Editor HTML

O editor de texto HTML proporciona unha interface moi parecida á dun procesador de textos para xerar de forma cómoda o código HTML correspondente aos elementos inseridos xunto ao texto (imaxes, táboas, caracteres especiais...).

Na seguinta táboa preséntase brevemente a funcionalidade dos botóns deste editor:

	Seleccionar o tipo de fonte.
	Seleccionar o tamaño da fonte.
	Seleccionar o estilo.
	Elixir o idioma.
	Aplicar formatos ao texto previamente seleccionado: grosa, cursiva, subliñado e riscado.
	Poñer subíndices e superíndices.
	Limpar o código HTML de Word. Serve para cando temos copiado texto desde Word e queremos eliminar as etiquetas (tags) innecesarias.
	Desfacer e refacer.
	Opcións de xustificación do texto: esquerda, centrado, dereita e xustificado.
	Dirección do texto, de esquerda a dereita e de dereita a esquerda. Pódese empregar naqueles idiomas nos que se escribe de dereita a esquerda.
	Crear listas numeradas e listas con viñetas.
	Aplicar sangrías á esquerda e á dereita.
	Cambiar a cor do texto e a cor do fondo. Estes botóns activas a paleta de cores nunha nova xanela. Abonda con premer co rato a cor desexada ou escribir o seu código no cadro de texto que se amosa.
	Trazar liñas separadoras
	Crear áncoras. Serve para establecer enlaces entre diferentes puntos da mesma páxina. Emprégase en combinación cos hipervínculos.
	Inserir e romper un enlace Web. Máis adiante o veremos con máis detalle.
	Anula un enlace ao glosario. Emprégase para evitar a repetición excesiva de enlaces con palabras enlazadas ao glosario e aos enlaces non desexados.
	Inserir unha imaxe. Explícase máis adiante en detalle.
	Inserir unha táboa. Explícase máis adiante en detalle.
	Inserir emoticóns. Este botón abre unha xanela cun surtido de emoticóns para seleccionar. Estes elementos son moi útiles para indicar o tono dunha expresión e permitir expresar unha gran variedade de matices para o texto. Podemos escribir as formas textuais dos emoticóns e o editor convertiraas de xeito automático.
	Inserir caracteres especiais. Este botón abre uha xanela cun xogo de caracteres que estemos a empregar nese momento no noso navegador.
	Busca e reemprazo de texto.
	Engadir etiquetas ou marcas HTML.
	Agrandar ou disminuir o editor.

Inserir enlaces.

Para inserir un enlace hai que seleccionar previamente o texto e despois premer no botón de Inserir ligazón Web dispoñible na barra de ferramentas do editor. Despois, na xanela que se abre, podemos teclear ou pegar a URL (enderezo Web) da páxina á que desexamos apuntar, o Título ou texto alternativo que aparecerá ao poñer o punteiro do rato sobre o enlace e o marco de destino (nova xanela, mesmo marco, mesma xanela...)

Adamais de enlazar a páxinas Web externas, tamén podemos vincular recursos HTML internos, é dicir, localizados no propio servidor Moodle. Para isto, empregaremos o botón Explorar... para abir o xestor de arquivos e procurar o ficheiro desexado.

Outra posibilidade é enlazar a algún lugar da mesma páxina que estamos editando. Neste caso, é necesario crear previamente unha áncora que fará de destino do hipervínculo e, a continuación, seleccionar dito anclaxe na lista despregable de Áncoras da xanela de Inserir ligazóns.

Inserir unha imaxe.

É importante ter en conta que cando inserimos unha imaxe nun documento Web, esta imaxe realmente non se insire, senón que o que realmente se insire é un enlace ao arquivo de imaxe. Este arquivo debe subirse previamnete ao servidor Moodle. Por iso, cando pulsamos sobre o botón ábrese unha xanela que amosa o contido da carpeta do curso onde se atopan tódolos arquivos subidos ata o momento e permite subir novos arquivos.

Si a imaxe que queremos inserir se atopa no servidor tan só teremos que selecionala na xanela da esquerda, Explorador de ficheiro. Unha vista previa aparecerá na xanela da dereita, Previsualizar, e tamén se amosará nos cadros de Largura e Altura as súas dimensións (estes valores poden modificarse, pero corremos o risco de deformar a imaxe se non mantemos as proporcións).

Si a imaxe non está cargada no servidor, premeremos sobre o botón Examinar... para localizar o arquivo no noso equipo e posteriormente premeremos sobre o botón Cargar para subila ao servidor.

Opcionalmente, podemos definir como interactuará a imaxe co texto seleccionando unha opción na lista despragable Aliñamento, inserir un recadro ao redar da imaxe indicando o grosor do borde no cadro de texto Largura do bordo e axustar a separación entre o texto e a imaxe, escribindo a separación nos cador de texto Horizontal e Vertical.

Unha vez realizados tódolos axustes, premeremos sobre o botón Aceptar para inserir a imaxe no documento.

Inserir unha táboa.

Ao premer no botón da barra de ferramentas do editor HTML, ábrese unha xanela onde podemos especificar os parámetros da nova táboa: número de filas e de columnas, a largura total da táboa, medida en porcentaxe da xanela ou en píxeles. Un pouco máis abaixo, podemos establecer a aliñación da táboa no documento, a largura do bordo e os espazamento interno ou a separación entre filas e columnas.

Non é doado o traballo con táboas no editor HTML, especialmente si estamos acostumbrados a deseñalas cun procesador de textos. É moi importante deseñala ben desde o principio xa que é un pouco complicado reestruturar unha táboa xa inserida. En calquera caso, cando traballemos con táboas é moi convinte agrandar o espazo do editor premendo sobre o botón . Deste xeito amosaránse novos botóns que facilitan en certa medida a edición das táboas.

A continuación describimos brevemente cada un dos botóns da barra de ferramentas para táboas.

	Propiedades da táboa.
	Propiedades da fila.
	Engadir unha fila por riba ou por debaixo da seleccionada.
	Borrar a fila seleccionada.
	Dividir a fila.
	Engadir columna á esquerda ou á dereita da seleccionada.
	Eliminar a columna seleccionada.
	Dividir a columna.
	Propiedades da celda seleccionada.
	Engadir unha celda enriba ou debaixo da actual.
	Eliminar celda.
	Combinar celdas.
	Dividar á celda.