O IES Aquis Querquernis acolle alumnado da Baixa Limia (concellos de Bande, Muíños, Entrimo, Lobeira e Lobios) e do concello de Verea. A zona da Baixa Limia é unha área eminentemente montañosa, de relevo accidentado e cun forte encaixonamento dos ríos.
As características demográficas da Baixa Limia correPodemos destacar as seguintes características:
- Dispersión e atomización poboacional, descenso demográfico continuado, envellecemento demográfico e predominio da poboación inactiva.
Con respecto á economía, trátase dunha zona na que o peso do sector primario segue a ser considerable. O sector secundario ten unha presenza mínima na comarca. Polo que respecta ao sector servizos, preséntasenos un panorama tamén escaso pero que vai mellorando ao elevarse o número de bares, restaurantes, aloxamentos rurais… Un último apunte debe ser destacado no que respecta ás características económicas da Baixa Limia: a alta porcentaxe de poboación subsidiada, característica esta que se corresponde de maneira lóxica cunha poboación envellecida. Respecto á situación lingüística a comarca presenta un predominio aplastante do galego como lingua vehicular.
O Plan Dixital de centro debe encaixar no contexto institucional mais amplo que ven recollido noutros documentos institucionais, como o Proxecto Educativo do centro e ambos documentos deben estar en total consonancia.
Programación Xeral Anual do curso 22/23:
-Dotar ao alumnado de estratexias para obter e xestionar a información conseguida mediante o uso das TIC.
-Utilizar o ordenador como medio de integración, de creación, de cooperación e de expresión das propias ideas.
-Mellorar a proposta didáctica do profesorado e a súa práctica docente ao aproveitar as posibilidades que ofrecen as TIC.
-Empregar as TIC para o traballo cotián e nas actividades de aula
-Consultar e obter información a través das TIC
-Favorecer a superación das limitacións de acceso ás TIC derivadas das desigualdades sociais.
-Fomentar a páxina web do centro como espazo de comunicación
-A comunicación do centro coa comunidade educativa terá que levarse a cabo a través de ABALAR
O centro, partindo dos datos extraídos das pesquisas á comunidade educativa establece a necesidade de elaborar obxectivos reais e sobre todo posibles para acadar maiores competencias dixitais en todos os membros da comunidade. Este plan, previsto e concretizado para o vindeiro curso, establecerá pautas de cambio nas comunicacións e competencias do alumnado, familias e profesorado, o que esperamos que repercuta positivamente na realidade docente.
O plan dixital elaborouse conxuntamente polo equipo creado para tal obxectivo, sempre en base ás directrices e pautas establecidas na lexislación para implementación do Plan, así como as recomendadas na formación específica recibida para a súa elaboración.
O paso inicial do proceso foi a realización por parte da comunidade educativa do Selfie e do Test CDD que serviu de base para elaborar o Plan. Para realizar este plan de acción, encamiñado á mellora da situación do centro en canto á súa dixitalización, iniciamos plantexando distintos obxectivos necesarios a curto e longo prazo, e escollimos tres para centrar os esforzos no vindeiro curso en acadar aqueles que consideramos prioritarios.