XUSTIFICACIÓN DO PLAN EN RELACIÓN Á NORMATIVA
Lei Orgánica 2/2006, do 3 de maio, de Educación, regula diferentes aspectos relacionados coa competencia dixital e a innovación educativa, así no artigo 121 establece que o proxecto educativo do centro recollerá, entre outros aspectos, a estratexia dixital do centro, de acordo co establecido no artigo 111 , no que se establece que as Administracións educativas e os equipos directivos dos centros promoverán o uso das tecnoloxías da información e a comunicación (TIC) na aula como medio didáctico apropiado e valioso para levar a cabo as tarefas de ensino e aprendizaxe, utilizando os marcos de referencia da competencia dixital que orienten a formación inicial e permanente do profesorado e faciliten o desenvolvemento dunha cultura dixital nos centros e nas aulas.
O artigo 132 da devandita Lei establece como competencias dos directores e directoras, entre outras, exercer a dirección pedagóxica, promover a innovación educativa e impulsar plans para a consecución dos fins do proxecto educativo do centro; e fomentar a cualificación e formación do equipo docente, así como a investigación, a experimentación e a innovación educativa no centro.
A disposición adicional quinta da Resolución do 17 de xuño de 2021, da Secretaría Xeral de Educación e Formación Profesional (DOG 30 de xuño), pola que se ditan instrucións para o desenvolvemento das ensinanzas de educación infantil, educación primaria, educación secundaria obrigatoria e bacharelato no curso académico 2021-2022, e na disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de formación profesional do sistema educativo no curso 2021- 2022 sinala que os centros docentes elaborarán no curso 2021-2022 o seu Plan Dixital de acordo coas instrucións que se diten.
A resolución do 3 de setembro de 2021, ten por obxecto establecer as medidas de actuación relativas ao deseño, elaboración e implantación do Plan Dixital para o curso 2021-2022, nos centros docentes sostidos con fondos públicos correspondentes ao ámbito de xestión da Comunidade Autónoma de Galicia, así como definir os principios, obxectivos e referentes que o deben guiar. Defínense o proceso de redacción, a temporalización, o sistema de coordinación e determínanse os recursos que se van empregar neste proceso.
CONTEXTUALIZACIÓN DO PLAN
Segundo se recolle no vixente Plan Funcional da escola (2021-24), a visión do centro é consolidar a EASD Mestre Mateo como un centro de vangarda na formación de deseñadores e artistas en Galicia, aunando tradición e modernidade, artesanía e tecnoloxía, teoría e práctica, prosperidade e sostibilidade.
Unha misión definida no Plan Funcional é “coñecer, respectar, valorar, transmitir e implementar as novas tecnoloxías nos proxectos e procesos de deseño”, e unha prioridade de actuación é “a adecuación de espazos do centro para poder ofrecer unha ensinanza de calidade incorporando novidades en materia de metodoloxía didáctica e novas tecnoloxías, técnicas, materiais e procesos aplicados aos procesos de deseñ
A área de Calidade e promoción das Ensinanzas ten como obxectivo, para o período 2021-24, fomentar a formación permanente do profesorado para a impartición dos módulos e disciplinas incorporando novidades en materia de metodoloxía didáctica e novas tecnoloxías, técnicas, materiais e procesos aplicados aos procesos de deseño en coordinación co CAFI e tamén impulsando un plan de formación interno no centro.Ademais, segundo se recolle no Plan Funcional, o alumnado ten dereito o acceso ás tecnoloxías da información e a comunicación na práctica educativa e ao uso seguro de internet na escola.
PROCESO DE ELABORACIÓN
1-Análisis de la situación de partida
2-Determinación de obxectivos e accións a desenvolver
3-Identificaciín de recursos humanos y materiales
4-Estimación de cronograma a seguir
5-Seguimento e avaliación do plan
