O centro educativo atópase situado sobre as Brañas, espazo urbano rodeado de parques na zona sur da cidade de Santiago de Compostela. Preto do colexio están o parque Eugenio Granell e as Brañas do Sar que, coas súas áreas de pradería, céspede, xardín, bosque de ribeira e carballeira, son un importante recurso para as actividades docentes.

A demarcación da zona de escolarización, abrangue unha ampla área do SL da cidade de Santiago de Compostela, nos barrios de: O Ensanche, Pontepedriña, Castiñeiriño e Sar. É zona urbana na práctica totalidade, con algúns retallos periurbanos de vivendas unifamiliares con terreo e dependencias anexas. Está experimentando unha importante transformación por mor de urbanizacións de recente planificación que hai dentro do seu ámbito. Están construídos e ocupados moitos edificios nos do contorno da Pontepedriña e arredores do centro e, están proxectadas un número importante de vivendas nos SUP situados entre a rúa da Estrada e Granxa do Castiñeiriño ou entre o Monte do Seixo e o Periférico.

A día de hoxe contamos cunha matrícula de 423 alumnos/as (tendo unha capacidade de 450). Con alumado de educación infantil y primaria. Durante o curso soe flutuar levemente á matricula por mor de cambios no domicilio dalgunhas familias, normalmente por motivos laborais e/ou relacionados con movementos migratorios.

Este centro caracterízase por ser un centro inclusivo onde está escolarizado alumnado que presenta necesidades específicas de apoio educativo, alumnado de ascendencia e de procedencia estranxeira (sobre todo de orixe marroquí, latinoamericano (colombianos e peruanos) chinés e latinoamericano).

Os datos socioeconómicos indican que as familias teñen unha renda media alta e unha cultura similar. Por outra banda, existe unha importante diversidade sociocultural, polo que o centro educativo procura compensar as necesidades e as posibilidades de todo o alumnado atendendo a todas as situacións.

Polo xeral, os hábitos de hixiene e alimentación que amosa o alumnado é positivo.

A lingua galega ten un uso minoritario polo alumnado, se ben, se detectan casos puntuais nos que o alumnado fala galego e a actitude xeral das familias é positiva.

Ata a actualidade o absentismo escolar é escaso e as faltas de asistencia soen estar motivadas por enfermidade ou visitas médicas, nalgún caso por viaxes programadas debidamente xustificadas nas titorías.

O Plan Dixital (en diante PD) intégrase no Proxecto Educativo dun xeito global. Este PD conformará unha peza fundamental para a concreción de do ensino cos materiais dixitais. Este centro, no seu PE. Contempla o traballo docente a través da tecnoloxía. Contamos anualmente cun plan de formación desenvolvido desde o centro relacionado coas TIC. Formámonos nos anos anterioes coas ferramentas de Agueiro, tamén coas ferramentas de comunicación coa Communidade Educativa (Abalarmobil). Por outra banda, o centro conta co proxecto E-Dixgal dende hai 5 anos, e o profesorado ten interese en continuar. Neste curso, solicitamos entrar e formar parte do proxecto de Polos Creativos, coa intención de continuar na liña tecnolóxica. Por último, o profesorado traballa diariamente co material de aula, como é un ordenador de mesa e un proxector, ademais, contan e utilizan para a educación mixta a aula virtual (alumnado que, por diferentes motivos xustificados ten que quedar na casa). Todas as aulas contan actualmente con estes recursos ademais de ter auriculares e webcam para comunicacións externas.

O Plan Dixital (en diante PD) contribúe coa Programación Xeral Anual (PXA) no desenvolvemento dos diferentes proxectos nos que o centro se implica globalmente, como por exemplo Radio Furelo, que se desenvolve nas aulas e que consiste na gravación de material audio que logo é editado e subido na páxina web do centro. Tamén contribúe, no desenvolvemento da comunicación de alumnado NEE, na preparación, formación e posta en práctica de recursos a través de Sistemas Alternativos de Comunicación (en diante SAC), contamos con dúas alumnas que utilizan o sistema Grib3 e Proloquo, para os cales precisan de material TIC.

Por outra banda, sinalar os programas nos que estamos implicados como é E-Dixgal, Aulas virtuais e Polos Creativos (solicitado).

Por último, indicar que o centro xestiona material de Educa en Dixital para o alumnado que se atopa en fenda dixital.

O procedemento de seguimento do desenvolvemento do plan e da consecución de obxectivos, realizarase indicando:

- No contexto da avaliación procesual a frecuencia da súa realización será como mínimo unha vez ao trimestre en función de cada obxectivo proposto.

Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

Obx1. Favorecer o traballo colaborativo entre o alumnado empregando as TIC. Titoría entre iguais.

- Temporalización: á finalización de cada trimestre se valorarán os resultados das accións seguintes:

        participación nas tarefas

 a destreza do alumnado no uso dos programas de edición e Tics

 comprobación da difusión en web.

- Os instrumentos de avaliación se realizan a través da observación e da análise dos materiais elaborados.

Obx2. Familiarizarse co material de Polos Creativos

- Temporalización: á finalización de cada trimestre se valorarán os resultados das accións seguintes:

        participación nas tarefas

 a destreza do alumnado no desenvolvemento de proxectos para a impresora 3D

 valoración dos prototipos creados

- Os instrumentos de avaliación se realizan a través da observación e da análise dos materiais elaborados.

- No contexto da avaliación final e global a frecuencia da súa realización será como mínimo unha vez ao ano, e na finalización do curso académico. Os aspectos a considerar incluirán, entre outros, a valoración do logro dos obxectivos e as propostas de mellora.

Con respecto ao primeiro obxectivo, coidamos que se puideron ter empregadas en maior medida certas ferramentas TIC que tiñamos en mente, como por exemplo a radio, pero a falta de tempo, e as dificultades de coordinación de espazos e tempos, impediu esa consecución. Aínda así, pensamos firmemente que se conseguiu instaurar o uso das TIC no día a día da aula para favorecer a aprendizaxe do alumnado nas diferentes materias.

Con respecto á familiarización do alumnado co material de Polos Creativos, cremos que se construiu unha moi boa base para poder empregar de xeito significativo os materiais de Polos Creativos dentro da aula. Os alumnos e alumnas dalgún curso puideron experimentar xa con diferentes materiais proporcionados por Polos Creativos, con moi bos resultados para ser os primeiros pasos que dan neste eido, e cremos que esto dará pé a poder seguir traballando nesta dinámica

De cara a anos futuros, consideramos que sería esencial poder dispoñer dun espazo funcional e accesible para a totalidade do alumnado dun curso no que poder aprender a traballar co material de TIC e Polos Creativos e poder realizar tarefas con eles.

Ademais, consideramos que sería óptimo seguir formándose o profesorado neste eido para familiarizarse e interiorizar estes contidos e poder despois compartilos co alumnado.

1º) A difusión a través da páxina Web do centro.

2º) A comunicación a través do Claustro e do Consello Escolar.

3º) A difusión a través das reunións iniciais de curso.