O plan dixital do centro é un instrumento que debe favorecer e impulsar o uso dos medios dixitais nos procesos de ensino-aprendizaxe e nos
procesos de comunicación e xestión do centro, co obxectivo de colaborar no desenvolvemento integral do alumnado.
A referencia fundamental para desenvolver este plan é o Marco Europeo para Organizaciones Educativas Digitalmente Competentes
(DigCompOrg). As leis nas que se enmarca son:
¿ Art. 111 bis, Art. 121 e Art. 132 da LO 2/2006, de 3 de maio, de Educación.
¿ Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se
ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
¿ Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se
ditan instrucións para o desenvolvemento dos ciclos formativos de FP do sistema educativo no curso 2021- 2022.
¿ Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño,
elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o
curso 2021-2022.
- Contextualización do PD no centro e contribución ao Proxecto Educativo:
O noso centro, CPR Plurilingüe Galaxia, está situado na Rúa Estatuto no 2, no casco urbano do concello de Ribeira (15960), A Coruña.
Impártense nel as etapas educativas de Educación Infantil, Educación Primaria, Educación Secundaria Obrigatoria e Bacharelato (este último
sen concerto).
Contamos no curso actual con con 480 alumnos/as, 38 docentes e 5 persoas de administración e servicios.
A nosa web é www.colegiogalaxia.es e o correo cpr.galaxia@edu.xunta.gal.
Características socioeconómicas e culturais do contexto do centro:
O concello de Ribeira é de mediana extensión, 65.1 km. cadrados, repartidos entre as nove parroquias que o forman cunha poboación de
27000 habitantes.
O índice de inmigración é cada ano máis alto debido á oferta de empleo xerada no sector da pesca e o marisqueo e a industria conserveira
sendo a clave da economía de Ribeira á que se dedica o 32 % da poboación activa. É un dos portos pesqueiros máis importantes de Galicia.
Ribeira constitúe un dos concellos máis dinámicos da provincia nos últimos tempos. Trátase dun lugar enmarcado no progreso económico e
desenrolo empresarial por encima da liña provincial. Demograficamente, a súa natalidade aínda garante o crecemento. A poboación está
comparativamente máis rexuvenecida cá galega. Dentro da perspectiva comarcal, o Barbanza presenta uns indicadores moi dinámicos, tanto
a nivel xeográfico coma no desenrolo do seu tecido económico.
En canto ás características do alumnado práctica totalidade dos alumnos/as do Colexio Galaxia teñen a súa residencia habitual no Concello de Ribeira.
Proceden de familias que se caracterizan por ter maioritariamente dous fillos aínda que tamén abundan os fillos únicos, sendo moi inferior a cantidade de
familias numerosas.
A veces o núcleo familiar vese ampliado pola convivencia cos avós, que teñen certa incidencia na vida familiar, xa que nalgunhas ocasións
son estes os que levan adiante a atención dos nenos/as, cando os pais traballan fóra da casa, feito que cada vez é máis frecuente.
Os alumnos/as proceden en xeral de familias cun nivel económico medio - alto e non presentan carencias nas súas necesidades básicas de
alimentación e hixiene.
- O PD vai axudar a que o noso Proxecto Educativo se adecúe máis ás necesidades da nova sociedade na que vivimos, colaborando
coa formación dixital do noso alumnado. Asemade estará interrelacionado co Proxecto Lingüístico do centro, xa que o fomento da lingua galega
debe ir da par das novas tecnoloxías, desbotando así ese prexuízo que identifica a lingua galega como atrasada e pouco moderna. Unha das
grandes aportacións do Plan Dixital ao noso Proxecto Educativo é a minimización da fenda dixital que existe no noso centro debido á situación
socioeconómica dalgunhas familias. Esta fenda dixital fai que non podamos prantexarnos a participación en determinados proxectos que
implican o uso de equipamento dixital, xa que algún alumnado non conta con él na casa e no centro son insuficientes.
- O Plan Dixital estará integrado na nosa Programación Xeral anual, o seu funcionamento repercutirá no desenvolvemento das
actividades do profesorado e na aprendizaxe do noso alumnado. Consideramos que levar a cabo o Plan Dixital impulsará e motivará a labor
ensino-aprendizaxe.
O PD foi elaborado polo equipo de Dinamización do Plan Dixital formado pola directora do centro e a profesora nomeada coordinadora para a
elaboración do PD.
Ademáis da utilización da información do SELFIE e do TCDD, o claustro de profesores participou tamén na súa elaboración con propostas e coa
axuda máis específica de profesorado cun nivel máis alto no uso das TIC na súa área ou asignatura. A administración e secretaría tamén aportou
datos e información. A opinión das familias e alumnado foi recollida tamén neste plan a través do Consello escolar e a título persoal por parte
dalgunha familia.
Os pasos a seguir para a elaboración doplan foron:
¿ Elaboración da enquisa SELFIE e envío da mesma a través da aula virtual ao alumnado, profesorado e equipo directivo do centro.
¿ Cumprimentar o TCDD mediante a plataforma Fprofe.
¿ Realizar a análise DAFO a partir da colaboración do claustro e os datos recollidos nos documentos previos, SELFIE e TCDD.
¿ Redactar o plan de acción cos obxectivos que se pretenden acadar.
¿ Elaborar o plan dixital con todos os datos recopilados.
