DOCMOODLE3X: Alta e actualización do alumnado desde o informe AL955 do XADE

Este procedemento fai dúas cousas:

Dar de alta novas contas de usuario da aula virtual para o alumnado que entra novo no centro. No caso de ter eliminado previamente todas as contas de usuario do alumnado, este procedemento daraos a todos de alta.
Actualizarar as contas de usuario do alumnado que xa foi dado de alta previamente desde o informe AL955 do XADE.

Con este procedemento máis o previo de dar de baixa o alumnado que abandona o centro, en cada inicio de curso escolar acadamos o conxunto de contas de usuario necesario para o alumnado do centro.

Para o caso do alumnado xa existente vanse actualizar os valores dos campos Departamento e Grupo actualizando así a información sobre o grupo-aula no que está matriculado cada alumno e alumna, datos que posteriormente facilitarán o proceso de matriculación nos cursos. Actualizarase ademáis o valor do correo electrónico de cada alumno. Para o alumnado maior de 14 anos ou que cumpra os 14 anos no presente ano natural, o informe AL955 do XADE incorporará o correo electrónico que teña na súa ficha do XADE (Datos xerais/Persoais/Correo elect). Os que non cumpran este criterio de idade e os que non teñan un correo electrónico na ficha do XADE irán co correo nonresponder@edu.xunta.gal

Un administrador da aula virtual debe seguir estes pasos:

Obter, revisar e preparar o informe AL955 do XADE.

Soamente Director/a e Secretario/a teñen permisos no XADE para obtelo. Ver a seguinte documentación: Obter, preparar e revisar o informe AL955 do XADE

Ir a Administración do sitio > Usuarios > Contas > Cargar usuarios

Subir o ficheiro en formato CSV obtido do informe AL955 do XADE (é necesario pasalo antes polo Libre Office Calc para eliminar un caracter separador sobrante. Ver Obter, preparar e revisar o informe AL955 do XADE).
Escoller o delimitador. Se non se cambiou será o valor por defecto: punto e coma (;).
Escoller a codificación. Recoméndase traballar sempre con UTF-8. Se previamente temos aberto e gardado o ficheiro CSV con Libre Office Calc, non teremos problema neste sentido porque esta aplicación traballa por defecto con esta codificación. Se o temos aberto e gardado con outra aplicación de folla de cálculo, seguramente cambiou a codificación por outra e cando carguemos o usuarios no Moodle non poderemos ver correctamente as vogais con acento e as eñes. Recoméndase preparar o ficheiro CSV con Libre Office Calc.
En "Vista previa das filas" podemos elixir un valor maior que 10 para ver máis datos e así facer unha mellor verificación da corrección dos mesmos.
Prememos no botón Cargar usuarios.

Subir ficheiro CSV

Verificamos que os datos vense correctamente.

Debemos verificar que eñes e acentos vense correctamente.
Se observamos caracteres estraños nos campos de nome (firstname) e apelidos (lastname) será debido a que os datos están gardados nunha codificación diferente á que seleccionamos na pantalla anterior. Recomendamos traballar sempre con UTF-8. Neste caso deberiamos volver abrir o ficheiro CSV na folla de cálculo e asegurarnos de que o gardamos coa codificación correcta.

Vista previa dos datos

Configuramos o proceso de carga de usuarios.
- 1) Primeiramente eliximos as opcións da seguinte imaxe:

Primeiras opcións

- - En Tipo de envío, eliximos a opción "Engadir os novos e actualizar os usuarios existentes".
  - En Novo contrasinal de usuario, eliximos "Campo requerido no ficheiro" para que colla o contrasinal que ven no ficheiro.
  - En Detalles de usuario existente, eliximos a opción "Sobreescribir con valores de arquivo". Isto é o que vai facer que se actualicen os campos de Departamento, Grupo e Correo electrónico.

2) Respecto dos contrasinais temos dúas opcións:


a) Se queremos que todo o alumnado teña que mudar o seu contrasinal	b) Se queremos que o alumnado manteña o contrasinal que tiña
Isto é o recomendado xa que moito alumnado pode ter esquecido o seu contrasinal e logo teriamos que resetearllos de un en un. Todo o alumnado terá que entrar co contrasinal que vai no ficheiro CSV e cambialo. Se non se fai así nun primeiro momento e aparece logo a necesidade, sempre se pode volver cargar o ficheiro para actualizar todo o alumnado con esta opción. Escolleriamos as seguintes opcións:	Se se considera que o alumnado lembra o seu contrasinal do curso pasado ou teñen correo persoal para poder restablecelo por si mesmos. O alumnado novo terá que acceder a primeira vez co contrasinal que vai no ficheiro CSV e cambialo. Escolleriamos as seguintes opcións:

3) No resto de campos de configuración eliximos estas opcións:


	En Previr duplicados de enderezos de correo eliximos Non xa que pode haber varios usuarios co correo nonresponder@edu.xunta.gal En Estandarizar os nomes de usuario eliximos Non xa que non é necesario e non queremos que haxa ningún cambio respecto dos valores que saen do informe AL955.