Plan do centro
Vixencia
Introdución
Contexto DAFO
Obxectivos
Seguimento
Dentro do proceso de seguimento e avaliación do Plan dixital faremos un seguimento quincenal do mesmo, xa que moitas das accións dos obxectivos repártense nos diferentes trimestres, o cal axudaranos a ter unha perspectiva real da realización das accións e a análise e resultado das mesmas e se fora necesario da realización de modificacións das accións ou propostas de mellora.
Durante o inicio de curso levamos a cabo diferentes reunións entre a dirección do centro, equipo docente e demais profesionais especialistas para evaluar as necesidades tanto do alumnado como do profesorado, así como pescudar experiencias de transformación dixital doutros centros para tomalos como referencia para as nosas accións futuras. Ademais, despois de detectar as carencias en canto a competencia dixital do profesorado, solicitamos diferentes grupos de traballo á persoa coordinadora do CAFI para realizados durante o segundo trimestre.
Neste segundo trimestre continuamos avanzando en accións de diferentes obxectivos abordados durante todo o curso entre os que podemos destacar o intercambio e divulgación de experiencias de transformación dixital con outros colexios da contorna e resto de Galicia ou a creación de contidos e materiais dixitais para abordar as necesidades individuais do noso alumnado. Ademais, cabe salientar que durante estes meses desenrolamos as sesións presencial dos grupos de traballo e comezamos a profundizar nos contidos para aumentar o noso nivel de competencia dixital do obxectivo 5.
Rematamos de abordar accións que realizamos de maneira continua durante todo o curso como o intercambio e divulgación de experiencias de transformación dixital con outros colexios, a creación de contidos e materiais dixitais para abordar as necesidades individuais do noso alumnado, ou o referente ao aumento da nosa competencia dixital a través dos grupos de traballo, tanto na profundización dos contidos como na realización da memoria e valoración final dos mesmos. Tamén cabe salientar que durante todo o curso utilizamos a aplicación “TokApp” para a comunicación entre a dirección do centro e os titores coas diferentes familias para informar as mesmas dos progresos ou incidencias dos seus fillos, así como proporcionarlle información sobre diferentes documentos ou actividades do curso escolar.
Así como ata agora comentamos as accións acadadas, hai que ter presente aquelas que non puidemos levar a cabo como a publicación dos recursos dixitais adaptados creados nun repositorio dixital ou a totalidade do obxectivo 6 ao non ser viable facer partícipes ao noso alumnado na creación de proxectos dixitais tendo en conta as características individuais dos mesmos.
Avaliación
Como avaliación final, ésta realizarase o final do último trimestre, centrándonos no logro dos obxectivos e nas propostas de mellora que se fixeron ao longo do curso para conseguir os mesmos.
Como valoración final, podemos dicir que acadamos a meirande dos obxectivos propostos neste plan dixital. Entre eles, consideramos mais significativos para a nosa práctica docente os relacionados co aumento da nosa competencia dixital en canto a creación e elaboración de contidos e materiais dixitais para poder adaptar e abordar as necesidades individuais do alumnado do centro. En contraposición a isto, non podemos levar a práctica a creación de proxectos dixitais conxuntamente con eles polas casuísticas dos mesmos.
Aínda que potenciamos a comunicación entre a dirección do centro e os titores coas diferentes familias a través da aplicación "TokApp" de cara ao vindeiro curso incidiremos sobre a importancia de ter unha comunicación mais fluida e continua por esta vía, así como obter feedback pola súa parte para coordinar o aprendizaxe de maneira conxunta e traballar ambas partes na mesma liña.
Por outro lado, como xa comentamos no apartado anterior, temos que ter presente as características e necesidades individuais do alumnado do centro, o que dificulta a creación de maneira conxunta de proxectos dixitais e polo tanto facelos partícipes deste proceso.
Comunicación e difusión
A estratexia definida de cara a difusión do Plan Dixital do centro centrarase en tres vías de actuación, as cales serán a seguintes:
- Primeiro, para a difusión do PD do centro engadirémolo o Plan educativo do mesmo, actualizándoo e revisándoo.
- Segundo, a entidade a que se vincula o centro educativo conta cun equipo de comunicación, o cal se encarga unha vez a semana de difundir todas as novidades, e actividades que acontecen e se realizan no CEEPR, sendo tamén un canle de difusión para o PD.
- E por último para facer participe as familias dos nosos alumnos as cales tamén forma parte da comunidade educativa farase uso da ferramenta Tokapp a través da cal se lles poderá informar das diferentes actividades vinculadas a realización dos obxectivos plantexados.
Pódese acceder a dito Plan Dixital a través da seguinte ligazón: https://amicos.org/wp-content/uploads/2022/11/Plan-Dixital-CEEPR-Amicos.pdf