Plan do centro

Datos do plan

Vixencia

 
 
 

Introdución

Introdución

Xustificación do plan dixital en relación a normativa vixente

O Plan Dixital de Centro recollerá as accións para desenvolver e mellorar a competencia dixital da organización.

Aínda que o proceso de desenvolvemento e difusión de tecnoloxías é imparable, parece que xa se consolidaron unha serie de recursos, ferramentas e servizos que permiten mellorar os procesos educativos, non só os que ocorren na aula, senón tamén todos aqueles que contribúen a que os centros educativos cumpran coa súa función formativa.

Tendo en conta o mundo no que vivimos, é necesario que abordemos a tecnoloxía desde unha perspectiva máis global, mirando o centro como a unidade de transformación e deseñando plans de mellora que poidan ser desenvoltos co impulso do equipo directivo dun centro.

O Marco de Competencia para Organizacións Educativas Dixitalmente Competentes permítenos facer unha análise da realidade dos nosos centros e deseñar un plan de acción en base á seguinte lexislación:

·       A Lei Orgánica 2/2006, do 3 de maio, de Educación, regula diferentes aspectos relacionados coa competencia dixital e a innovación educativa, así nos artigos 19, 24, 25, 111bis, 121 e 132 establece que o proxecto educativo do centro recollerá, entre outros aspectos, a estratexia dixital do centro.

      Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.

     Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.

 Incorporación e contribución do PD ao Proxecto Educativo.

A finalidade do noso centro educativo é que o alumnado aprenda, se forme e se desenvolva como individuo da sociedade na que vive.

O Plan Dixital de Centro debe encaixar no contexto institucional máis amplo que ven recollido noutros documentos institucionais, como o Proxecto Educativo de Centro e ambos documentos deben estar en total consonancia e ser complementarios.

Neste curso 22 / 23 se recollerán na Programación Xeral Anual as primeiras actuacións do Plan Dixital para finalmente quedar implementado definitivamente, de maneira efectiva, no Proxecto Educativo do centro.

-        Relación con outros Plans e proxectos do centro: traxectoria no ámbito das novas tecnoloxías, programas de innovación nos que participa.

O plan dixital de centro estará interrelacionado de maneira transversal co resto de plans e proxectos que actualmente desenvolvemos no centro.

A relación máis directa será a que teña co Proxecto Edixgal, que o centro leva desenvolvendo xa dende o curso 2010 / 2011 (Proxecto Abalar) co claro obxectivo de transformar as aulas tradicionais en dixitais e mellorar a calidade do sistema educativo  gracias a integración das TIC e coa implicación de toda a comunidade educativa.

Por outra banda tentaremos que o plan estea moi presente nos tres proxectos que sempre desenvolve o CPI de Atios, como son o Contratos-Programa, Clube de Ciencia e por suposto no Plan de Formación para o Profesorado onde temos un itinerario onde traballamos o ensino virtual e as novas tecnoloxías”.

 Proceso de elaboración

Para  o deseño do Plan Dixital de Centro é fundamental saber de que situación se parte, para o cal houbo que facer un diagnóstico previo que levou a unha avaliación do nivel dixital do centro para posteriormente marcar as estratexias e obxectivos a seguir. Para isto creouse, ao principio do curso escolar, unha actividade no PFPP onde participou o equipo directivo e o profesorado dos tres niveis educativos.

O reparto de tarefas foi moi importante e traballouse de forma cooperativa e, paso a paso, para chegar á redacción deste plan.

Os pasos a seguir foron:

-        Reunións periódicas para a posta en común de información.

-        Revisión da situación real do centro coas enquisas SELFIE e o Test CDD.

-        Análise dos datos obtidos e realización do esquema DAFO.

-        Elaboración do Plan de Acción e obxectivos.

-        Redacción final do Plan Dixital.

Así mesmo, destacamos a participación deste equipo de dinamización (equipo directivo e profesorado das tres etapas educativas)  no proceso de deseño e implementación do Plan Dixital de Centro, tanto pola visión global que desde a súa responsabilidade pode achegar (na fase de deseño), como pola capacidade para mobilizar recursos da organización e de xerar liderados distribuídos que permitan o cambio atendendo a principios democráticos (na fase de implementación).

O Plan Dixital de Centro debería permitir á comunidade educativa:

-        Visualizar onde quere que chegue o centro.

-        Entender onde está actualmente.

-        Trazar o camiño que leve dun estado ao outro.

-        Debe conter obxectivos claros.

-        Ser viable e dinámico e estar consensuado e organizado.

Contexto DAFO

Instrumentos de recollida de información previa

- Autoavaliación:  SELFIE

- Test CDD:

- Outras fontes: OBSERVACIÓN DIRECTA

Interno
14 elementos atopados, amosando todos os elementos.
Resultados da busca
DAFO Descrición Categoria Obxectivos
Debilidade As maiores dificultades para o alumnado as atopamos en aprender a codificar o programar e en resolver problemas técnicos Alumnado Non
Debilidade Algunha familia ten problemas de conexión e a súa competencia dixital e baixa ou moi baixa Familias Non
Debilidade Descoñecemento nalgún caso da lexislación sobre protección de datos. As veces a conexión a internet non é a adecuada Nalgún caso os equipos informáticos están algo anticuados Infraestruturas Non
Debilidade Non atopamos debilidades Oferta Non
Debilidade Incremento nos último anos dos trámites administrativos que son responsabilidade do equipo directivo. Organización de centro Non
Debilidade As prácticas de avaliación presenta unha media inferior a 3 no SELFIE. E nos proxectos interdisciplinares ocurre o mesmo Persoal docente Non
Debilidade A competencia do resto de persoal non docente e susceptible de mellora Persoal non docente Non
Fortaleza A creación de contidos dixitais e as habildades dixitais para diferentes materias obten unha media de 3,6 no SELFIE Alumnado Non
Fortaleza Alto porcentaxe de familias usuarias da aplicación Abalar, temos 770 usuarios de alta Familias Non
Fortaleza Todos os items acadan como mínimo 3,6. El centro dispone de equipamiento EDIXGAL dende 5º de primaria ata 4º da ESO. En 4 de primaria temos ordenadores para todo o alumnado. Ademáis todas as aulas teñen ordenador e canón Infraestruturas Non
Fortaleza Ofertamos prazas en os niveis de Infantil, Primaria e Secundaria que favorece a transición do alumnado dun nivel educativo a outro Oferta Non
Fortaleza Equipo directivo consolidado con 11 anos no cargo e cun proxecto de centro ben definido. Boa coordinación entre as diferentes etapas educativas. Organización de centro Non
Fortaleza Nos aspectos do desenvolvemento profesional continuo, apoyos e recursos obtemos unha puntación media cercana a 3,8 en xeral. Por outra banda da análise do test CDD os resultados manifestan unha alta porcentaxe 74,8% de competencia integrador B1 Persoal docente Non
Fortaleza A competencia da persoa administrativa e adecuada ao seu traballo Persoal non docente Non
14 elementos atopados, amosando todos os elementos.
Externo 10 elementos atopados, amosando todos os elementos.
Resultados da busca
DAFO Descrición Categoria Obxectivos
Ameaza A posibilidade de que os equipos máis antigos deixen de funcionar. O mantemento dos equipos informáticos non sexa o adecuado Administración educativa Non
Ameaza Baixa participación das familias na asosiación. E dificultades para encontrar persoas que a xestionen ANPA Non
Ameaza O mal uso das novas tecnoloxías e problemática das redes sociais Contorna Non
Ameaza Que a lexislación non defina na mesma reduccións horaria para os coordinadores/as Lexislación Non
Ameaza Moitas das accións entre concello e centro depende da boa voluntade de ambas partes. Non é nada lexislado Outras Non
Oportunidade Que a Consellería de Educación renove os equipos máis obsoletos. Que as persoas responsables das TICs e EDIXGAL teñan unha reducción horaria definida. Administración educativa Non
Oportunidade Incrementar a súa participación nas actividades do centro unha vez recuperada a normalidade trala COVID-19 ANPA Si
Oportunidade Familias con pais e nais nados xa na era dixital e acostumados as nova tecnoloxias. Incorporación ao concello nos últimos anos de familias cun nivel socioeconómico medio-alto. Alta capacidade de adecuarse ao ensino dixital Contorna Si
Oportunidade Aproveitar a Resolución do 2 de marzo de 2021, da Secretaría Xeral de Educación e Formación Profesional pola que se convoca a selección de centros para participar no proxecto Educación Dixital (E-Dixgal) durante o curso 2021/22. Lexislación Si
Oportunidade A bo relación co concello permite que doten de rede wifi ás familias máis necesitadas e realizar proxectos de formación para as familias Outras Non
10 elementos atopados, amosando todos os elementos.
Análise

En todas as áreas, excepto nas “Prácticas de avaliación” acadamos puntuacións que nos sitúan por riba do “aprobado” xa que superamos o 3,4 como media.

Destacamos como puntos fortes a área de “Pedagoxía: Apoio e Recursos” e “Infraestruturas e Equipos” cunha valoración media próxima ao 4.

O noso punto débil está na área de “Prácticas de avaliación”, onde acadamos só un 3 e é o ítem menos valorado polo profesorado.

- Test CDD:

Destacamos o alto grado de participación na realización do test por parte do profesorado, independentemente da súa situación no centro superando en todos os casos o 80 % de participación.

O nivel de competencia media acadada polo centro  foi de 74,8, que nos sitúa dentro do nivel competencial medio da nosa comunidade; acadamos polo tanto o niveL INTEGRADOR B1

Podemos diferenciar por etapas , así en educación primaria e infantil acadamos una media de 60,9 que sitúa a estas etapas no nivel Explorador (A2). Por outra banda en educación secundaria o media acada é alta, do 83,3, que sitúa a esta etapa no nivel Integrador (B1).

Por último destacar que temos na actualidade 3 profesores/as que só acada o nivel competencial de Principiante (A1) polo tanto este profesorado necesitaría máis axuda inicial para elevar a súa competencia inicial.

A maioría do claustro (36 profesores/as) acadan competencias exploradoras ou integradoras polo que é un bo número como punto de partida para seguir mellorando.

Finalmente hai 2 profesores/as que logran unha media de nivel de Líder (C1) e 14 profesores que acadan unha media de Experto/a (B2) que serían os encargados de dinamizar este plan e axudar ao resto de compañeiros.

- Outras fontes: OBSERVACIÓN DIRECTA

A pandemia provocada polo  SARS- CoV-2 acelerou no noso centro a aposta polo ensino dixital.

Dende marzo de 2019, tivemos que realizar unha actuación de  emerxencia non planificada para resolver a grave situación de confinamento.

Co paso dos meses empezamos a planificar mellor e observamos a  necesidade da implantación de ferramentas dixitais para a contorna educativa así  como tentamos a mellora das competencias dixitais do profesorado e do    alumnado.

Observamos tamén que nalgún caso tiñamos a necesidade de formar ao profesorado e ao alumnado con ferramentas dixitais.

Por último, dende o equipo directivo, decatámonos durante este tempo dunha falta de recursos tecnolóxicos por parte do alumnado que con este plan tentaremos solucionar.

Obxectivos

Datos obxectivo
Listaxe de obxectivos
Código Obxectivo Opcións
O01PD Adquirir competencias dixitais relacionadas co traballo organizativo do centro.
O02PD Utilizar as ferramentas dixitais para mellorar a eficacia e a eficiencia dos procecementos administrativos e relacionados coa comunicación.
O03PD Mellorar a competencia dixital dos docentes de acordo co nivel de competencias dixitais europeos.
O04PD Utilizar as TICs como medio de perfeccionar a actividade docente a trevés da súa utilización da información que delas poida sacar e da formulación pedagóxica que para elas teña
O05PD Saber consultar información na rede, tanto de temas de investigación profesional como de temas interesantes para a súa actividade docente.
O06PD Favorecer a súa utilización por parte do profesorado nas súas tarefas xerais do centro: programacións, memorias, plans, situacións de aprendizaxe, xestión académica
O07PD Utilizar programas e contornas que faciliten a súa aprendizaxe e favorezan a adquisición de habilidades, destrezas e coñecementos
O08PD Utilizar internet e as redes sociais con responsabilidade, informando dos riscos e minimizándoos con información específica.
O09PD Evitar a fenda dixital que pode causar a situación actual entre os estudantes con recursos e os que non os teñen
O10PD Manter e mellorar as vías de comunicación virtual do centro.
O11PD Manter e mellorar a páxina web e as redes sociais do centro como medio difusor de información que sexa relevante para o centro. Crear unha imaxepositiva do uso de ferramentas dixitais para a aprendizaxe.
O12PD Utilizar de forma efectiva as ferramentas de xestión do centro que nos ofrece a Consellería de Educación
O13PD Garantir na contorna virtual do centro a protección de datos de todos os seus usuarios.
O14PD Mellorar a dotación informática da área administrativa para unha mellora na eficiencia das xestións.
O15PD Dispor dunha asistencia técnica eficaz para resolver os problemas cos equipos dixitais do centro.

Seguimento

Procedemento

- Seguimento do plan

Cada unha das accións propostas neste proxecto dixital ten uns indicadores específicos que axudarán a determinar se o obxectivo proposto foi alcanzado e  se é necesario realizar variacións no achegamento das accións durante o curso para que as propostas se materialicen.

A avaliación basearase no  grao de desenvolvemento dos obxectivos e na eficacia das actuacións.

Expoñemos un sistema de avaliación que nos permita, non só recoller o progreso xeral en materia de dixitalización, senón tamén o progreso de todos os axentes participantes e sobre todo o progreso das actuacións coeducativas expostas. 

Basearémonos en dous aspectos fundamentais a hora de avaliar:

-        A adquisición e o logro dos obxectivos principais, por parte de todos os sectores implicados (profesorado, alumnado e familias).

-         O interese, a participación e o esforzo levado a cabo, constituíndo estes tres aspectos os referentes da nosa avaliación.

Para isto levaremos a cabo dous tipos de avaliación: a parcial e a final.

Avaliación parcial:

A frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

O equipo de dinamización do plan dixital fará, no mes de outubro unha avaliación inicial do plan e as súas conclusións serán presentadas nun informe ao Claustro e Consello escolar no mesmo mes.

O seguimento do plan será trimestral e avaliaranse tanto os logros dos alumnos, o profesorado, o persoal non docente e as familias, como o Plan en si (obxectivos, contido, actividades, metodoloxía,  temporalización…).

-        Os equipos de ciclo e os departamentos de secundaria farán unha valoración das accións programadas e da aplicación do mesmo, facendo  propostas de mellora cando así o estimen necesario.

-        Na Comisión de Coordinación Pedagóxica farase un seguimento e elaborarase un informe da avaliación levada a cabo.  Á devandita reunión poderá asistir o responsable do Plan de Dixitalización. O informe trasladarase ao Claustro e ao Consello escolar para o seu coñecemento, se procede, das medidas e actuacións propostas; así como a súa revisión e avaliación.

Avaliación final:

A avaliación continua complementarase cunha avaliación final onde se valoren os resultados obtidos, as posibles melloras, erros cometidos, necesidades e grao de satisfacción coa experiencia. Para todo iso, empregaranse, entre outros, os seguintes criterios de avaliación: 

-        O nivel de implicación do profesorado do centro.

-        O grao de consecución dos obxectivos establecidos.

-        A análise das causas que expliquen os resultados.

-        A revisión das actividades realizadas.

-        A idoneidade das actuacións programadas e dos recursos previstos para alcanzar os obxectivos.

-        A eficacia dos mecanismos de coordinación. 

Da avaliación final  levada a cabo no mes de xuño realizarase un informe final, que se plasmará na memoria do centro.

 

 

1º Trimestre

 Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

O equipo de dinamización do plan dixital faI, no mes de outubro unha avaliación inicial do plan e as súas conclusións serán presentadas nun informe ao Claustro e Consello escolar no mesmo mes.

Os equipos de ciclo e os departamentos de secundaria fan unha valoración das accións programadas e da aplicación do mesmo, e fan propostas de mellora cando así o estimen necesario que se recollen nas actas de departamento ou ciclo

Nas Comisións de Coordinación Pedagóxica  celebradas en setembro, outubro e novembro farase un seguimento e elaborarase un informe final da avaliación levada a cabo. Á devandita reunión poderá asistir o responsable do Plan de Dixitalización. O informe final do trimestre trasladarase ao Claustro e ao Consello escolar para o seu coñecemento, se procede, das medidas e actuacións propostas; así como a súa revisión e avaliación.

O coordinador do Plan Dixital fai un seguimentos do grao de cumplimento dos obxectivos fixados

2º Trimestre

O equipo de dinamización do plan reúnese o día 20 de abril de 2023 para revisar o plan e facer un seguimento de como se está de como se está implementando no centro

-      Completar la aplicación “Educalidade”

O coordinador do plan Antonio Cebreiro completa os epígrafes da aplicación

-      Confección das enquisas que valorarán e avaliarán o Plan Dixital por parte do profesorado e do alumnado.

-      Acordo para a instalación en breve de 12 Paneles interactivos de 75 polgadas, resolución 4K, modelo TafelTech L75EG (Android 11, 4GB RAM, 32GB almacenamento interno).

Nas Comisións de Coordinación Pedagóxica  celebradas en febreiro, marzo e abril farase un seguimento e elaborarase un informe final da avaliación levada a cabo.

O informe final do trimestre trasladarase ao Claustro e ao Consello escolar o día 25 de abril para o seu coñecemento, se procede, das medidas e actuacións propostas; así como a súa revisión e avaliación.

O coordinador do Plan Dixital fai un seguimentos do grao de cumplimento dos obxectivos fixados

3º Trimestre

O equipo de dinamización do plan reúnese o día 15 de xuño de 2023 para revisar o plan e facer un seguimento de como se está de como se está implementando no centro

-          Revisión e cumplimento de obxectivos

-          Seguimento do plan dixital

-          A acreditación das competencias dixitais

-          Iniciativas de Amtega para a dixitalización

-          Proceso de acreditación de competencias dixitais docentes

-          O camino da dixitaización educativa

-          Elaborar as enquisas para o seguimento do Plan Dixital.  As enquisas están a disposición da comunidade educativa no seguinte enlace:https://www.edu.xunta.gal/centros/cpiatios/?q=node/1321

-          Analises das enquisas do profesorado, alumnado e persoal non docente 

-          Informe do terceiro trimestre sobre desenvolvemento do Plan

-          Memoria final do Plan Dixital

-          Os responsable do plan dixital realizan presenta un informe ao Claustro e Consello do 30 de xuño de como implementouse o Plan Dixital  no centro durante o curso 2022-23

Avaliación

Procedemento para a avaliación

Cando falamos de procedementos para a avaliación enfocámonos na observación directa, cuestionarios e os informes persoais.

A observación directa a realizamos a través da “táboa de observación directa” en que contemplamos a conduta da comunidade educativa en aspectos relacionados co desenvolvemento do plan dixital no centro asi definimos uns indicadores e os agrupamos en tres categorías

-      Plan de centro coeducativo

-      Sensibilización da comunidade educativa

-      Implicación da comunidade educativa

Coa observación directa contemplamos que a avaliación foi satisfactoria así acádanse 14 dos 17 indicadores, dos tres indicadores non acadados esta e a situación:

-         Esta en proceso de ser acadado que a comunidade educativa este satisfeita coa estratexia de comunicación, dende a coordinación do plan dixital tentamos chegar a toda a comunidade educativa pero observamos que hai familias que non accede a información. Tentaremos mellorar a comunicación para o próximo curso.

-         Esta en proceso de ser acadado utilizar a dixitalización na documentación do centro, taboleiro de anuncios, porque aínda se usa documentación en papel.

-         Esta  pendente que participen  máis as familias en actuacións que teñen relación con plan dixital, porque ainda que participan na vida cotiá do centro, observamos que non participan nas actividades do plan dixital.

Os cuestionarios, habilitados en https://docs.google.com/forms/u/0/ comprenden un conxunto de preguntas a diferentes colectivos, alumnado, persoal non docente e profesorado sobre aspectos relacionados con la percepción que cada colectivo ten sobre a implantación, desenvolvemento e utilidade que ten ao seu parecer o plan dixital.

Unha vez realizados tendo a nosa disposición as resposta fixemos unha análise dos resultados que recollemos nun informe, que debemos destacar que foi moi satisfactorio en liñas xerais, pero vemos unha oportunidade de mellor aclaro no colectivo de persoal non docente.

Valoración xeral

Avaliación final completou á avaliación continua onde se valoren os resultados obtidos, as posibles melloras, erros cometidos, necesidades e grao de satisfacción coa experiencia. Para todo iso, empregaranse, entre outros, os seguintes criterios de avaliación:

  • O nivel de implicación do profesorado do centro foi moi alta, así un 86% do porfesorado participou na implementación e desenvolvemento do plan

  • O grao de consecución dos obxectivos establecidos dos 15 obxectivos plantexados, para este primeiro ano acadamos un resultado satisfactorio en 11 de eles, feito que consideramos positivo, no acadamos os seguintes obxectivos

  • A análise das causas que expliquen os resultados.

  • A revisión das actividades realizadas.

  • A idoneidade das actuacións programadas e dos recursos previstos para alcanzar os obxectivos.

  • A eficacia dos mecanismos de coordinación.

Da avaliación final levada a cabo no mes de xuño realizarase un informe final, que se plasmará na memoria do centro.

Proposta de mellora

 

- Unha rede mais estable

- Renovación de parte dos equipos infomáticos

- Máis formación para as persoas implicadas no proxecto

- Mellora no asesoramento

Os obxectivos  seguintes non acadados, tenraremos lograrlos no vindeiro ano:   

O05PD Obxectivo- Saber consultar información na rede, tanto de temas de investigación profesional como de temas interesantes para a súa actividade docente.

•          Indicador- Enquisa de satisfacción sobre as charlas informativas                         

•          Indicador- Porcentaxe do profesorado que notifican incidencias e dificultades no uso de internet e ofimática

O07PD Obxectivo- Utilizar programas e contornas que faciliten a súa aprendizaxe e favorezan a adquisición de habilidades, destrezas e coñecementos

  • Indicador- Valoración do alumnado sobre o material facilitado polas persoas titoras                             
  • Indicador- Porcentaxe de titorías que aloxan na aula vritual recursos que faciliten a aprendizaxe e as destrezas

O13PD Obxectivo- Garantir na contorna virtual do centro a protección de datos de todos os seus usuarios.

  • Indicador- Porcentaxe de profesorado e persoal non docente que coñece o Regulamento Xeral de Protección de Datos e a Lei de Protección de Datos e Garantía de Dereitos Dixitais.

 

Comunicación e difusión

Comunicacion e difusión

O primeiro paso será a inclusión do Plan Dixital no Proxecto Educativo do Centro. 

Posteriormente o equipo de dinamización do plan ao inicio de curso (setembro) poñerá en coñecemento do Claustro e do Consello escolar o devandito plan, e informará dos aspectos máis relevantes do mesmo.

Seguindo coa difusión, todos os membros do Claustro do profesorado reciben unha copia do plan dixital a través do correo cooperativo edu.xunta.gal e os/as xefes/as de departamento e coordinadores/as de ciclo deben certificar nas actas das súas primeiras reunións, que o plan foi lido e implementado nas respectivas programacións.

Por outra banda unha copia Plan Dixital enviarase tamén aos membros do Consello Escolar a través do correo cooperativo “edu.xunta.gal”

Para que toda a comunidade educativa do centro teña acceso ao plan este publicarase na paxina web do centro no seguinte enlace:

http://www.edu.xunta.gal/centros/cpiatios/?q=node/1321

O alumnado recibirá información do Plan Dixital por parte dos/as titores/as nas primeiras reunións de titoría que teñan con eles no mes de setembro. Ademais mostrarán ao alumnado o enlace da páxina web onde poden atopar o plan.

Como último canle de difusión usaremos o espazo abalar onde crearemos un aviso para todas as familias, informando que implementaremos o Plan dixital no centro e o enlace onde poden atopar o mesmo.

Volver