2.6.1.- Definir papeis

2.6.1.- Definir Papeis

Ruta: Administración > Usuarios > Permisos > Definir papeis

Un papel ou rol é unha colección de permisos definidos para asignar a usuarios específicos en contextos determinados.

Definicións dos conceptos básicos

• Un rol é un identificador do status do usuario nun contexto concreto. Por exemplo, profesor, estudante e moderador de foro son exemplos de roles.
• Unha habilidade é unha descrición dunha funcionalidade particular de Moodle. As habilidades (ou capacidades) están asociadas aos roles. Por exemplo, poder responder a unha mensaxe nos foros é unha habilidade.
• Un permiso é un valor que se asigna a unha capacidade para un rol en particular. Por exemplo, usar o permiso "prevenir" para limitar a todos os estudantes a que non poidan escribir en ningún foro.
• Un contexto é un "espazo" en Moodle, como por exemplo, cursos, módulos de actividade, bloques, foros, etc.
• Unha xerarquía de permisos determina que permiso é o que xurdirá efecto se hai un conflito aparente. Por exemplo, o sitio permite a todos os estudantes enviar mensaxes aos foros pero o profesor impide este dereito nun curso concreto. A xerarquía de permisos permitiría a un estudante enviar unha mensaxe nun curso pero non no outro.

• Administrador
• Creador de Cursos
• Profesor
• Profesor no editor
• Estudante
• Invitado

• Non axustado ou Herdar - deixar pasar do contexto anterior (nivel mais baixo, sempre perde)
• Permitir - deixa suceder ou permitir (mesmo nivel que impedir)
• Impedir - alto (mesmo nivel que permitir)
• Prohibir - impedir (nivel mais alto, sempre gana)

• Non axustado ou Herdar: se non se define un permiso, entón o permiso da habilidade é herdada dun contexto que é mais xeral que o do contexto actual.
• Permitir e Impedir cancelaranse un co outro se se fixa a mesma habilidade no mesmo nivel de contexto. Se isto ocorre, referímonos ao nivel de contexto previo para determinar o permiso da habilidade.
• Prohibir: Si fixamos prohibir nunha habilidade, significa que a habilidade non poderá ser anulada. Prohibir sempre gaña e crea un alto permanente.

Debido a que as habilidades nun rol poden ser diferentes e aos participantes pódenselle asignar diferentes roles, pode existir un conflito nas habilidades. A xerarquía dos permisos resolve isto dicindo que a habilidade definida para un contexto mais específico gañará, a menos que un prohibir sexa encontrado nun contexto menos específico.

Exemplo 1.
CURSO = "Curso Un" que contén, entre outras, as seguintes wikis: "Todos", "Tarefas" e "Honores".
Marcos ten un rol de estudante no "Curso Un" que permite a todos os estudantes escribir nos wikis de "Todos" e "Tarefas". Pero Marcos tamén ten un rol de Visitante no nivel contexto de módulo (para o wiki "Honores") e a os Visitantes impídeselles escribir no wiki de Honores. Polo que Marcos pode escribir nos wikis de "Todos" e "Tarefa" pero non no de "Honores".

Exemplo 2.
CURSO = "Ciencias e Matemáticas 101" que contén, entre outros, o "Foro da Ciencia"
Roles específicos = Creáronse os roles de "estudante traveso" e "facilitador".
Xesús ten un rol de "estudante traveso" que prohibe colocar mensaxes en calquera foro para todo o sitio. Sen embargo o seu profesor asignoulle un rol de "facilitador" no "Foro da Ciencia" no curso de Ciencias e Matemáticas 101. Debido a que un permiso de prohibir nun contexto mais alto sempre gaña, Xesús é incapaz de colocar mensaxes no "Foro de Ciencia".


Comprobando roles
Para probar os novos roles é necesario saír e autenticarse como outro usuario nunha nova sesión. Non debemos utilizar a opción de “Entrar como” para comprobar os novos axustes; podemos utilizar algunha conta simulada para iso.