Plan do centro
Vixencia
Introdución
Contexto DAFO
Obxectivos
Seguimento
O equipo de dinamización do PD realizará polo menos unha reunion co mentor ADIX asignado para valorar e asesorar a evolucion deste plan dixital.
A persoa mentora ADIX visitará as veces que sexa preciso para unha boa consecución do PD.
A persoa coordinadora do PD terá acceso ao aplicativo Educalidade para rexistrar os avances e avaliación deste plan baixo a supervision da persoa directora do centro.
Ao longo do primeiro trimestre do presente curso acadouse o obxectivo O01 que consiste en facer un equipo de profesores que desenvolvan e xestionen estratexias dixitais para implementar novas modalidade no ensino.
Ao longo do segundo trimestre do presente curso acadouse o obxectivo O03, que consiste en establecer un tempo mensual para explorar novos métodos de ensinanza dixital e facilitar o desenvolvemento profesional continuo do profesorado no tocante ás novas tecnoloxías, do xeito seguinte:
- Reunións e formacións do grupo de traballo relacionadas coa implementación de novos métodos de ensinanza e utilización de recursos dixitais.
- Elaboración dun horario semanal por parte do equipo TIC para que todo o profesorado do centro poida realizar actividades relacionadas coas novas tecnoloxías co apoio e asesoramento do profesorado que forma o equipo (tanto os que están no grupo de traballo coma os que non)
No 3º trimestre, traballouse na implementación do O02 coa creación dun espazo na AV do centro onde quedan recollidas diversas información sobre o uso de licenzas e dereitos de autor.
En canto ao O04, pódese dicir que ao longo de todo o curso o profesorado compartiu experiencias e coñecementos no tocante ás novas tecnoloxías e que existe colaboración a nivel individual entre os docentes do centro.
Avaliación
Para poder avaliar o plan, será necesario medir o grao de consecución dos obxectivos que marcamos. Tamén será necesario comprobar a efectividade das actuacións levadas a cabo
e o desenvolvemento do plan. Así pois, no contexto da avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
Por outra banda, no contexto da avaliación final a frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.
A nivel xeral considérase que os obxectivos do Plan Dixital actual están ben deseñados e que ao longo do curso se traballou na súa consecución, aínda que algúns coma o O02 referente aos dereitos de autor e licenzas de uso, son susceptibles de mellora cada ano. Do mesmo xeito, do grupo de docentes que se formaron no grupo de traballo que se creou, aproximadamente o 40% son persoal provisional, polo que non poderán dar continuidade ao proxecto no vindeiro curso.
En canto ás propostas de mellora suxírense as seguintes:
- Ampliar a porcentaxe de docentes que continúen coa estratexia dixital e leven a cabo a implementación de novas modalidades de ensino.
- Establecer un tempo mensual de 2 h por curso para experimentar con novas modalidades de ensino e aplicar as novas tecnoloxías ao proceso de ensino-aprendizaxe.
- Implementar sesións ou obradoiros de ofimática básica dende o inicio da etapa de primaria.
Comunicación e difusión
O plan porase en coñecemento en reunión de claustro a fin de curso. Farase difusión entre as familias a través da páxina web e estará dispoñible en secretaria unha copia impresa para libre consulta.
O enlace é o seguinte: http://www.edu.xunta.gal/centros/ceipmallon/system/files/PLAN%20DIXITAL%20CEIP%20MALLO%CC%81N_0.pdf