1. Introdución 1.
1. Datos básicos do centro
Este centro, situado a un quilómetro de Sobradelo e a seis de O Barco de Valdeorras, está construído na marxe esquerda do río Sil nuns terreos cedidos no seu momento pola compañía eléctrica Iberdrola e está formado por dous edificios claramente diferenciados, mais unidos por un corredor interior do que se pasa das aulas de primaria, sala de profesores, biblioteca e cociña ás aulas de secundaria, informática, dirección, xefatura de estudos, secretaría, departamentos e ximnasio.
O centro, construído no ano 1979 e renovado e ampliado no curso 98-99, está moi ben dotado canto a recursos de tipo material e tamén humano, xa que conta cun claustro habitual duns 17 docentes, cuxo único problema é que é de carácter transitorio, habendo cada ano poucos definitivos. Así e todo, conséguese ó longo de cada curso un bo clima de traballo e implicación.
O CPI Tomás Terrón Mendaña conta coas seguintes instalacións: . • 1 aula de infantil. • 4 aulas para Primaria. . • Aula de apoio para Primaria. (PT) • Aula para audición e linguaxe. • 5 aulas para a ESO • 1 sala pequena para desdobres. • Aula de Apoio. • 5 salas destinadas a departamentos. Todas as aulas dispoñen de dotación dixital actualizada. Temos tamén as aulas correspondentes ás materias de tecnoloxía, informática e plástica, ademais dos correspondentes espazos destinados á cociña, comedor, biblioteca, sala destinada a reunións da ANPA e alumnos/as e aseos para alumnos e alumnas, e todos os demais servicios básicos para o persoal do centro.
Canto á cualificación profesional de todo personal docente que imparte neste centro, é a requerida legalmente polo decreto 07/1999 do 7 de xaneiro, polo que se implantan e regulan os centros públicos integrados de ensinanzas non universitarias. Os datos de identificación xerais do centro son:
CPI Tomás Terrón Mendaña Candís, s/n 32330 Sobradelo de Valdeorras (Carballeda) Código do centro: 32002781 Tel: 988335065 Web: https://www.edu.xunta.gal/centros/cpitomasterroncarballeda/ E-mail: cpi.tomasterron.carballeda@edu.xunta.gal
1.2. Contextualización do Plan Dixital no centro. Contribución ao Proxecto Educativo do Centro Os/as alumnos/as que acoden ó noso centro, proceden de diversas aldeas próximas ó concello e a maioría son de Sobradelo, aínda que a tendencia actual é a do aumento da asistencia de alumnado procedente de O Barco de Valdeorras. Estes rapaces caracterízanse por pertencer a familias nas que o pai e nai traballan nas naves de lousa da zona e que por mor do seu horario laboral veñen pasando máis de oito horas fóra de casa, polo que a educación e coidado do seus fillos (sobre todo adolescentes) queda relegada a un segundo ou terceiro plano, sendo para a gran maioría deles o traballo e o benestar económico o máis importante e prioritario. Esta situación, que vén afectando a un 80% da poboación desta zona e que repercute de maneira negativa no desenvolvemento e futuro académico dos alumnos/as, vese reflectida a diario nas seguintes situacións: - Falta importante de motivación por parte dos rapaces de cara a obter bos resultados académicos. - Actitude desafiante de moitos alumnos nalgunhas materias (non en todas). - Problemas de comportamento que repercuten en ocasións en serios trastornos de conduta e que leva o profesorado a ter que tomar certas medidas máis efectivas de control: falar cos pais/nais, falar moi seriamente co alumno/a, reflexionar con el/ela, notificacións a servizos sociais, expulsións, procesos sancionadores, etc.; porén, todo isto en numerosas ocasións é en van. - Ansiedade, inquietude e moita présa por cumprir os dezaseis anos e poder ir traballar aínda sendo alumnos con posibilidades. - Falta de obxectividade nas familias, que na maioría dos casos apoian as conductas e actuacións do seus fillos/as cuestionando o labor do profesor/a. Así mesmo, e á parte destas características, o CPI Tomás Terrón ten as mesmas necesidades que calquera outro centro en canto a ter que atender a rapaces e rapazas que presentan unha gran diversidade e heteroxeneidade en canto a intereses (o que comentamos anteriormente), motivacións e capacidades. Así, tanto en educación infantil, primaria corno secundaria o Departamento de Orientación coa colaboración do equipo directivo e dos propios titores e profesores efectúa as pertinentes avaliacións psicopedagóxicas coa finalidade de diagnosticar canto antes a NEE, que nese intre exista e poder establecer as medidas de atención a diversidade que tanto de caracter preventivo como de intervención sexa preciso.
En outro orden, tratamos, debido a problemática da zona, de incidir e dar gran importancia á orientación académico-profesional para que a través dela os/as alumnos/as poidan ter a man a suficiente información e unha boa formación para busca da devandita información, e así poder elexir libre e obxetivamente a súa vocación académica e profesional e para que non se queden só coa saída do mundo laboral tan pronto cumpran a idade obrigatoria.
En xeral este centro constitúe, de momento un punto de referencia importante na zona, debido, entre outros motivos, non só ó horario que ofrece este centro -adáptase á demanda da contorna-, senón que tamén o feito de non participar no programa E-dixgal e continuar a empregar libros de texto convencionais en combinación co dixital, fai que se favoreza o aumento de matrículas de alumnos que veñene “fuxindo” de E-dixgal.
Horario do centro: Luns e martes: 9 h. - 15.45 h. Mércores, xoves e venres: 9 h. - 15:15 h
