Últimos artigos

En moitas ocasións existe a tendencia de promocionar contidos á páxina principal para dar publicidade ás últimas publicacións, de xeito que os usuarios que visitan a páxina sexan coñecedores de que houbo actualizacións na mesma.

Trátase dunha acción non aconsellable agás para noticias moi salientables, xa que implica sobrecargar a páxina principal, e que adoita derivar en páxinas moi longas nas que é preciso facer un scroll co rato que resulta moi incómodo para os usuarios (este efecto coñécese como scroll of death), xa que habitualmente non se elimina a promoción dos devanditos contidos á páxina principal unha vez pasado o tempo e a necesidade da promoción.

Como facer para que se vexan nun bloque os últimos contidos publicados na web?

Ir a Inicio » Administrar » Construción do sitio » Módulos

• Activar o módulo Article do grupo Outro. Gardar a configuración.

No bloque de navegación aparecerá o termo Articles e, en Configuración do sitio, Article:

Configurar o módulo en Inicio » Administrar » Configuración do sitio » Article

• Article Vocabularies: Permite escoller os vocabularios (ou taxonomías) dos que se quere amosar os contidos.
  
• Overview Title: Permite cambiar o título con que aparece no menú navegación, por defecto Articles, a Últimos artigos.
• Index Depth: Define cantos niveis de termos se deben amosar nunha páxina de índice de artigos determinada. Deixar co valor por defecto.
• Categories Title: Título amosado antes da lista de categorías. Pódese cambiar a, por exemplo, Categorías dos artigos.

• En Article Page Settings, comprobar que Recent Articles Box está activado e cambiar o texto de Box Title por Últimos artigos. Tamén se pode configurar o número de artigos a visualizar no bloque. Neste caso deixamos 5.

• Gardar a configuración.

Ir a Inicio » Administrar » Construción do sitio » Bloques.

• Buscar na sección de desactivados o bloque Latest Articles:

• En configurar, pódese cambiar o nome por Últimos artigos en Título do bloque. 
• Colocar na zona visible desexada como calquera outro bloque (por exemplo, no tema 0-Point, en Top content, barra lateral dereita...).
• Gardar a configuración dos bloques.