Creación de categorías (só administradores)

• As categorías cumpren unha función organizativa dentro da nosa galería xa que permiten agrupar os diferentes álbumes que se vaian creando.
• Os usuarios administadores da galería poden crear novas categorías e subcategorías, administrar as categorías existentes ou cambiar un álbum dunha categoría a outra.
  • Por defecto hai creada unha categoría principal ou raíz para cada centro.
  • Tamén existe unha categoría denominada Galerías de usuarios creada por defecto, que conterá as galerías persoais dos usuarios.

Creación dunha categoría

• Para crear unha categoría, prememos no menú Ficheiros --> Categorías.
• Escribimos o nome no campo Título da categoría. A continuación pódese escribir unha breve descrición no campo Descripción da categoría. Finalmente hai que premer en Actualizar/Crear categoría.
  • Categoría principal: Ningunha categoría indica que a categoría creada vai a depender da categoría raíz da nosa galería.
  • A opción Grupo(s) autorizado para crear álbums nesta categoría indica que os usuarios rexistrados (pertencentes ao grupo ou rol Registered) poderán crear ou non álbumes nesta categoría:
    • Por defecto non poden.
    • Para habilitar dita posibilidade hai que facer click en Registered (o fondo cambiará a cor azul, indicando que se outorga o permiso). 

Creación dunha subcategoría

• Para crear unha subcategoría (crear unha categoría dentro doutra) hai que seguir os mesmos pasos e simplemente seleccionar en categoría principal a categoría da que vai a depender.

Mover e editar categorías/subcategorías
As categorías creadas amosaranse na pantalla a medida que se vaian xerando. Desde a columna de Operacións podemos administrar as categorías creadas:

• Ordenar as categorías (movelas hacia arriba ou hacia abaixo).
• Borrar categorías.
• Editar a información das mesmas.
• Reubicalas dentro doutras categorías.

Unha vez creadas as categorías, xa estamos en disposición de crear os nosos álbumes.