XUSTIFICACIÓN DO PLAN
En liña coas orientacións establecidas no Plan de Recuperación e Resiliencia da Unión Europea e no marco do Plan de Acción de Educación Dixital (2021-2027), a Consellería de Cultura, Educación e Universidade persegue a transformación dixital dos centros educativos de Galicia como organizacións a fin de que sexan dixitalmente competentes nos procesos de ensino- aprendizaxe, de xestión e de relación o que require de un proceso de mellora das competencias dos membros da comunidade educativa que se deberá recoller nun Plan Dixital do Centro como organización.
O plan dixital de centro, é un instrumento de planificación que debe estar integrado no Proxecto Educativo, segundo recolle a LOMLOE no seu artigo único. Modificación da Lei Orgánica 2/2006, de 3 de maio, de Educación, punto 62, apartado 1 “O proxecto educativo do centro recollerá así mesmo a estratexia dixital do centro, da cordo co establecido no artigo 111 bis.5.”, co fin de desenrolar a competencia dixital da comunidade educativa, promover a innovación e sacar o máximo partido das tecnoloxías da información e comunicación, e dos recursos educativos dixitais.
Durante os curso 2021/2022 cada centro elaborará o seu plan dixital, segundo as instruccións que se diten, tal e como recolle a resolución do 17 de xuño de 2021 na súadisposición adicional quinta da Secretaría Xeral de Educación e Formación Profesional. E na resolución do 18 de xuño de 2021 pola que se ditan instrucións para o desenvolvemento dos ciclos formativos de formación profesional do sistema educativo no curso 2021/2022.
CONTEXTUALIZACIÓN DO PLAN DIXITAL
O colexio Manuel López Navalón é un centro de educación especial que ofrece unha proposta educativa en dúas etapas, ámbitos ou modalidades: educación básica e formación profesional mediante os programas formativos de formación profesional básica para alumnado con necesidades educativas. Na educación básica existe a modalidade de educación combinada con outros centros ordinarios , tanto de educación secundaria obrigatoria como de educación primaria. Tamén ofrece atención e servizos de logopedia con carácter ambulatorio dende o Centro de Recursos.
A procedencia do alumnado do centro é diversa, na meirande parte das distintas bisbarras da provincia e de bisbarras próximas de Pontevedra, cun nivel económico medio-baixo e socialmente unha grande parte das familias do alumnado están atravesando dificultades de diversa índole. Os recursos culturais dispoñibles na casa son limitados, non todo o noso alumnado dispoñe de ordenador e/ou conexión a Internet, etc. Unha parte das familias do centro non está alfabetizada dixitalmente aínda que progresivamente vai aumentando o
acceso ás TIC por parte dos mesmos. A fenda dixital en moitos casos é unha realidade que condiciona a situación dos fogares ao respecto.
PROCESO DE ELABORACIÓN
O deseño do Plan Dixital de Centro debe recoller as ideas principais que avalia SELFIE, determinar as prioridades e establecer os seguintes niveis de planificación (programas, proxectos e/ou accións) que marcarán o plan de traballo do centro escolar no seu proceso de cambio e mellora, en definitiva, unha boa estratexia para mellorar a dixitalización do noso centro escolar.
Durante o curso 2021/22 o Coordinador TIC do Centro realizou un curso de formación para a elaboración do Plan Dixital do centro. Esta formación supuxo a base sobre a que se xestou a elaboración deste documento. Coa participación do profesorado e o alumnado na recollida de datos con SELFIE, conseguimos que todos os actores educativos, salvo as familias, participen na elaboración do Plan Dixital do Centro.
