1.Breve xustificación
A necesidade de crear un Plan dixital de centro atópase en toda a lexislación que citamos a continuación:
-
Art. 111 bis, Art. 121 e Art. 132 da LO 2/2006, de 3 de maio, de Educación
-
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
-
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
2. Contextualización do PD de centro e contribución ao Proxecto Educativo de Centro
O C.E.I.P. Plurilingüe de Artes está situado no concello de Ribeira (A Coruña). O centro conta con 3 unidades, 1 de E.I e 2 de E.P. Conta cun claustro formado por 5 docentes e 4 compartidos, tratáse dos mestres de AL, Música, Orientación e Relixión. A economía das familias está centrada no sector pesqueiro e industrias derivadas do mesmo, ainda que cabe destacar un número importante que se adican á venta ambulante. A participación das familias na vida escolar cada ano increméntase en calidade e cantidade, ainda que as veces, temos dificultades para que as familias cumpran as normas marcadas no NOF. En canto á estrutura das familias, debido á situación laboral e a diferentes problemáticas persoais, obsérvase casos de nenos/as que están ó cargo de avós/as. A isto súmase que moitos pais están embarcados longas tempadas polo que gran peso da educación directa recae sobre a figura materna. Entre o alumnado é destacable o excesivo interese polo consumo, con forte influencia da publicidade e da TV. Observamos o incremento de problemas derivados do uso incorrecto das redes sociais. Respecto ó perfil lingüístico, a situación é de diglosia. A lingua vehicular é o catelá. Con relación ao clima de convivencia, aínda que o noso centro non presenta, salvo contadas excepcións, problemas graves, si hai unha incidencia de problemas menores que con frecuencia se ven acentuados por cuestións alleas ao propio centro, relativas ao modelo de convivencia na propia familia. Observamos como aumentan o caso de familias que fan un uso incorrecto das redes sociais con respecto á escola.
Con este plan pretendemos contribuír os obxectivos do PE e favorecer o desenvolvemento da competencia dixital en toda a comunidade educativa. Así mesmo faremos unha modificación e revisión dos distintos plans e proxectos do centro para que contribúan o desenvolvemento da competencia dixital. Por outra banda, parécenos moi importante seguir participando nos proxectos de innovación nos que estamos (E-dixgal e club de ciencia), pero tamén nos parecería apropiado intentar adherirnos a Polos Creativos, xa que deste xeito seguiríamos potenciando a competencia dixital.
Na Programación Xeral Anual, do vindeiro curso, deberíamos facer especial fincapé nos obxectivos deste plan.
3. Proceso de elaboración
O proceso de elaboración do Plan Dixital non foi doado, xa que pola tipoloxía de centro que somos, fai que teñamos poucas horas dispoñibles logo de desenvolver as nosas funcións docentes e cada día a carga administrativa é maior. Por poñer un exemplo, o coordinador do Plan Dixital non puido disfrutar das sesións de liberación horaria para elaborar este documento.
Por todo isto, queremos agradecer a voluntariedade e boa disposición do profesorado para realizar este documento.
Unha vez dito esto explicamos como foi o proceso:
-
Reunión do Coordinador do plan co equipo para dar a coñecer o documento e elaborar o mesmo.
-
Creación colaborativa do PD. (Cada mestre/a tivo a oportunidade de colaborar na elaboración do documento).
-
Reunión para dar a coñecer ao resto do profesorado o PD. (Deuse un prazo de tempo para aportacións).
-
Revisión por parte do Coordinador de centro. (Envío para revisión inicial ao Adix de zona).
-
Elaboración definitiva do PD e presentación ao Claustro.
