Restrinxir a mensaxería na aula virtual

A mensaxería de Moodle é un sistema de comunicación entre todos os usuarios da aula virtual de cada centro e non é posible restrinxir o seu uso por categorías de cursos ou cursos.

Nesta páxina descríbense algunhas posibilidades para restrinxir o uso da mensaxería na aula virtual:

• Desactivación do sistema de mensaxería

• Restrición do uso por rol de usuarios

• Mensaxería só para o profesorado

• Mensaxería para algúns alumnos e alumnas

• Impedir o uso da mensaxería só a certos alumnos e alumnas

• Permitir as respostas desde o correo

Desactivación do sistema de mensaxería.

Este sistema de mensaxería está activo por defecto en tódalas aulas virtuais do proxecto Webs Dinámicas pero pode ser desactivado por un administrador do sitio en Administración do sitio > Mensaxería > Activar o sistema de mensaxería.

Coa mensaxería desactivada, ainda é posible que o profesorado envíe mensaxes a outros participantes (alumnado ou profesorado) nun curso desde a páxina de Participantes, pero os destinatarios da mensaxe non a recibirán pola aula virtual senón no seu correo electrónico, sempre que teñan un correo persoal no seu perfil (o alumnado co correo nonresponder@edu.xunta.gal nunca recibirán estas mensaxes). O alumnado dun curso non poderá enviar mensaxes deste xeito.

Restrición do uso por rol de usuarios.

Existe a posibilidade de restrinxir o uso do sistema de mensaxería, sen desactivalo, de xeito que só certos usuarios (normalmente serían os usuarios correspondentes ao profesorado do centro) podan utilizalo con normalidade e o resto dos usuarios (normalmente o alumnado) reciba as mensaxes enviadas (polo profesorado) pero non poda respondelas nin poda iniciar conversas.

imos describir a continuación como configurar esta restrición para que so o profesorado poda enviar mensaxes, e tamén imos describir como facer para que certos alumnos ou alumnas, como excepción, podan tamén enviar mensaxes.

Mensaxería só para o profesorado

Configuración para que só o profesorado poda enviar mensaxes.

Paso 1. Crear o rol "Profesorado con mensaxería"

• Ir a Administración do sitio > Usuarios > Permisos > Definir roles, e engadir un novo rol.

• Na primeira pantalla para a creación do rol continuar sen cambiar nada:

• Completar os datos do novo rol:

• Nome curto = profesoradoconmensaxeria
• Nome completo personalizado = Profesorado con mensaxería
• Descrición personalizada = ...
• Tipos de contexto onde pode asignarse este rol: só marcar a opción Sistema
  

• Na mesma pantalla máis abaixo buscar o permiso moodle/site:sendmessage e marcar Permitir.

• E por último gardamos o novo rol.

Paso 2. Asignar o novo rol no contexto do Sistema aos usuarios do profesorado do centro.

• Ir a Administración do sitio > Usuarios > Permisos > Asignar roles de sistema.
• Premer no rol "Profesorado con mensaxería" para acceder a pantalla de asignación de usuarios.

• Para cada un dos usuarios aos que lle queremos asignar este rol, buscalo la lista da dereita coa axuda do buscador de embaixo, marcalo e engadilo.
  

Paso 3. Quitar o permiso para o resto dos usuarios.

O último paso é quitar o permiso para enviar mensaxes no rol de usuarios autenticados para que soamente os usuarios asignados ao rol anterior podan facelo.

• Ir a Administración do sitio > Usuarios > Permisos > Definir roles, e editar o rol Usuario autenticado.
  

• Buscar e desmarcar o permiso moodle/site:sendmessage

• Gargar os cambios.

Con esta configuración, cando un alumno ou alumna intente enviar ou responder a unha mensaxe, recibirá a seguinte pantalla de erro.

Mensaxería para algúns alumnos e alumnas.

Como excepción ao anterior, podemos facer que certos alumnos e alumnas concretos tamén podan utilizar a mensaxería igual que o profesorado.

Paso 1. Crear o rol "Alumnado con mensaxería"

Igual que fixemos para o profesorado, crearíamos un novo rol pero neste caso con estes datos:

• Nome curto = alumnadoconmensaxeria
• Nome completo personalizado = Alumnado con mensaxería
• Descrición personalizada = Alumnado que como excepción si pode utilizar a mensaxería.
  
• Tipos de contexto onde pode asignarse este rol: só marcar a opción Sistema
• Na mesma pantalla máis abaixo buscar o permiso moodle/site:sendmessage e marcar Permitir.
• E por último gardamos o novo rol.

Paso 2. Asignar o novo rol no contexto do Sistema aos usuarios dos alumnos e alumnas aos que queremos permitir o uso da mensaxería.

• Ir a Administración do sitio > Usuarios > Permisos > Asignar roles de sistema.
• Premer no rol "Alumnado con mensaxería" para acceder a pantalla de asignación de usuarios.
• Para cada un dos usuarios aos que lle queremos asignar este rol, buscalo la lista da dereita coa axuda do buscador de embaixo, marcalo e engadilo.

Impedir o uso da mensaxería só a certos alumnos e alumnas

Neste apartado describimos como podemos impedir que envíen mensaxes so certos alumnos e alumnas, a modo de "castigo" por ter feito un mal uso da mensaxería.

Debemos partir dunha configuración na que o envío de mensaxes esté habilitado para todos os usuarios, é dicir, que a mensaxería esté activa e que o rol de Usuarios autenticados teña permitido o permiso moodle/site:sendmessage, o que esta configuración sexa incompatible coas dúas anteriores descritas nesta páxina.

O xeito de facelo é mediante a creación dun novo rol asignable ao nivel do sistema, no que prohibiremos o permiso moodle/site:sendmessage, e ao que asignaremos o alumnado "castigado" sen mensaxería.

Paso 1. Crear o rol "Alumnado sen mensaxería"

Seguindo os pasos descritos anteriormente, crearíamos un novo rol pero neste caso con estes datos:

• Nome curto = alumnadosenmensaxeria
• Nome completo personalizado = Alumnado sen mensaxería
• Descrición personalizada = Alumnado que non pode utilizar a mensaxería para enviar mensaxes, si pode recibilos.
  
• Tipos de contexto onde pode asignarse este rol: só marcar a opción Sistema
• Un pouco máis abaixo darlle ao botón Amosar avanzadas.

• Na mesma pantalla máis abaixo buscar o permiso moodle/site:sendmessage e marcar a opción Prohibir.

• E por último gardar o novo rol.

Paso 2. Asignar o novo rol no contexto do Sistema aos usuarios dos alumnos e alumnas aos que queremos impedir o uso da mensaxería.

• Ir a Administración do sitio > Usuarios > Permisos > Asignar roles de sistema.
• Premer no rol "Alumnado sen mensaxería" para acceder a pantalla de asignación de usuarios.
• Para cada un dos usuarios aos que lle queremos asignar este rol, buscalo la lista da dereita coa axuda do buscador de embaixo, marcalo e engadilo.

Permitir as respostas desde o correo

Cando un usuario envía unha mensaxe a outro desde a aula virtual, o sistema envía ao destinatario un correo co mesmo texto da mensaxe e co correo nonresponder@edu.xunta.es no campo de orixe (De/From). Se o usuario destinatario da mensaxe ten no seu perfil un correo persoal, recibirá no mesmo a mensaxe, pero se responde desde o correo, esta resposta nunca chega ao usuario que enviou a mensaxe orixinal xa que se perde na conta nonresponder@edu.xunta.es.

Existe a posibilidade de que estes correos enviados aos destinatarios das mensaxes, leven no campo de orixe (From/De) o correo do usuario que enviou a mensaxe, posibilitando así que o receptor responda desde o correo.

No caso de ter restrinxida a mensaxería de xeito que o alumnado non poda responder ás mensaxes recibidas do profesorado, podemos aproveitar esta característica para permitir que o alumnado que dispoña de correo podan responder desde o seu correo ás mensaxes do profesorado.

Describimos a continuación a configuración necesaria para aproveitar esta característica.

Paso 1. Configurar os dominios de correo permitidos.

• Ir a Administración do sitio > Servidor > Correo > Configuración de correo saínte.
• Nese formulario, na variable Dominios de correo permitidos, da sección Sen-resposta e dominio, introducir os dominios de correo utilizados polos emisores das mensaxes (profesorado). Para o correo corporativo de Educación do profesorado introduciremos os dominios: edu.xunta.es e edu.xunta.gal
  

• Gardamos os cambios.

Paso 2. Facer visible o correo do usuario emisor.

• Cada usuario que envíe mensaxes (profesorado) e queira que os destinatarios das súas mensaxes podan responder desde o correo, debe facer visible o seu correo desde o seu perfil.
• O usuario debe editar o seu perfil e no campo Presentar o correo seleccionar un dos seguintes valores:
• "Amosar o meu enderezo de correo só aos membros do curso". Poderán responder desde o correo os destinatarios (alumnado) que participan nalgún curso co emisor (profesor/a), pero non o poderán facer outros destinatarios (outros profesores/as ou alumnado que non participa en cursos co emisor).
• "Amosar o meu enderezo de correo a todos". Poderán responder desde o correo todos os destinatarios.
• A terceira opción deste campo ("Agochar o meu enderezo de correo a todos") fai que ningún poda responder aos mensaxes desde o correo.
• Lembrar que esta configuración vai funcionar só para os destinatarios que teñan no seu perfil un correo persoal válido. O alumnado co correo nonresponder@edu.xunta.es non poderá nunca responder desde o correo porque nunca recibirá eses correos.