3.Creación dun novo tipo de contido para o slide

Crearase un novo tipo de contido denominado Slide para portada que combinará campos de tipo Texto e Imaxe.Opcionalmente podería incorporar tamén un campo de referencia a un termo de taxonomía, tal e como se explicou con anterioridade na documentación, ou outro tipo de campos.

Crear o tipo de contido "Slide para portada".

• Ruta Administrar (Manage) > Estrutura > Tipos de contido: observar que inicialmente hai 2 tipos de contido: Artigo e Páxina básica.

• Premer en + Engadir un tipo de contido
• Nome: Slide para portada.
• Descrición: Creación de contidos para un slide de imaxes e textos na portada.
• En Opcións de publicación,desmarcar o check Promocionado á páxina principal.
• Premer en Gardar o tipo de contido.

Engadir o campo de imaxe.

• Seleccionar a solapa Administrar campos.
• Por defecto aparece o campo "Body" como un campo de texto longo.

• Engadiremos un campo "Imaxe" para incluír as imaxes premendo en + Engadir campo:
  
  • Na opción Selecciona un tipo de campo: Referencia >  Imaxe.
  • En Etiqueta especificamos Imaxe slide.

• • Gardar e continuar.
• Abrirase unha nova páxina con dúas lapelas: Editar e Configuracións do campo.
  • Na lapela Configuracións do campo
    • Destino da subida: Arquivos públicos
    • Imaxe predefinida: Será a que se visualice en caso de non incorporar ningunha. Pódese deixar en branco.
    • Número de valores permitidos: Cada contido do slide terá só unha imaxe así que deixamos como Limitado: 1
      

• • • Gardar os axustes do campo
  • Na lapela Editar:
    • Etiqueta: Permite cambiar o nome da etiqueta
    • Campo necesario: Permite establecer se é un campo obrigatorio (de xeito que non se pode deixar en branco, sempre hai que introducir un valor)
    • Extensións de arquivos permitidas: Permite establecer as extensións de imaxe permitidas á hora de engadir imaxes a este tipo de contido
    • Outras opcións relacionadas co directorio no que se almacenarán as imaxes, resolución e tamaño das mesmas.

• • Deixar todos os valores por defecto e premer en Gardar os axustes.

Reordenar os campos no formulario de edición.

• Este paso non é necesario.
• Seleccionar a lapela Manage form display
• Permite especificar a orde na que se verán os campo no momento de creación/edición dun contido.

Configurar a visualización.

• Seleccionar a lapela Xestionar a visualización.
• Seleccionar o modo de visualización Contido completo (Default):
  • Ocultar a etiqueta para os campos Body e Imaxe Slide.

• • Para o campo Imaxe Slide, premendo na icona da roda dentada é posible especificar un estilo de imaxe ou vincular a imaxe ao contido.
    • Neste caso, deixaremos como estilo de imaxe: Ningún (imaxe orixinal) e Vincular imaxe a Contido.
    • Deste xeito cando se visualice o nodo correspondente verase a imaxe a tamaño orixinal e premendo sobre ela abrirase o contido.
    • Se polo contrario escollemos por exemplo en Estilo de imaxe o estilo definido previamente 380*200, a imaxe sempre se vería  nese tamaño, nunca en tamaño orixinal.
    • Actualizar.

Configurar os permisos.

Por defecto, solamente o rol de Administrador terá permisos para crear ou editar contidos deste tipo. Para outorgar permisos para usuarios con outro rol seguir estes pasos.

• Seleccionar a lapela Manage permissions.
• O habitual será marcar os seguintes permisos:
  
  • Crear un novo contido.
    
  • Borrar contido propio.
    
  • Editar contido propio.
    
  • Revert revisions.