Contextualización do PD no centro e contribución e contribución ao Proxecto Educativo

O CEIP Plurilingüe Xacinto Amigo Lera atópase no lugar de Portomouro, no sur do Concello de Val do Dubra. Val do Dubra forma parte dunha comarca eminentemente rural. As principais actividades da poboación son as relacionadas cos sectores da construción e servizos. A pesar disto, a base da economía é o sector agropecuario. A industria ten pouca presenza na zona, limitándose a pequenos talleres e fábricas. O sector servizos concéntrase en Bembibre, o núcleo principal.

A contribución do Plan Dixital ao Proxecto Educativo debemos velo desde a perspectiva de como pode reforzar este plan o uso adecuado das tecnoloxías da información e a comunicación en toda a comunidade educativa. Tendo en conta que a competencia dixital é unha das competencias clave nas que é necesario traballar co alumnado ao longo do seu paso pola educación infantil e primaria.

Polo tanto, o plan dixital de centro será un instrumento de planificación que estará integrado no Proxecto Educativo, co fin de desenvolver a competencia dixital da comunidade educativa, promovendo a innovación e sacando o máximo partido das tecnoloxías da información e comunicación, e dos recursos educativos dixitais así como a súa integración como ferramenta didáctica nos procesos de ensino-aprendizaxe e nos distintos plans e programas do centro.

Xustificación do PD en relación coa normativa vixente

Este Plan Dixital foi elaborado en base á normativa vixente:

- Art. 111 bis, Art. 121 e Art.132 da LO 2/2006, de 3 de maio.

- Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso acadámico 2021- 2022.

- Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022.

- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.

Proceso de elaboración

Durante o primeiro trimestre do curso 2021-2022, o centro realizou a análise de situación mediante a ferramenta de autoavaliación SELFIE e o Test de Competencia Dixital Docente (test CDD), para poder iniciar a fase de diagnose e o deseño e elaboración do Plan Dixital.

Para a diagnose da situación en relación a competencia dixital, usouse SELFIE, coa finalidade de obter en liña un informe de autoavaliación do centro (informe SELFIE), no que se recollen as opinións do equipo directivo, o profesorado e o alumnado na actualidade en relación coa estratexia e a práctica das tecnoloxías dixitais de ensinanza e aprendizaxe.

A partir do Informe SELFIE, o centro xerou un informe sobre Debilidades, Ameazas, Fortalezas e Oportunidades (DAFO) que nos permitiu realizar unha anállise de situación e a definición das liñas fundamentais do Plan Dixital en termos de obxectivos e actuacións. O Plan realízase en base a información recollida do informe de análise da situación do centro.

No último trimestre do curso 2021-2022, o Plan Dixital foi aprobado polo consello escolar, unha vez oído o claustro.

No curso 2022-2023, o centro procederá a implementación efectiva do Plan que estará sometido a un proceso de avaliación e mellora continua.

A avaliación consistirá en determinar se os resultados finais foron acadados de forma satisfactoria e para levala a cabo terase en conta os seguintes aspectos:

-  Grao de consecución dos obxectivos propostos no plan de acción.

-  A efectividade das accións propostas.

-  Temporalización das diferentes accións.

-  Os indicadores de avaliación propostos para cada obxectivo.

-  Comparacion de resultados: situación inicial coa situacion final.

Dende esta perspectiva durante o desenvolvemento do PD realizarase unha avaliación procesual, a frecuencia da súa realización será, como mínimo, unha vez ao trimestre, para avaliar o estado de execución das accións e valorar os resultados e de ser o caso, as posibles modificacións e propostas de mellora.

Na avaliación final, que se realizará unha vez rematado o curso escolar, valorarase a consecución dos obxectivos propostos. Do mesmo xeito, tamén se avaliará a consecución do seguimento das diferentes accións, o grao de implantación das medidas e tamén se contemplarán as limitacións que foron aparecendo durante o proceso e así realizar propostas de mellora para o vindeiro curso escolar.

Durante o desenvolvemento do PD levouse acabo unha avalición trimestral para poder avaliar o PD e pódese dicir que o resultado final foi acadado de forma satisfactoria.

Os obxectivos e os seus indicadores propostos no Plan de Acción foron conseguidos polos responsables das diferentes accións (maior parte profesorado e alumnado). Estes obxectivos tiñan asociadas unhas acción a desenvolver moi concretas, como por exemplo matriculación do alumnado, creacción de recursos didácticos, avaliación do alumnado mediante Moodle, etc. Eran moi específicos o que fixo que se acadaran de forma satisfactoria.

A temporalización nalgún momento do desenvolvemento do plan tivo que reaxustarse debido a cuestións organizativas do centro, pero isto non supuxo un problema para a consecución do obxectivo.

A valoración xeral é positiva, tanto por parte do alumnado coma do profesorado. Ambas partes mostraron o seu interese e compromiso coa competencia dixital.

Este plan ten un carácter anual e a súa temporalización aparece recollida dentro do propio Plan de Acción, polo cal as liñas de mellora para próximas revisións irán orientadas a realizar as adaptacións necesarias para que non se produzan desaxustes entre las distintas accións e así poder alcanzar de forma satisfactorio os obxectivos propostos.

Para o vindeiro curso escolar, seguirase na mesma de liña de traballo, centrándose naqueles puntos máis débiles e emendalos mediante un plan de acción acorde ás necesidades do centro.

Informarase ás familias presencialmente dos aspectos máis importantes deste plan nas reunións grupais de inicio de curso que se realizan no mes de setembro.

Será obxecto de difusión na páxina web do centro e remitirase aviso da súa publicación ás familias a través de Abalarmóbil.

A final de curso, enviarase a información relativa do PD aos membros do Claustro e ao Consello Escolar para a súa posterior avaliación.

http://www.edu.xunta.gal/centros/ceipxacintoamigo/node/442