INTRODUCIÓN

O CEIP de Prácticas está situado no centro da cidade de A Coruña, en Paseo de Ronda, 47. É un centro educativo de tamaño pequeno-medio, actualmente con 10 unidades (3 de infantil y 7 de primaria), que ao longo dos anos acolle a unha media de entre 210 e 225 alumnos e alumnas.. Consecuentemente o claustro é tamén reducido, oscilando entre 18 e 20 membros. O alumnado procede de familias de situación socioeconómica diversa. O colexio ten unha clara orientación cara ao barrio no que está enclavado, de onde procede a práctica totalidade do seu alumnado. Isto supón, entre outras consecuencias, que a maior parte das familias, en maior ou menor medida, coñécense entre sí, xa que son veciños e que os desprazamentos ao centro son, con moito, maioritariamente a pe.

CONTEXTUALIZACIÓN DO PLAN DIXITAL NO CENTRO. CONTRIBUICIÓN AO PROXECTO EDUCATIVO DO CENTRO.

- O alumnado deste centro presenta unhas características singulares tales coma un uso maioritario da lingua castelá, unha situación socioeconómica media que posibilita o acceso por parte das familias a diferentes actividades de ocio cultural fora do colexio.

- O PD contribúe ao desenvolvemento do Proxecto Educativo ao colaborar cos Equipos de Dinamización do centro: Biblioteca, Dinamización da Lingua Galega, Convivencia, Medioambiente... para crear e apoiar proxectos conxuntos: divulgar actividades conmemoracións na web do colexio, crear contidos dixitais para animación lectora, entre outros.

- Relación con outros Plans e proxectos do centro: centro Abalar, Edixgal dende o curso 2020-2021; participación no programa EduExchange no curso 2021-2022.

- Contribución do PD á Programación Xeral Anual do curso 23/24 a través das distintas liñas de actuación: Formación do profesorado Mellora de equipamentos Colaboración cos Equipos de Dinamización do centro.

PROCESO DE ELABORACIÓN

A inicios de curso formalizouse o Equipo de Dinamización do Plan Dixtal. Unha vez creada a AV e que nos asignaran o asesor correspondente, iniciouse o proceso de elaboración dividido en 3 fases: recollida de datos, deseño e elaboración do Plan Dixital e Implementación e seguimento do Plan Dixital. Dentro da fase I, realizouse a enquisa SELFIE, CDD e o análise DAFO; na fase II analizouse a información extraída das enquisas, mediante a ferramenta BOARD e o establecemento dos obxectivos do Plan.

- avaliación procesual: a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

- avaliación final: a frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.

A nivel xeral fóronse conseguindo case todos os obxectivos propostos en maior ou menor medida.

A implementación de polos creativos quedou a medias pola falta de envío de material, aínda que se trataron de facer outras actividades sen o mesmo.

Houbo renovación de portátiles nas aulas dos cursos superiores, onde se instalaron os paneis dixitais e a maiores diso os portátiles do profesorado de Edixgal quedarán no centro para habilitalos en aulas e no de partamento de orientación o que supón unha mellora dixital para o traballo docente que facía moita falta.

As incidencias resolvéronse de forma satisfactoria ben polos membros do equipo TICs ou pola UAC en casos máis técnicos.

A aula móbil xa está funcionando correctamente.

Houbo un rexistro elevado dos libros da biblioteca na aplicación Koha.

Cumpre mencionar aquí tamén o feito importante da non continuidade no programa EDIXGAL. Aínda que o mesmo estaba a proporcionar bos resultados tanto no eido académico como no relativo á alfabetización informática do alumnado e que o profesorado o estaba empregando de modo puntual e limitado, existiu unha petición por parte das familias para non renovarmos a adscrición ao programa que foi aprobada polo Consello Escolar. Deste xeito, as aulas de 5º e 6º de Ed. Primaria abandonan EDIXGAL e incorporaranse ao uso da aula informática móbil o curso próximo como actividade para garantir un mínimo de uso escolar de recursos dixitais.

Recibir o material de polos creativos para poder continuar coa formación no uso dos materiais recibidos e poder empregalos na aula.

Reforzar o uso da aula virtual (Moodle) co centro como substitutivo de EDIXGAL.

Na páxina web do centro.