17.- Mensaxes

Este bloque permite a comunicación, constituíndo un sistema de mensaxería interna entre os usuarios do curso ou do espazo.
Nos procesos de envío de mensaxes e xestión do caderno de direccións, este bloque está relacionado co bloque de Usuarios en liña

Este bloque, aparte de enviar mensaxes, permite agregar usuarios pertencentes á plataforma ao caderno de direccións, bloquear usuarios e visualizar o histórico de mensaxes anteriores. Calquera destes procesos pódese realizar tanto dende o bloque Usuarios en liña como dende o bloque de Mensaxes, tal como se describe a continuación.

Premendo na imaxe do sobre que aparece á dereita do nome do usuario no bloque de Usuarios en liña aparece esta xanela.

Na parte superior da xanela aparecen tres botóns que permiten:

• Engadir contacto ao caderno de direccións. Unha vez engadido o contacto o botón muda por outro que permite eliminalo.
• Bloquear contacto para que non poidamos recibir as mensaxes enviadas polo mesmo.
• Ver o historial de mensaxes

Escribindo a mensaxe no cadro central e premendo sobre o botón Enviar mensaxe, esta será enviada ao seu destinatario, podendo manter unha conversación con el a través desta ventá que se refresca automaticamente cada 60 segundos.No caso que o destinatario non estea en liña e dependendo da configuración deste bloque, a mensaxe é entregada na bandexa de entrada do seu correo electrónico.

Listado dos usuarios que temos introducidos no noso caderno de direccións, podendo eliminalos ou ver o histórico de mensaxes empregando os botón correspondentes situados á dereita do nome.
Ao premer sobre o nome do usuario ábrese a xanela que nos permite enviar unha mensaxe

Desde esta pestana o usuario pode configurar o servizo de mensaxeira para asi adaptalo a súas necesidades, de especial interes é a posibilidade de enviar o noso correo electrónico a mensaxe en caso de estar desconectado un tempo determinado, opción marcada por defecto para os centros dentro do proxecto de Web´s dinámicas.