O centro educativo atópase situado sobre as Brañas, espazo urbano rodeado de parques na zona sur da cidade de Santiago de Compostela. Preto do colexio están o parque Eugenio Granell e as Brañas do Sar que, coas súas áreas de pradería, céspede, xardín, bosque de ribeira e carballeira, son un importante recurso para as actividades docentes.

A demarcación da zona de escolarización, abrangue unha ampla área do SL da cidade de Santiago de Compostela, nos barrios de: O Ensanche, Pontepedriña, Castiñeiriño e Sar. É zona urbana na práctica totalidade, con algúns retallos periurbanos de vivendas unifamiliares con terreo e dependencias anexas. Está experimentando unha importante transformación por mor de urbanizacións de recente planificación que hai dentro do seu ámbito. Están construídos e ocupados moitos edificios nos do contorno da Pontepedriña e arredores do centro e, están proxectadas un número importante de vivendas nos SUP situados entre a rúa da Estrada e Granxa do Castiñeiriño ou entre o Monte do Seixo e o Periférico.

A día de hoxe contamos cunha matrícula de 423 alumnos/as (tendo unha capacidade de 450). Con alumado de educación infantil y primaria. Durante o curso soe flutuar levemente á matricula por mor de cambios no domicilio dalgunhas familias, normalmente por motivos laborais e/ou relacionados con movementos migratorios.

Este centro caracterízase por ser un centro inclusivo onde está escolarizado alumnado que presenta necesidades específicas de apoio educativo, alumnado de ascendencia e de procedencia estranxeira (sobre todo de orixe marroquí, latinoamericano (colombianos e peruanos) chinés e latinoamericano).

Os datos socioeconómicos indican que as familias teñen unha renda media alta e unha cultura similar. Por outra banda, existe unha importante diversidade sociocultural, polo que o centro educativo procura compensar as necesidades e as posibilidades de todo o alumnado atendendo a todas as situacións.

Polo xeral, os hábitos de hixiene e alimentación que amosa o alumnado é positivo.

A lingua galega ten un uso minoritario polo alumnado, se ben, se detectan casos puntuais nos que o alumnado fala galego e a actitude xeral das familias é positiva.

Ata a actualidade o absentismo escolar é escaso e as faltas de asistencia soen estar motivadas por enfermidade ou visitas médicas, nalgún caso por viaxes programadas debidamente xustificadas nas titorías.

O Plan Dixital (en diante PD) intégrase no Proxecto Educativo dun xeito global. Este PD conformará unha peza fundamental para a concreción de do ensino cos materiais dixitais. Este centro, no seu PE. Contempla o traballo docente a través da tecnoloxía. Contamos anualmente cun plan de formación desenvolvido desde o centro relacionado coas TIC. Formámonos nos anos anterioes coas ferramentas de Agueiro, tamén coas ferramentas de comunicación coa Communidade Educativa (Abalarmobil). Por outra banda, o centro conta co proxecto E-Dixgal dende hai 5 anos, e o profesorado ten interese en continuar. Neste curso, solicitamos entrar e formar parte do proxecto de Polos Creativos, coa intención de continuar na liña tecnolóxica. Por último, o profesorado traballa diariamente co material de aula, como é un ordenador de mesa e un proxector, ademais, contan e utilizan para a educación mixta a aula virtual (alumnado que, por diferentes motivos xustificados ten que quedar na casa). Todas as aulas contan actualmente con estes recursos ademais de ter auriculares e webcam para comunicacións externas.

O Plan Dixital (en diante PD) contribúe coa Programación Xeral Anual (PXA) no desenvolvemento dos diferentes proxectos nos que o centro se implica globalmente, como por exemplo Radio Furelo, que se desenvolve nas aulas e que consiste na gravación de material audio que logo é editado e subido na páxina web do centro. Tamén contribúe, no desenvolvemento da comunicación de alumnado NEE, na preparación, formación e posta en práctica de recursos a través de Sistemas Alternativos de Comunicación (en diante SAC), contamos con dúas alumnas que utilizan o sistema Grib3 e Proloquo, para os cales precisan de material TIC.

Por outra banda, sinalar os programas nos que estamos implicados como é E-Dixgal, Aulas virtuais e Polos Creativos (solicitado).

Por último, indicar que o centro xestiona material de Educa en Dixital para o alumnado que se atopa en fenda dixital.

O procedemento de seguimento do desenvolvemento do plan e da consecución de obxectivos, realizarase indicando:

-  No contexto da avaliación procesual a frecuencia da súa realización será como mínimo unha vez ao trimestre en función de cada obxectivo proposto.

Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

Obx1. Favorecer o traballo colaborativo entre o alumnado empregando as TIC. Titoría entre iguais. (F4)

-  Temporalización: á finalización de cada trimestre se valorarán os resultados das accións seguintes:

Participación nas tarefas a destreza do alumnado no uso dos editores de audio comprobación da difusión en web.

-   Os instrumentos de avaliación se realizan a través da observación e da análise dos materiais elaborados.

Obx2. Desenvolver, en diferentes aulas, intercambio de experiencias para favorecer a multiculturalidade do centro a través do noso alumnado inmigrante. (F6)

-  Temporalización: á finalización de cada trimestre se valorarán os resultados das accións seguintes:

Participación nas tarefas o nivel de implicación no coñecemento doutas culturas e respecto análise do espazo creado na aula virtual

-   Os instrumentos de avaliación se realizan a través da observación e da análise dos materiais elaborados.

Obx3. Fomentar o emprego da Aula Virtual, no proceso de ensino e aprendizaxe. (E.3)

-  Temporalización: á finalización de cada trimestre se valorarán os resultados das accións seguintes:

Participación nas tarefas o nivel de implicación na formación o nivel de implicación nos grupos de colaboración por niveis valoración da utilidade do proxecto para a aula virtual

-   Os instrumentos de avaliación se realizan a través dos resultados e da análise dos materiais elaborados.

Obx4. Coñecer e utilizar ferramentas para a Aula Virtual. (D.2)

-   Temporalización: á finalización do primeiro trimestre se valorarán os resultados das accións seguintes:

Participación nas tarefas o nivel de implicación na formación do manexo da ferramenta AV o nivel de implicación na formación do manexo da ferramenta Audacity

-   Os instrumentos de avaliación se realizan a través dos resultados e da análise dos materiais elaborados.

Obx5. Inventariar os recursos TIC (C)

-   Temporalización: á finalización do primeiro trimestre se valorarán os resultados das accións seguintes:

O coñecemento na ferramenta EXCEL

á finalización do curso se valorarán os resultados das accións seguintes:

A comprobación dos recursos inventariados no Excel que estean no centro.

-   Os instrumentos de avaliación se realizan a través dos resultados e da análise dos materiais elaborados.

-  No contexto da avaliación final e global a frecuencia da súa realización será como mínimo unha vez ao ano, e na finalización do curso académico. Os aspectos a considerar incluirán, entre outros, a valoración do logro dos obxectivos e as propostas de mellora.

• Os obxectivos propostos para o desenvolvemento do plan dixital non foron levados a cabo neste curso 2022-2023 posto que a chegada do novo material de Polos Creativos fixo que o camiño de cara a formación en competencia dixital fóra outra. Así centrámonos na formación do profesorado en radio escolar principalmente. 
• A chegada as aulas das novas pantallas fai tamén que de novo a formación nos leve por outros camiños dixitais.
• A aula virtual non tivo o "éxito" que nun principio críamos polo que non chegaron a funcionar como recurso na maioría das aulas.

Para o vindeiro curso escolar centrarémonos en tres aspectos:

• Por unha banda o traballo da radio escolar xa no lugar e co material disposto na casa das Ciencias.
• Formación do profesorado no manexo das novas pantallas dixitais.
• Identificación do que cremos importante de cara a formación da competencia dixital do noso alumnado.
• Cremos importante así mesmo a necesidade de contar con persoas formadas xa neste ámbito como persoal do centro para axudarnos no noso día a día coas ferramentas NTIC´S

1º) A difusión a través da páxina Web do centro.

2º) A comunicación a través do Claustro e do Consello Escolar.

3º) A difusión a través das reunións iniciais de curso.