O plan dixital do IES María Sarmiento pretende ser un instrumento de planificación integrado no Proxecto Educativo que persigue fundamentalmente o desenvolvemento do tratamento da información e competencia dixital e a integración das TIC como ferramenta didáctica nos procesos de ensino-aprendizaxe. Tal e como se indica na Guía de elaboración do Plan Dixital, este deberá ser “o instrumento que adecúe e facilite o emprego dos medios dixitais no proceso de ensino-aprendizaxe, entendido dende o obxectivo do desenvolvemento pleno e integral do alumnado”. Para elo, engade, “é fundamental dar un enfoque de centro ao emprego dos recursos pedagóxicos dixitais, aproveitando as posibilidades e recursos dispoñibles, de modo que se converta nun proxecto compartido para os membros da comunidade educativa, que de coherencia e guíe o emprego das tecnoloxías. Será un instrumento que forme parte do Proxecto Educativo, o Proxecto de Dirección e a Programación Xeral Anual (PXA). A referencia fundamental para que os centros desenvolvan o seu potencial dixital a través dun Plan é o Marco Europeo para Organizacións Educativas Dixitalmente Competentes (DigCompOrg), deseenvolvido polo Centro Común de Investigación (JRC, Joint Research Centre), da Comisión Europea. Este Marco é parte do estudio Furthering Innovative Education, posto en marcha pola Dirección Xeral de Educación Cultura da Comisión Europea e o Centro Común de Investigación– Instituto de Estudios de Prospectiva Tecnológica (IPTS). Este plan está concibido como un documento vivo que conten os acordos acadados no centro con respecto aos obxectivos xerais do plan, as estratexias de dinamización de xestión dos recursos tecnolóxicos e a inclusión das TIC nas diferentes concrecións curriculares. Supón un compromiso por parte de toda a comunidade educativa. Cada un na medida das súas posibilidades e o seu nivel actual de formación.
O plan dixital pretende tamén servir como ferramenta que enlace e axilice todos os procedementos do centro tanto académicos como administrativos, tratando de que sexa unha axuda e unha mellora na propia xestión interna do IES María Sarmiento, contribuíndo coa mellora de medios e formación para quen a precise, e sirva tamén para a difusión do centro vía redes sociais, empregando as ferramentas dixitais necesarias. Para elo potenciaranse recursos como espazo abalar e abalar móbil, aula virtual, redes sociais, xestións de programacións, xade, rede wifi, recursos dixitais docentes, etc. Tentando en todo momento dispoñer dos medios máis axeitados e actualizados posibles para cumprir os nosos obxectivos.
Neste senso, o Plan Dixital pretende aportar un enfoque estratéxico para o desenvolvemento dun plan de acción dentro do centro educativo, no eido tecnolóxico, que permita acadar os obxectivos establecidos no Plan Funcional do centro, e con especial atención aos obxectivos estratéxicos que veñen de implantarse por primeira vez no presente curso 2021/22 na rede de centros integrados de formación profesional.
- Comezo do SELFIE e preguntas personalizadas: (Venres, 3 de Decembro de 2021)
Para a realización desta tarefa, tivemos colgado a nosa disposición, no taboleiro de anuncios da aula virtual, videotitoriais e unha guía pdf de seguemento para os coordinadores do centro para o rexistro e configuración do selfie, realización de cuestionarios etc.
O obxectivo desta ferramenta é axudar o centro a integrar as tecnoloxías dixitais empregando para iso a realización de tres tipos de cuestionarios que recollen a opinión dos membros do equipo directivo, profesorado e do alumnado por niveis, sendo de carácter voluntario é anónimo, compilando logo os resultados nun informe interactivo que identifica tantos os puntos fortes como débiles do centro en canto “a tecnoloxías dixitais”.
Informe de resultados do SELFIE
Para a realización desta tarefa entregouse o informe de centro SELFIE proporcionado pola aplicación.
Reunión online/por videoconferencia para presentar os equipos directivos/ coordinadores dos centros educativos, os pasos no proceso da redacción do Plan Dixital ( marco lexislativo e temporalización das acción).
Informe grupal do testCDD
Realización do test CDD en FPROFE por parte do profesorado dos centros , do 8 ao 28 de febreiro 2022. Enviouse un correo masivo ó profesorado coa ligazón ao test.
Rematado o prazo, recolleuse en pdf, o informe grupal do testCDD do centro. Este informe ofrece os resultados agrupados da autoreflexión do profesorado que participou. É dicir O nivel de competencia dixital e aínda que é orientativo, servirá para poder planificar a formación futura do profesorado no ámbito dixital.
