Amosar directorio
Ruta: activar o modo de edición e na páxina principal do tema ou sección abrir o despregable Engadir un recurso... > Mostrar un directorio
O recurso Directorio engade un enlace a unha carpeta (previamente creada polo profesor ou polo administrador) no xestor de ficheiros de Moodle.
Isto lle permite ao profesor ter unha carpeta accesible para os seus alumnos onde pode recopilar ordenadamente documentación de consulta, arquivos multimedia multimedia, software necesario para o alumno, etc.
Resulta moi útil se dita carpeta contén un elevado número de ficheiros que sería custoso ligar un a un como recursos independentes.
O alumno poderá navegar por dita carpeta e escoller que arquivos quere visualizar e /ou descargar.
Para poder empregar este recurso necesitaremos previamente ter creada, unha carpeta dende o xestor de Ficheiros.
Desde o menú de configuración podemos acceder a este xestor premendo sobre o enlace Ficheiros.
No xestor de ficheiros podemos crear unha nova carpeta premendo sobre o botón Crear un cartafol.
A continuación pedirásenos o nome do directorio e premeremos no botón Crear.
Unha vez creado o novo cartafol, xa será cuestión de subir a el todos os ficheiros que desexemos amosar aos estudantes.
Unha vez que xa temos o directorio en condicións de ser amosado, desde o curso engadiremos un novo recurso seleccionando Engadir un recurso... > Amosar un directorio.
Aparecerá un formulario de edición do novo recurso onde o apartado máis importante é o de Mostrar un directorio. Desde este despregable seleccionaremos o directorio que desexamos amosar aos estudantes.
Así, finalmente teremos dispoñible desde o curso un acceso aos ficheiros que estén aloxados no directorio indicado, ao cal os alumnos poderán acceder.