1.1. Datos básicos do centro

O Instituto de Educación Secundaria Xesús Ferro Couselo é un centro público dependente da Consellería de Educación e Ordenación Universitaria que imparte as ensinanzas de Educación Secundaria Obrigatoria e bacharelato, nas modalidades de ciencias, humanidades e ciencias sociais.
Nas táboas seguintes están os datos de alumnado e persoal do curso 2021-2022 actualizados a maio de 2022.

O centro está situado nos arrabaldes de Ourense, na rúa Ponte Sevilla nº 43; preto do Pazo dos Deportes Paco Paz e do Recinto Ferial Expourense.
Outros datos: correo electrónico ies.ferro.couselo@edu.xunta . gal ; páxina web do centro http://www.edu.xunta.gal/centros/iesferrocouselo e teléfonos de contacto : 988252000, 692628585 , 662523554.

1.2. Contextualización do Plan Dixital no centro. Contribución ao Proxecto Educativo do Centro

Característica socioeconómicas e culturais do contexto do centro.
A mayoría do alumnado pertence ao Concello de Barbadás, zona residencial próxima a Ourense, que mantén nos últimos anos un crecemento demográ¿¿ico exponencial alcanzando os 11.000 habitantes. O concello ten seis núcleos poboacionais: Barbadás, Bentraces, Loiro. Piñor, Sobrado do Bispo e A Valenzá. Sendo este último unha cidade dormitorio de Ourense e o núcleo de poboación máis moderno e grande do concello con 7500 habitantes.
Nunha breve análise socioeconómica do concello, comprobamos que a estrutura económica é moi diversa, cunha distribución na que predomina o sector terciario, seguido do sector secundario. Este sector terciario ofrece servizos de moi diferente índole: industria
hoteleira e hostaleira, así como infraestruturas e servizos relacionados co recente crecemento da poboación: garderías, parques públicos, colexios, lugares de ocio, etc. Este sector ocupa o 60% da poboación activa. O sector secundario (construción e industria) tamén continúa sendo destacable, pese á situación económica global, ocupando aproximadamente segundo os nosos datos o 28-30 % da poboación activa. Aínda que, dada a situación económica actual, este sector tan estratéxico e básico para moitas economías familiares continúa sendo bastante castigado.
O sector primario é moito menos relevante ocupando só o 10% da poboación activa, pola escasa actividade e a pouca capacidade de emprego que se crea no sector. A gandería, tanto intensiva como extensiva, concéntrase nalgunhas parroquias, non habendo ningunha explotación dominante, sendo case todas de tipo familiar. A isto hai que unir unha produción agrícola moi variada (millo, patacas, árbores frutais, vides…) dedicada o autoconsumo, fundamentalmente.
A maior parte do alumnado da ESO ten dereito a transporte escolar e servizo de comedor os luns a mediodía (día con clases a tarde). Podemos decir que a renda familiar no centro é media ou media baixa, xa que a maior parte do alumnado ten axudas de libros e
material escolar e non ten que aboar gastos polo servizo de comedor.

O alumnado presenta un perfil bastante uniforme dende unha perspectiva sociocultural e lingüística. Case todo o alumnado procede de familias que adoitan ter o galego como lingua familiar, agás o alumnado inmigrante que na maior parte, procede de países de América do Sur.

Incardinación e contribución do PD ao Proxecto Educativo.

Dentro do proxecto educativo de centro xa está incluído o desenvolvenmento no centro das TIC no apartado 5 Liña metodoloxica.
“Metodoloxía activa, que fomente no alumnado unha actitude curiosa, crítica, investigadora e que, mediante a comunicación e o traballo, se converta na base da súa formación e da adquisición da aprendizaxe. Dita metodoloxía incluirá diversos medios TIC
usados de xeito crítico e responsable.”

A partir da redacción e implementación do Plan dixital de centro o Proxecto Educativo completarase cunha estratexia dixital que, formando parte do Plan de Mellora, fomente e desenvolva as distintas competencias dixitais do profesorado e do alumnado, tendo como obxectivos a longo prazo:

1. Coñecer e manexar programas e ferramentas TIC, chegando a crear recursos abertos, usando metodoloxías TIC innovadoras.
2. Lograr un comportamento ético e responsable no uso das TIC favorecendo a convivencia, evitando as situacións discriminatorias ou de desigualdade e entendendo vantaxes e riscos.
3. Respectar os dereitos de autor e usar as distintas licenzas de xeito adecuado para acadar unha con¿¿ianza dixital.

Feitas as análises trimestrais o equipo elaborará un informe (parte da memoria final de curso) que recollerá os resultados acadados ou non, os aspectos negativos e positivos alcanzados e posibles propostas de mellora de cara o plan dixital anual seguinte.
As propostas de mellora sempre partirán da análise dos resultados do seguimento do plan de acción descrito anteriormente e ademáis da probable realización anual do test SELFIE e o test CDD por parte da comunidade educativa nos distintos sectores, xa que a realidade dos centros irá mudando ano tras ano. Estas melloras serán plasmadas no novo Plan Dixital de Centro anual.

Acadamos todos os obxectivos previstos agás aqueles que non eran dependentes do centro. O único obxectivo que non acadamos foi o de dispoñer dunha hora semanal para o traballo no Plan Dixital dos membros participantes, pero as cargas horarias non permitiron dispoñer desa hora agás para o coordinador do Plan Dixital.

O Claustro estivo informado de todos os paso que se deron no Plan Dixital, ben nas reunións de Claustro, ben a través das reuniónds dea CCP

Valoramos positivamente ter acadados os obxectivos que nos permiten solucionar incidencias TIC dun xeito máis rápido, pero tamén somos conscientes do gran número desas incidencias que se producen debido aos obsoletos recursos tic cos que conta o centro e ás malas infraestructuras tanto eléctricas como cableado de rede e puntos de acceso wifi.

Resultou moi positiva a participación do profesorado nas enquisas realizadas para obter información sobre as necesidades ou demandas que teñen.

Resultou positivo realizar o banco de preguntas colaborativo, que pode resultar de proveito para todos os membros de cada departamento participante,

A creación de actividades dixitais supón unha mellora da competencia dixital do profesorado participante e tamén do alumnado.

A formación E-Dixgal que recibiu o Equipo do Plan Dixital valórase como moi positiva, tanto polo aprendido, como polas posibilidades (recursos, facilidade) que descubrimos e que ofrece o Proxecto E-Dixgal, crendo conveniente promovelo ao Claustro pese ás reticencias infundadas que parte del mostra cara o libro dixital e os recursos dixitais.

Despois de analizar e avaliar na última reunión do Plan Dixital establecemos como puntos de mellora os seguintes:

Establecer no horario (se é posible) unha hora de dedicación al Plan Dixital para os membros do equipo.

Manter e tratar de mellorar os resultados dos obxectivos acadados do Plan Dixital para o vindeiro curso.

Establecer novos obxectivos do PD:

     1. Comunicar ao Claustro a situación do PD e as accións previstas para o curso 23-24

     2. Renovar a aula de informática e os ordenadores dalgunha aula e dispoñer dun repositorio de materiales como teclados, ratos, swichts, etc

     3. Crear "recetas" instruccións curtas e sinxelas para que o profesorado poda resolver aquelas incidencias TIC que non precisen de personal técnico especializado

     4. Realizar unha enquisa para recabar as demandas de formación sobre algún aspecto TIC ou Competencia Dixital.

     5. Mellorar a Competencia Dixital do alumnado de 1º ESO en canto ao uso da Aula Virtual, ofimática básica, creación de PDF, contas de correo e sobre todo sobre os riscos polo (mal) uso das redes sociais.

PROTOCOLO PARA A DIFUSIÓN DO PLAN DIXITAL

Publicación do Plan Dixital a toda a comunidade educativa a través da páxina do centro polo equipo directivo.

http://www.edu.xunta.gal/centros/iesferrocouselo/system/files/PLAN%20DIXITAL-1.pdf

Envío ao profesorado a través do correo electrónico.

Envío a familias a través de ABALAR.