e desenvolvemento do seu Plan Dixital. Seguindo as intruccións da Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022, constitueuse un equipo de dinamización do Plan Dixital formado por 6 persoas: a Directora, un Coordinador e catro membros do claustro.
Seguindo a cronoloxía establecida pola Admón. no mes de decembro do 2021 fíxose o SELFIE, cunha participación do 100% do equipo directivo, o 71,4% do profesorado e o 85% do alumnado.
A temporalización axustouse á realidade do proceso marcado polo mentor do grupo de traballo. Sendo a seguinte:
Novembro - Decembro: establecemento do calendario das accións; análise da normativa, Presentación do ADIX e das plafaformas a empregar. Realización do SELFIE.
Febreiro: Realización test CDD
Marzo: Reflexión sobre a DAFO
Abril-Maio: Definir obxectivos, Docencia e elaboración Plan de Acción.
Xuño: elaboración do Plan Dixital segundo modelo aportado polo mentor.
