Websdinámicas: Drupal administradores
DRUPAL administradores: Web do centro
Proxecto Webs dinámicas
Este proxecto consiste en ofrecer a os centros educativos preinstaladas no seu espazo web un conxunto de aplicacións que lles permitirá construir os seus portais educativos e aulas virtuais dun xeito sinxelo en contorno web.Actualmente as ferramentas preinstaladas son Drupal, Coppermine e Moodle (orixinariamente tamén se realizaba a instalación de phpWebQuest, que se deixo de empregar neste proxecto por problemas de seguridade).
Os centros adscritos ao proxecto terán a máis da instalación o asesoramento "in situ" para a posta en marcha inicial do proxecto por parte dos asesores da Subdirección Xeral de Sistemas Informáticos (asesores ABALAR/SIEGA).
Dispoñen tamén dun portal de referencia, http://www.edu.xunta.gal/centros/websdinamicas, no que a comunidade de centros conta con foros, talleres ou mensaxería para solucionar calquera custión relacionada co tema.
É tamén a propia consellería quen se encarga do mantemento e actualizacións das aplicacións a novas versións.
Nos centros educativos deberá existir un grupo de profesores que farán as funcións de administradores dos espazos no centro. Estas persoas serán as encargadas de, por exemplo, dar de alta aos novos usuarios que desexen empregar as ferramentas e, tamén, dar de baixa das mesmas aos que xa non formen parte do centro, definir a estrutura das páxina, dar permisos aos usuarios, etc.
Neste curso veremos os apartados relevantes a este tipo de perfil: os adminitradores das ferramentas do proxecto Webs Dinámicas do centro educativo.
Un saúdo.
3.7 GUIA PARA ACTIVAR OS BLOQUES DE CADA PLANTILLA
A partir da versión 5.x de DRUPAL, cada plantilla (tema) permite personalizar os bloques que desexemos ter activados ou desactivados.
Deste xeito cando cambiamos a plantilla (tema) da páxina debemos de asegurarnos previamente de que estén activados os bloques que nos interesa visualizar.
Para facer esta comprobación deberemos:
- Ir ó menú Administrar > Contrución da páxina > Bloques
- Aí veremos, na parte superior, enlaces ás diferentes 'opcións das plantillas (temas)', por exemplo: 'opcións de B7'.
(ver imaxe inferior) - Premendo sobre este enlace de opcións de cada tema (plantilla) podemos comprobar o estado dos bloques: se están activados ou desactivados e en que rexión aparecen ubicados.
- Deberemos comprobar que os bloques que queremos visualizar estén activados. De non ser así haberá que activalos e ubicalos na rexión correspondente (barra lateral esquerda, barra lateral dereita...)
Debes lembrar que, como mínimo, en tódalas plantillas deben estar sempre activados o bloque "INICIO DE SESIÓN 2" e o bloque "NAVEGACIÓN"