- Xustificación do Plan Dixital en relación coa normativa vixente.
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
A Lei Orgánica 2/2006, do 3 de maio, de Educación, regula diferentes aspectos relacionados coa competencia dixital e a innovación educativa, así no artigo 121 establece que o proxecto educativo do centro recollerá, entre outros aspectos, a estratexia dixital do centro, de acordo co establecido no artigo 111 bis, no que se establece que as Administracións educativas e os equipos directivos dos centros promoverán o uso das tecnoloxías da información e a comunicación (TIC) na aula como medio didáctico apropiado e valioso para levar a cabo as tarefas de ensino e aprendizaxe, utilizando os marcos de referencia da competencia dixital que orienten a formación inicial e permanente do profesorado e faciliten o desenvolvemento dunha cultura dixital nos centros e nas aulas.
O artigo 132 da devandita Lei establece como competencias dos directores e directoras, entre outras, exercer a dirección pedagóxica, promover a innovación educativa e impulsar plans para a consecución dos fins do proxecto educativo do centro; e fomentar a cualificación e formación do equipo docente, así como a investigación, a experimentación e a innovación educativa no centro.
A disposición adicional quinta da Resolución do 17 de xuño de 2021, da Secretaría Xeral de Educación e Formación Profesional (DOG 30 de xuño), pola que se ditan instrucións para o desenvolvemento das ensinanzas de educación infantil, educación primaria, educación secundaria obrigatoria e bacharelato no curso académico 2021-2022, e na disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de formación profesional do sistema educativo no curso 2021- 2022 sinala que os centros docentes elaborarán no curso 2021-2022 o seu Plan Dixital de acordo coas instrucións que se diten.
En liña coas orientacións establecidas no Plan de Recuperación e Resiliencia da Unión Europea e no marco do Plan de Acción de Educación Dixital (2021-2027), a Consellería de Cultura, Educación e Universidade (en diante, a consellería) persegue a transformación dixital dos centros educativos de Galicia como organizacións a fin de que sexan dixitalmente competentes nos procesos de ensinoaprendizaxe, de xestión e de relación o que require de un proceso de mellora das competencias dos membros da comunidade educativa que se deberá recoller nun Plan Dixital do Centro como organización.
O Regulamento polo que se establece o Mecanismo de Recuperación e Resiliencia do Consello Europeo do 11 de febreiro de 2021 establece como un dos seus principais eixes a transformación dixital na procura da excelencia, a universalidade e a equidade na educación; que elimina as brechas sociais e territoriais, CVE: 3tRd0kXzY0 Verificación: https://sede.xunta.gal/cve 2 que incentiva a formación continua e cre no talento, promocionando o emprendemento e a innovación, o reforzo das súas capacidades de investigación e a atracción e fomento da excelencia.
- Contextualización do PD no centro e contribución ao Proxecto Educativo.
O CEEPR AMICOS atópase situado no centro da comarca costeira do Barbanza, no concello de Ribeira. Limita cos concellos de Porto do Son e Pobra do Caramiñal. O centro está situado nunha contorna que permite dispor de distintos recursos sociais e naturais.
En canto ás características socioeconómicas do CEEPR AMICOS, podemos destacar que a maioría das familias posúe un poder adquisitivo medio. A principal fonte de ingresos das distintas localidades próximas ó centro baséase no sector pesqueiro e servicios.
A raíz da creación do Plan Dixial de centro durante o curso 21/22 será necesario actualizar o noso Proxecto Educativo, de cara a enriquecer e fomentar futuros proxectos.
Pero cabe destacar o proxecto TICNEATE, o cal ten como obxectivo principal o aproveitamento de calquera situación para utilizar as novas tecnoloxías como uso lúdico e formativo. Ofrecéndolle o noso alumnado un novo modelo de vida adaptado os tempos que corren, onde se fomente valores e coñecementos propios da sociedade a través da creatividade, os aspectos lúdicos.. pero sempre cunha finalidade de aprendizaxes significativos.
Tamén podemos resaltar que o profesorado foise reciclando en diferentes formacións do CAFI, como deseño e impresión 3D, actividades interactivas inclusivas, creación de contidos interactivos, e gamificación.
A hora de levar a cabo a abordaxe do PD do centro encontrándonos ante a estruturación do traballo en tres fases.
FASE I. ANÁLISE E DIAGNOSE DA SITUACIÓN DOS CENTROS. Esta primeira fase dividiuse nos seguintes puntos:
- Presentación e contacto co centro.
- Comezo do SELFIE e preguntas personalizadas.
- Informe e resultado SELFIE (resultado o que se chegou a través da realización dun test tanto do alumnado, como do profesorado e parte directiva).
- Informe grupal dos test CDD (resultado que se chegou a través da realización dun test do profesorado do centro).
- Informe DAFO ( análise de fortalezas- debilidades e oportunidades- ameazas).
FASE II. DESEÑO E ELABORACIÓN DO PLAN DIXITAL. Esta segunda fase dividiuse nos seguintes puntos:
- Obxectivos do plan de Acción (deseño dos obxectivos de mellora de cara o próximo curso).
- Plan dixital ( Redacción do PD de cara o vindeiro curso).
FASE IIII. IMPLEMENTACIÓN, SEGUIMENTO E EVALIACIÓN DO PLAN DIXITAL. A cal desenrolarase durante o vindeiro curso 22/23.
