O CEIP San Salvador atópase no concello de A Arnoia, situado na provincia de Ourense, a 35 kilómetros da capital da provincia, cunha poboación aproximada de 1.040 habitantes segundo o Instituto Nacional de Estatística.
O concello de A Arnoia pertence á Comarca do Ribeiro e limita ao noroeste con Ribadavia, ao nordeste con Castrelo de Miño, ao leste con Cartelle, ao sueste con Gomesende e ao suroeste con Cortegada. Localízase na unión do río Arnoia, que divide o concello en dúas partes, co Miño. A zona nordeste do concello é a máis escarpada, onde se localiza o Coto de Novelle (712 m). Nela hai bosques de piñeiros e frondosas. O canón do río Arnoia é escarpado e con fervenzas. Ao sur do río, á altura da minicentral eléctrica, hai un gran bosque de sobreiras de máis de mil hectáreas no seu extremo suroriental estremando co concello de Cartelle. A zona suroeste, que forman os vales de Santo Amaro, San Vicente e Remuiño, ten unha altura media de só 80 m. A súa poboación, galegofalante na súa maioría, adícase: á agricultura, salienta o cultivo da vide e pementos; ao sector servizos, posto que conta cun balneario á beira do río Miño e unha residencia de anciáns. As xentes da Arnoia son moi emprendedoras e traballadoras e o nivel socioeconómico e cultural e medio.
O centro conta con tan só tres unidades: unha de EI e dúas de EP. A aula de EI conta cun total de 15 alumnos e alumnos (dous alumnos/as de 4º de EI, tres de 5º e nove de 6º de EI). As dúas unidades de EP están organizadas do seguinte xeito:
- Aula de 1º, 2º e 3º de EP; conta con 19 alumnos/as (catro en 1º, catro en 2º e once en 3º).
- Aula de 4º, 5º e 6º de EP; conta con 12 alumnos/as (catro de 4º, catro de 5º e catro de 6º).
O Plan Dixital pode supor un importante pulo na implantación das tecnoloxías dixitais no centro, carente de actividade de Dinamización TIC e cun profesorado con baixo nivel de competencia nas mesmas. A mellora na dispoñibilidade de tecnoloxía pode resultar decisiva, xa que os equipos informáticos do centro están obsoletos e con pouco mantemento, debido a que dende a administración non se deu resposta as peticións de equipamento informático nos últimos anos. Estes avances suporán unha mellora notable nos proxectos que se levan a cabo no centro.
O Plan Dixital modificará tamén a Programación Xeral Anual do centro, especialmente debido a inclusión de novos obxectivos para garantir o desenvolvemento do proxecto:
- Favorecer o uso das TIC no proceso de ensinanzaaprendizaxe.
- Mellorar a administración e comunicación do centro e da comunidade educativa.
-Promover a formación do profesorado, as familias e o alumnado nas TIC.
O Marco Europeo para a Competencia Dixital Docente (DigCompEdu) responde á crecente concienciación de moitos Estados membros europeos de que o persoal docente precisa de competencias dixitais especializadas para a sía labor coa finalidade de aproveitar o potencial das TIC para a innovación e a mellora na educación : competencias profesionais docentes + competencias pedagóxicas docentes + competencias dixitais do alumnado.
O Plan Dixital está enmarcado nun ámbito lexislativo composto polas seguintes regulacións:
-
Art. 111 bis, Art. 121 e Art. 132 da LO 2/2006, de 3 de maio, de Educación
-
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
-
Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
-
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
-
O Plan Dixital do centro desenvolveuse nas seguintes fases:
FASE I. ANÁLISE E DIAGNOSE DE SITUACIÓN DOS CENTROS (2021-22)
-
Presentación e contacto co centro
-
Comezo do SELFIE e preguntas personalizadas
-
Informe de resultados do SELFIE
-
Informe grupal do test CDD
-
FASE II. DESEÑO E ELABORACIÓN DO PLAN DIXITAL (2021-22)
-
Obxectivos do Plan de Acción
-
Pan Dixital
-
FASE III. IMPLANTACIÓN, SEGUIMENTO E AVALIACIÓN DO PLAN DIXITAL (2022-23)
-
Informe DAFO
