Inicio


Benvidos a Ciclosadmisión (Curso 2024-2025)

Ciclosadmision é unha aplicación desenvolvida pola Consellería de Educación, Ciencia, Universidades e Formación Profesional:

  • Admisión a FP: ciclo medio, ciclo superior  e cursos de especialización en centros docentes sostidos con fondos públicos. 
    • O asistente web para realizar unha solicitude de admisión a ciclos formativos só estará dispoñible durante os períodos de presentación de solicitudes.
    • Vídeo de axuda do asistente web para realizar unha solicitude de admisión a ciclos formativos. Prema aquí. 
  • Admisión centralizada, é dicir, a través deste asistente web, afecta a:
    • 1º curso de oferta ordinaria (antigamente 1º curso de réxime ordinario).
    • Oferta modular, tanto modalidade presencial como semipresencial ou a distancia (antigamente réxime para as persoas adultas).
    • 1º curso de FP dual intensiva (antigamente FP dual).
    • Cursos de especialización.
    • Probas libres de títulos LOE/LOXSE (habitualmente no mes de abril).
  • Reclamacións: A aplicación informática Ciclosadmisión permitirá a todas as persoas con solicitude facer unha reclamación se o estiman pertinente. Esta opción só estará dispoñible durante os períodos de reclamacións establecidos. Instrucións para realizar reclamacións (pendente).
  • Na admisión a ciclos formativos durante o período de tempo comprendido entre a finalización dunha adxudicación e a seguinte, así como antes da 1ª adxudicación, as persoas inscritas non poderán acceder á aplicación.
  • Admisión non centralizada (entrega presencial no centro de matrícula) unicamente no caso de 2º curso de oferta ordinaria e de 2º curso de FP dual intensiva. É dicir, entregar unha solicitude en man no centro de matrícula pedindo só un ciclo dese centro.

  • Recomendámoslle que verifique no calendario de admisión os acontecementos relevantes do procedemento de admisión:

Máis información:

 

  • Lembre que a normativa prevalece sobre calquera outra información. As axudas desta aplicación conteñen información de carácter xeral extraída da normativa, polo que calquera dúbida ou contradición se resolverá atendendo á normativa vixente.

 

 

PROGRAMA RETORNA TALENTO FP - CONVOCATORIA 2025/26

Modalidade A

75 Bolsas de 4.000 euros para cursar certificados profesionais que se desenvolverán no curso 2024/2025:

  • Operacións básica de restaurante e bar (290 horas). 15 prazas. 15023314 - IES de Sabón, provincia de A Coruña, concello de Arteixo
  • Operacións básica de restaurante e bar (290 horas). 15 prazas. 15027927 - IES Ramón Caamaño, provincia de A Coruña, concello de Muxía
  • Operacións básicas de albanelaría de fábricas e cubertas (320 horas). 15 prazas. 32015050 - CIFP A Farixa, provincia de Ourense, concello de Ourense
  • Operacións básicas de albanelaría de fábricas e cubertas (320 horas). 15 prazas. 36025219 - CIFP de Cantería de Galicia, provincia de Pontevedra, concello de Poio
  • Operacións básicas de cociña (350 horas). 15 prazas. 36020064 - CIFP Carlos Oroza, provincia de Pontevedra, concello de Pontevedra

Non hai requisitos de titulación. Valorarase a experiencia laboral e formación relacionada coa praza que se solicite.

Valorarase a experiencia laboral e formación relacionada coa praza que se solicite.

Modalidade B

75 Bolsas de 12.000 euros para cursar un ciclo oficial de FP en modalidade semipresencial e a distancia dual.
Nesta modalidade a formación terá unha duración de dous cursos académicos. Durante o curso 2025/2026, o alumnado cursará un período inicial na modalidade semipresencial e a distancia, que poderá desenvolver desde o seu país de residencia, seguido dun período na modalidade presencial dual, que se desenvolverá na empresa. O curso 2026/2027 desenvolverase na modalidade semipresencial e a distancia dual, cunha primeira parte de formación no centro educativo seguido dunha formación no centro de traballo.
Os ciclos que se ofertarán son:

  • Ciclo superior de Mecatrónica industrial (2.000 horas). 15 prazas. 15005754 - CIFP Ferrolterra, provincia de A Coruña, concello de Ferrol
  • Ciclo medio de Servizos de Restauración (2.000 horas). 15 prazas. 27020562 - IES de Foz, provincia de Lugo, concello de Foz
  • Ciclo medio de Construción (2.000 horas). 15 prazas. 36025219 - CIFP de Cantería de Galicia, provincia de Pontevedra, concello de Poio
  • Ciclo medio de Pedra Natural (2.000 horas). 15 prazas. 36019529 - IES Ribeira de Louro, provincia de Pontevedra, concello de O Porriño
  • Ciclo superior de Xestión de aloxamentos turísticos (2.000 horas). 15 prazas. 32016285 – IES de Vilamarín, provincia de Ourense, concello de Vilamarín

As persoas solicitantes poderán concorrer a unha única modalidade das distintas ensinanzas ofertadas, escollendo entre a modalidade A ou a modalidade B, elixindo a súa primeira opción como preferente, e sinalando na solicitude as restantes opcións segundo a súa orde de preferencia.
Para optar a esta axuda é necesario acreditar titulación homologada ou en proceso de homologación (Título da ESO ou equivalente para ciclos medios, e título de bacharelato ou equivalente para ciclos superiores).

Documentación a achegar coa solicitude:

  1. Pasaporte ou outro documento acreditativo da identidade ou nacionalidade española, para as persoas solicitantes que non teñan DNI español.
  2. Documentación acreditativa da residencia actual no estranxeiro.
  3. Documentación xustificativa do tempo de residencia no estranxeiro durante un mínimo de dous (2) anos inmediatamente anteriores á data de finalización de presentación da solicitude.
  4. Documentación acreditativa da súa vinculación con Galicia:
    • Persoas nacidas en Galicia: pasaporte ou certificado de nacemento en Galicia.
    • Persoas non nacidas en Galicia, pero que residiron en Galicia de forma continuada durante dez (10) anos con nacionalidade española antes de emigrar: histórico do padrón municipal do/s concello/s galego/s onde residiron.
    • Descendentes por consanguinidade de emigrante nacido/a en Galicia: certificados de nacemento ou libros de familia que acrediten toda a liña de parentesco por consanguinidade, desde a persoa emigrante nacida en Galicia ata o nacemento da persoa solicitante.
  5. Para as persoas solicitantes nacidas no estranxeiro, documentación acreditativa da súa vinculación cun concello galego no Padrón de españois residentes no estranxeiro (PERE), ou calquera outra documentación acreditativa deste aspecto.
  6. Para as persoas solicitantes da modalidade A:
    • Documentación acreditativa da experiencia laboral relacionada coa praza que solicitan.
    • Documentación acreditativa da formación relacionada coa praza que solicitan.
  7. Para as persoas solicitantes da modalidade B:
    • Documentación acreditativa da formación necesaria para acceder ao ciclo ofertado segundo o establecido no artigo 4.g).
    • Curriculum vitae actualizado na data da solicitude.