O IES Félix Muriel orienta a súa actividade docente a potenciar e desenvolver as competencias do seu alumnado co obxectivo de estar nas mellores condicións á hora de se incorporar á vida adulta e se integrar nunha sociedade en constante evolución, con novas esixencias e retos aos que deberá dar unha resposta. Pretende, sobre todo, ofrecer unha educación integral e emocional que axude a fortalecer a autoestima do alumnado, a adopción de actitudes asertivas, a construción dunha mentalidade creativa e positiva que poida ser útil ao alumnado para todos os eidos da vida.

Na procura dunha transformación do IES Félix Muriel nun centro dixitalmente competente, o Plan Dixital actuará como facilitador do desenvolvemento dos proxectos do centro a través das seguintes contribucións:

• Formación do profesorado e implementación do desenvolvemento das actividades de ensinanza aprendizaxe a través do programa E-Dixgal, ao que se engade o equipamento técnico de redes e equipos nas aulas de 1º e 3º de ESO, ampliadas a 2º e 4º no curso 2023-2024.
• Colaboración en programas internacionais ou programas europeos favorecendo a comunicación e divulgación dos proxectos programados a través do Plan Erasmus+.
• Por en disposición equipamento dixital para o desenvolvemento dos proxectos educativos, e de innovación vencellados aos Plans Proxecta existentes, como Monte Vivo, ou aqueles outros proxectos que puideran xurdir para no curso 2022-2023 como a creación da aula de Polos Creativos.
• Traslado das estratexias TIL ao espazo dixital e ao proceso de dixitalización do centro.
• Equipamento, organización e catalogación e dinamización de actividades educativas da Biblioteca e a rede de Bibliotecas Escolares.
• A incorporación de novas ferramentas TIC, estreitará a relación do Plan Dixital co EDLG.
• Como recolle o Artigo 121. Proxecto educativo da Lei Orgánica 2/2006, do 3 de maio, de Educación, o PEC incluirá un tratamento transversal da educación en valores, do desenvolvemento sostible, da igualdade entre mulleres e homes, da igualdade de trato e non discriminación e da prevención da violencia contra as nenas e as mulleres, do acoso e do ciberacoso escolar, así como a cultura de paz e os dereitos humanos. Deste modo o Plan Dixital contribuirá directamente no fortalecemento das accións programadas dende o Plan de Igualdade.
• A contribución do Plan Dixital nos Plans de Formación PFPP observarase mediante dúas vertentes: a da propia formación, como pode ser a preparación do profesorado no medio E-Dixgal; e a de dar dispoñibilidade de equipamento para o desenvolvemento dos diferentes cursos aprobados polo PFPP para o presente curso.   

Contribución do PD á Programación Xeral Anual do curso 22/23

A contribución do Plan Dixital á Programación Xeral Anual do curso 2022/2023 virá dada por tres vías de actuación:

• As accións de mellora e obxectivos presentadas no actual documento que constitúe este plan.
• A estreita relación, cando non acción conxunta cos Plans e Proxectos, prestando especial atención e contribuíndo ao seu carácter innovador.
• A contribución que, de maneira transversal, se fai sobre aspectos relativos ao equipamento do centro e á convivencia escolar.

Sinalar que o Plan TIC será substituído por este Plan Dixital, que preverá incorporar aqueles obxectivos que aínda non foran acadados e outros novos.

Breve xustificación do mesmo

A elaboración deste Plan Dixital de Centro dá respostas á seguinte normativa:

• Art. 111 bis, Art. 121 e Art. 132  da LO 2/2006, de 3 de maio, de Educación. 

A través destes sinálanse que as Administracións educativas e os equipos directivos dos centros promoverán:

1. O uso das TIC na aula como medio didáctico e de aprendizaxe.
2. A confianza e seguridade no uso das tecnoloxías dende perspectivas de igualdade.
3. Evitar as fendas dixitais e garantir o exercicio do dereito á educación de nenas e nenos en igualdade de condicións.
4. O desenvolvemento dunha metodoloxía propia dunha aprendizaxe competencial activa.
5. As accións educativas dirixidas á experimentación e a innovación pedagóxica.

• Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
• Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022. 
• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022 
• Dende o marco común Europeo establécese a necesidade de fomentar o desenvolvemento dun ecosistema educativo dixital de alto rendemento e de “mellorar as habilidades e capacidades dixitais para a transformación dixital”.    •
• A LOMLOE, Ley Orgánica 3/2022, de 31 de marzo, de ordenación e integración de la Formación Profesional. Enseñanza 01/04/2022 BOE, pola súa parte recolle:
  • O Plan Dixital de Centro (PDC) debe recoller a súa estratexia dixital, incluíndo as medidas que garantan o desenvolvemento desta competencia por parte de alumnado e os docentes.

Proceso de elaboración

A análise da situación do centro atendeu ás dimensións establecidas polo Marco Europeo de Organizacións Dixitalmente Competentes (DigCompOrg). Apoiámonos na ferramenta de autoavaliación SELFIE, dispoñible para todos os centros educativos, que proporciona un informe de situación actual. Os documentos de informe SELFIE e do test CDD, actuaron como documentos de referencia para xerar unha análise DAFO que favoreceu a reflexión sobre a situación do centro no contexto da dixitalización, e a elaboración final do Plan Dixital de Centro en termos fixación de obxectivos e actuacións de mellora.

A avaliación realizarase ao final do curso, coincidindo co seguimento do terceiro trimestre. Neste apartado de xeito global analizarase:

• Consecución de obxectivos.
• Desviación nos obxectivos non conseguidos na súa totalidade.
• Motivos polos que non se lograron os obxectivos.
• Se os obxectivos alcanzados deben ser potenciados no curso seguinte ou se xa están nunha situación óptima.
• Posibles modificacións ou substitución de obxectivos.
• Análise do funcionamento do equipo TIC e a coordinación co equipo directivo.

Facemos unha valoración moi positiva do grao de consecución dos obxectivos marcados no plan de acción. Dos 10 obxectivos, 9 deles están nun estado de acadado íntegra (4) ou parcialmente (6). Tendo en conta que estes segundos requiren dunha actualización permanente ou actuacións en cursos vindeiros como a realización de controis permanentes do estado da competencia dixital docente ou do alumnado a través de probas pertinentes como o Selfie;  ou non dependen unicamente do funcionamento do centro como poden ser aqueles referidos a dotación de recursos.

A situación no centro revela un estado distinto ao punto de partida observándose unha notable mellora a nivel xeral. A decisión do claustro na participación do centro no proxecto Edixgal contribuíu nesta transformación, mellorando a conectividade e a dispoñibilidade de equipamento para o alumnado e o profesorado participante. Outro gran avance para o centro foi a consecución da aula Polos Creativos, un novo espazo de innovación que abre as posibilidades de traballo con novas metodoloxías abrindo as expectativas de desenvolver novas estratexias de ensino aprendizaxe.

Obsérvase interese por parte da comunidade educativa: profesorado, alumnado e familias; en seguir desenvolvendo o proceso de dixitalización de centro, tendo sempre en perspectiva que a dixitalización debe ser un instrumento de mellora do proceso educativo e non un fin en si mesmo.

Poucos obxectivos do plan de acción non foron conseguidos na súa totalidade. Queda pendente unha intervención na Biblioteca para transformala nun novo espazo dixitalizado. Por outro  lado é importante atender a posibles debilidades, como poden ser aspectos referidos á comunicación e sobre todo en todo aquelo referido ao obxectivo 5 "Adoptar medidas sobre protección de datos, privacidade, seguridade e dereitos dixitais".

Unha vez analizada e avaliada a evolución e consecución de logros a partir das diferentes accións contempladas neste Plan Dixital de centro consideramos que para o próximo curso debemos refacer o plan de acción, centrando o traballo nos seguintes aspectos:

1) Mellora da CD tanto do profesorado como do alumnado

2) Deixar pechados os protocolos de comunicación

3) Optimizar o traballo de mantemento de instalacións e equipamento.

4) Manter un equipo de traballo de profesorado, implicar ao alumnado na xestión dos espazos dixitalizados

5) Deseñar unha formación en centro acorde as nosas necesidades, centrándonos na formación E-Dixgal e manexo de equipamento de Polos Creativos, así como afondar na formación en ferramentas institucionais para creación de contidos como poden ser H5P ou eXeLearning.

A difusión do seguinte plan dixital seguirá as mesmas canles que se teñen empregado para outros documentos do centro. Presentarase ante claustro en canto estea rematado, e estará a disposición de calquera que o queira consultar na páxina web do centro. Ademais, será obxecto das futuras actuacións de difusión a través das intervencións que puidesen ser contempladas no Plan de Comunicación de centro.

Plan Dixital