Plan do centro

Datos do plan

Vixencia

 
 
 

Introdución

Introdución
  1. Datos básicos do centro:

O Instituto de Educación Secundaria de Sar atópase no compostelán barrio de Sar, de onde recibe o seu nome. Os principais datos descritivos do mesmo son os que seguen:

    • Código: 15027319
    • Enderezo: Rúa Bernardo Barreiro de Vázquez Varela s/n. C.P.: 15702. Santiago de Compostela
    • Teléfono: 881 867 162
    • Fax: 881 867 172
    • Web: www.edu.xunta.gal/centros/iesdesar/
    • Enderezo electrónico: ies.sar@edu.xunta.gal
    • Superficie do terreo: 7000 m2 aprox.
    • Superficie edificada en planta: 2425 m2 aprox.
    • Superficie útil: 5400 m2

Pertencente á zona educativa de Santiago de Compostela, o IES de Sar ten unha área de influencia que abrangue, a maiores do propio barrio no que se localiza, a zona de Aríns e Fornás, o Concello de Boqueixón, Val do Dubra (Bembibre e Portomouro), o Concello do Pino e o Concello de Touro.

    Os centros de Educación Primaria adscritos son:

    • CEIP Ramón Cabanillas
    • CEIP Plurilingüe Mestre Rodríguez Xixirei
    • CEIP Apóstolo Santiago
    • CPR Plurilingüe Casa do Neno
    • CPR Plurilingüe Vilas Alborada

No IES de Sar impártense as etapas educativas de Educación Secundaria Obrigatoria e Bacharelato (modalidades de Artes, Ciencias, e Ciencias Sociais e Humanidades). Así mesmo, tamén se atopa no centro unha sección da Escola Oficial de Idiomas de Santiago de Compostela.

O número total de alumnado no curso 2021/22 ascende a 315 estudantes (128 na ESO e 187 en Bacharelato).

O Claustro de Profesores está composto por un total de 45 membros.

  1. Contextualización do Plan Dixital no centro. Contribución ao Proxecto Educativo do Centro

O IES de Sar inaugurouse en 1993 coincidindo co desenvolvemento crecente das redes de comunicación que circundan á cidade, pasando de estar nun barrio periférico mal comunicado a atoparse plenamente absorbido polo centro urbano e aumentando considerablemente o número de vivendas na zona. Estas vivendas foron adquiridas principalmente por familias novas, reportando un aumento do alumnado do centro.

A procedencia do alumnado deriva tanto da propia cidade de Santiago de Compostela coma, en maior medida, de zonas rurais menos poboadas do concello. Así mesmo, tamén proceden abundantes estudantes de concellos limítrofes para estudar Bacharelato. Isto determina un nivel socioeconómico e sociocultural medio ou medio-baixo na ESO e moi variado no Bacharelato.

O IES de Sar é un referente en toda a bisbarra compostelá por ser un dos poucos centros que imparte o Bacharelato de Artes.

O Plan Dixital do IES de Sar vén a elevar a implantación e desenvolvemento dun proceso de ensino e aprendizaxe máis tecnolóxico e dixital ao abeiro das TIC, liña na que se traballa decididamente dende hai varios cursos. Así, este centro é o primeiro da cidade de Santiago de Compostela co programa E-Dixgal estendido aos catro cursos da ESO, feito acadado no presente curso 2021/22, logo de iniciarse o curso precedente con este programa en 1º da ESO. 

No IES de Sar, a maiores da plataforma EVA propia do programa E-Dixgal, tamén se emprega a Aula Virtual (Moodle), Abalar e un correo corporativo tanto para o alumnado como para o profesorado, dispoñendo así dun amplo espectro de ferramentas dixitais e canles de comunicación tanto internas como externas entre os distintos membros da comunidade educativa.

O Plan Dixital contribúe de xeito decidido á Programación Xeral Anual do curso 2022/23. Así, contémplase unha continuación e ampliación dos Plans de Formación Permanente do Profesorado que se veñen desenvolvendo no centro. Do mesmo xeito, tamén se traballa en novos proxectos de marcado perfil dixital e tecnolóxico, como é a posible implantación no vindeiro curso dun amplo proxecto interdisciplinario dentro do programa Polos Creativos.

  1. Breve xustificación do mesmo

O marco lexislativo no que se enmarca a versión 1.0 do Plan Dixital do IES de Sar é o seguinte:

Lei Orgánica 2/2006, de 3 de maio, de Educación, LOE:

- Artigo 111 bis, relativo ás Tecnoloxías da Información e da Comunicación.
- Artigo 121, relativo ao Proxecto Educativo de Centro.
- Artigo 132, relativo ás competencias da dirección dos centros.

Resolucións do 17 de xuño de 2021, do 18 de xuño de 2021, e do 3 de setembro de 2021, da Secretaría Xeral de Educación e Formación Profesional.

  1. Proceso de elaboración

O proceso de elaboración do Plan Dixital do IES de Sar foi organizado atendendo ás directrices comunicadas pola Consellería de Cultura, Educación, Formación Profesional e Universidades. Así, seguíronse as seguintes fases:

    1. Novembro de 2021: posta en marcha da rede DixitalGal e primeiro contacto da responsable ADIX co centro para iniciar o proceso de elaboración do Plan Dixital.
    2. Decembro de 2021: configuración e envío do informe SELFIE, co que se fixo unha primeira análise de situación participando tanto o alumnado como o profesorado e o equipo directivo.
    3. Febreiro de 2022: realización do test de Competencia Dixital Docente, test CDD, por parte do profesorado do centro.
    4. Marzo de 2022: recompilación de datos, reflexión e elaboración da matriz DAFO.
    5. Abril-maio de 2022: elaboración do Plan de Acción do Plan Dixital, definindo os obxectivos e as accións a seguir.
    6. Xuño de 2022: redacción e aprobación da versión 1.0 do Plan Dixital do IES de Sar.

O proceso para elaborar o Plan Dixital do IES de Sar foi respaldado polo Equipo de Dinamización do Plan Dixital, cuxos membros son:

    • Alejandro Braña López (coordinador)
    • Anibal García Pinal
    • Hilda Cuba Cabana
    • Iolanda Raviña López
    • Leopoldo Celestino Bahillo Varela
    • Pilar González Pérez

Contexto DAFO

Instrumentos de recollida de información previa

A partires do Informe SELFIE, o test CDD e outras fontes o centro xerou unha análise DAFO que permite o coñecemento da realidade do centro no eido dixital e facilita a elaboración das liñas fundamentais do Plan Dixital en termos de obxectivos e accións a desenvolver.

Interno
12 elementos atopados, amosando todos os elementos.
Resultados da busca
DAFO Descrición Categoria Obxectivos
Debilidade - Traer o propio dispositivo. - Outorgar recoñecemento ao traballo doutras persoas. - Resolver problemas técnicos. - Habilidades dixitais para diferentes materias. Alumnado Si
Debilidade - Traer o propio dispositivo. Familias Non
Debilidade - Bibliotecas e repositorios en liña. - Infraestrutura. Infraestruturas Non
Debilidade - Tempo para explorar o ensino dixital. - Avaliación do progreso. - Medidas para identificar dificultades. - Traer o propio dispositivo. - Bibliotecas e repositorios en liña. - Avaliación dixital. - Habilidades dixitais para diferentes materias. Organización de centro Si
Debilidade - Colaboración do alumnado. - Proxectos interdisciplinarios. - Avaliación das capacidades. - Retroalimentación axeitada. - Autorreflexión sobre a aprendizaxe. - Comentarios a outros alumnos sobre o seu traballo. - Tempo para explorar o ensino dixital. - Avaliación do progreso. - Debate sobre o uso da tecnoloxía. - Creación de recursos dixitais. - Adaptación ás necesidades do alumnado. - Fomento da creatividade. - Implicación do alumnado. - Emprego de datos para mellorar a aprendizaxe. - Avaliación das capacidades desenvolvidas fóra do centro. Persoal docente Si
Debilidade - Creación de recursos dixitais. - Implicación do alumnado. - Colaboración do alumnado. Persoal non docente Non
Fortaleza - Dispositivos dixitais para a aprendizaxe. - Dispositivos para o alumnado. - Verificar a calidade da información. - Creación de contidos dixitais. - Comportamento seguro. - Comportamento responsable. - Aprender a comunicarse. - Aprender a codificar ou programar. Alumnado Non
Fortaleza - Dispositivos dixitais para o ensino. - Acceso a internet. - Dispositivos dixitais para a aprendizaxe. - Protección de datos. - Tecnoloxías asistenciais. - Asistencia técnica. - Dispositivos para o alumnado. - Espazos físicos. Infraestruturas Non
Fortaleza - Novas modalidades de ensino. Oferta Non
Fortaleza - Estratexia dixital. - Desenvolvemento da estratexia co profesorado. - Novas modalidades de ensino. - Sinerxías para a aprendizaxe mixta. - Asistencia técnica. - Apoio para identificar dificultades. - Espazos físicos. - Tecnoloxías asistenciais. Organización de centro Si
Fortaleza - Emprego de contornos virtuais de aprendizaxe. - Comunicación coa comunidade educativa. - Recursos educativos abertos. - Documentación da aprendizaxe. Persoal docente Si
Fortaleza - Intercambio de experiencias. - Recursos educativos en liña. Persoal non docente Non
12 elementos atopados, amosando todos os elementos.
Externo 7 elementos atopados, amosando todos os elementos.
Resultados da busca
DAFO Descrición Categoria Obxectivos
Ameaza - Infraestrutura. - Bibliotecas e repositorios en liña. Administración educativa Non
Ameaza - Medidas para identificar retos que xorden coa aprendizaxe mixta. Contorna Non
Ameaza - Infraestrutura. - Medidas para identificar retos da aprendizaxe mixta. Outras Non
Oportunidade - Dispositivos dixitais para o ensino. - Acceso a internet. - Asistencia técnica. - Espazos físicos. Administración educativa Non
Oportunidade - Apoio para abordar retos que xorden da aprendizaxe mixta. Contorna Non
Oportunidade - Normas sobre dereitos de autor e licenzas de uso. - Protección de datos. Lexislación Non
Oportunidade - Colaboracións. - Sinerxías para a aprendizaxe mixta. - Apoio para abordar os retos da aprendizaxe mixta. Outras Non
7 elementos atopados, amosando todos os elementos.
Análise

Analizadas as debilidades, ameazas, fortalezas e oportunidades do contexto dixital do IES de Sar elaborouse un Plan de Acción para implantar o Plan Dixital no curso 2021/22.

Obxectivos

Datos obxectivo
Listaxe de obxectivos
Código Obxectivo Opcións
O01PD Dispoñer de tempo para explorar o ensino dixital (A4).
O02PD Avaliar os progresos en materia de ensino e aprendizaxe con tecnoloxías dixitais (B1).
O03PD Mellorar as canles de comunicación para intercambiar problemáticas, dúbidas e experiencias relativas ao uso da tecnoloxía, tanto entre o profesorado como entre o alumnado (B2).
O04PD Remediar as carencias en materia de infraestrutura que dificulten a aplicación dun proceso de ensino e aprendizaxe con tecnoloxías dixitais (C1).
O05PD Identificar as necesidades de aprendizaxe do alumnado e o seu contexto socioeconómico en relación aos retos derivados da aprendizaxe mixta (C11).
O06PD Posibilitar ao alumnado empregar durante as clases os seus propios dispositivos portátiles con fines didácticos (C13).
O07PD Crear un espazo dixital con material de aprendizaxe ao que o alumnado poida ter acceso (C16).
O08PD Crear unha aula virtual con acceso para todo o Claustro de Profesores onde se recolla de xeito periódico, dinámico e actualizado, material explicativo relativo á elaboración de recursos dixitais para reforzar o método de ensino (E2).
O09PD Empregar tecnoloxías dixitais para adaptar o método de ensino ás necesidades individuais do alumnado (F1).
O10PD Aplicar proxectos que fomenten a creatividade do alumnado mediante o manexo de tecnoloxías dixitais (F3).
O11PD Crear grupos de traballo entre o alumnado que fomenten actividades de aprendizaxe mediante recursos dixitais (F4).
O12PD Crear unha aula virtual por grupo a modo de foro para facilitar a colaboración entre o alumnado (F5).
O13PD Crear proxectos interdisciplinarios empregando tecnoloxías dixitais (F6).
O14PD Empregar tecnoloxías dixitais para avaliar ao alumnado (G1).
O15PD Facilitar ao alumnado a retroalimentación axeitada a través da aula virtual do centro ou EVA (G3).
O16PD Realizar ao alumnado cuestionarios dixitais para coñecer en detalle os seus puntos fortes e débiles (G5).
O17PD Fomentar procesos de participación do alumnado para puntuar os traballos presentados a concursos do IES de Sar (G6).
O18PD Empregar en cada avaliación unha folla de cálculo compartida entre o profesorado de cada grupo para avaliar as competencias clave do alumnado atendendo as materias que estude (G7).
O19PD Facilitar ao profesorado de cada grupo a través de XADE e/ou Abalar aquela información que sexa de relevancia sobre o alumnado (G9).
O20PD Realizar un cuestionario ao alumnado para coñecer as habilidades dixitais desenvolvidas fóra do centro (G10).
O21PD Instruír ao alumnado no manexo de material dispoñible en internet e recoñecemento das fontes e da súa autoría (H6).
O22PD Crear unha aula virtual aberta ao alumnado onde se recollan de xeito periódico referencias para desenvolver habilidades dixitais (H10).
O23PD Facilitar información ao alumnado por varios medios sobre como proceder para solucionar problemas técnicos cotiás que xorden ao empregar a tecnoloxía (H13).

Seguimento

Procedemento

O Plan Dixital do IES de Sar preséntase como un documento eminentemente práctico e dinámico cunha pretensión de impacto e aplicación directa no día a día da actividade do centro. Para avaliar a súa repercusión farase un seguimento do desenvolvemento e grao de consecución do mesmo de xeito periódico cunha frecuencia como mínimo trimestral.

1º Trimestre

Iniciáronse as accións relativas á creación de aulas virtuais, cuestionarios e plataformas dixitais para intercambiar contidos e/ou información alumnado-alumnado, alumnado-profesorado e profesorado-profesorado. Así mesmo, modificouse o libro de gardas do centro para contemplar a posibilidade de permuta de sesións segundo se recolle na acción AO1.1.

2º Trimestre

Organizáronse concursos e actividades relacionadas coas artes, as ciencias e as letras fomentando o emprego de ferramentas e medios dixitais para dar resposta ás accións enfocadas neste senso. Así mesmo, comezouse coa impartición de docencia tanto ao profesorado (PFPP e grupos de traballo do centro) como ao alumnado en materia dixial.

Neste trimestre comezáronse a acadar os indicadores para varios dos obxectivos formulados na primeira edición do Plan Dixital do IES de Sar.

3º Trimestre

Continuouse co labor iniciado nos trimestres previos centrando a actividade do Plan Dixital na recollida de retroalimentación, tanto do profesorado como do alumnado, co fin de mellorar os aspectos que dificultan a consecución de todos os obxectivos do PDC do IES de Sar. Así mesmo, mellorouse a dotación de medios dixitais (hardware e software) dos equipos do centro para atender as necesidades do profesorado incorporado no presente curso académico ao centro. O grao de consecución dos indicadores inicialmente establecidos foi moi elevado, acadándose as pretensións iniciais en todos os centrados directamente na atención ás necesidades do alumnado.

Avaliación

Procedemento para a avaliación

O Plan Dixital do IES de Sar preséntase como un documento eminentemente práctico e dinámico cunha pretensión de impacto e aplicación directa no día a día da actividade do centro. Para avaliar a súa repercusión farase un seguimento do desenvolvemento e grao de consecución do mesmo de xeito periódico cunha frecuencia como mínimo trimestral.

No contexto da avaliación procesual os aspectos a valorar inclúen o estado de execución das accións dos distintos obxectivos recollidos no Plan de Acción, a análise e valoración dos resultados e, de ser o caso, as posibles modificacións das accións e as propostas de mellora.

Finalmente farase unha avaliación final ao remate do curso, onde se valorará o logro dos obxectivos e as posibles propostas de mellora de cara ao seguinte curso académico.

Valoración xeral
Proposta de mellora

Comunicación e difusión

Comunicacion e difusión

Co fin de lograr a máxima difusión e posta en coñecemento do presente Plan Dixital entre todos os membros da comunidade educativa do IES de Sar, facilitarase o acceso e consulta deste documento en calquera momento e circunstancia a través das distintas plataformas e canles de comunicación dispoñibles no centro, do mesmo xeito que se realiza cos restantes plans, normas e protocolos actualmente en vigor.

Volver