Configurar unha tarefa
crear tarefa
O primeiro bloque de parámetros, correspondentes á sección de axustes xerais, é común a todos os tipos de tarefas.

  1. Título da tarefa: é o texto identificativo co que quedará enlazada a tarefa na páxina principal do curso, dentro da sección elixida.
  2. Descrición: neste cadro exponse o enunciado e descrición do traballo que deben realizar os estudantes. Tamén podemos especificar os obxectivos, os apartados que deben tratarse, algunhas instrucións para realizar a tarefa correctamente (por exemplo, tamaño e formato dos arquivos a subir), etc.
  3. Cualificación: permítenos escoller entre varias escalas de cualificación, tanto cuantitativas como cualitativas.
  4. Dispoñible en: especifica a data a partir da cal a tarefa está dispoñible para os estudantes. Para fixar unha data debe estar desactivada o recadro Inhabilitado.
  5. Data límite de entrega: determina o día e a hora en que acaba o prazo para entregar os traballos solicitados. Moodle establece un período “de gracia” de 30 minutos trala hora de peche.
  6. Impedir envíos atrasados: o profesorado pode decidir se permite ao éstudante enviar os seus traballos unha vez que expirou a data de entrega da tarefa.

O seguinte grupo de parámetros son específicos dalgunhas tarefas (poden aparecer no formulario de configuración dun tipo de tarefas e non noutros):
  1. Permitir reenvío: por defecto, os estudantes non poden reenviar as tarefas despois de que foron cualificadas. Se activamos esta opción, permitirase aos estudantes reenviar as tarefas despois de que sexan cualificadas (co obxecto de volver a cualificalas). Isto pode ser útil se o docente quere animar aos estudantes a facer un mellor traballo. Obviamente, esta opción non é aplicable para as tarefas Offline.
  2. Alertas de email aos profesores: se se activa esta opción, o profesorado recibirá unha alerta mediante un breve correo sempre que os estudantes engadan ou actualicen o envío dunha tarefa. Só avisarase ao profesorado con permiso para cualificar ese envío en particular. Deste modo, se, por exemplo, o curso usa grupos separados, entón os docentes asignados a grupos específicos non recibirán información sobre os estudantes que pertencen a outros grupos. Por suposto, nunca se envía correo cando as actividades son fóra de liña, toda vez que nese caso os estudantes non realizan envíos.
  3. Tamaño máximo: serve para determinar o tamaño máximo dos arquivos que subirán os estudantes.
  4. Permitir eliminar: se activamos esta opción, os participantes poderán eliminar arquivos subidos en calquera momento antes de ser cualificados.
  5. Número máximo de arquivos subidos: establece o máximo número de arquivos que pode subir cada estudante. Este número non se mostra ao estudante, polo que debería indicarse no apartado de descrición cantos arquivos debe subir.
  6. Permitir notas: se activamos esta opción, os estudantes poden escribir notas e comentarios na área de texto. É similar a unha tarefa de texto en liña. Este espazo pode utilizarse como comunicación coa persoa á que se cualifica, coa descrición do progreso da tarefa ou con calquera outra actividade escrita.
Última modificación: mércores, 23 de decembro de 2015, 11:06 AM