Websdinámicas: Drupal administradores
DRUPAL administradores: Web do centro
Proxecto Webs dinámicas
Este proxecto consiste en ofrecer a os centros educativos preinstaladas no seu espazo web un conxunto de aplicacións que lles permitirá construir os seus portais educativos e aulas virtuais dun xeito sinxelo en contorno web.Actualmente as ferramentas preinstaladas son Drupal, Coppermine e Moodle (orixinariamente tamén se realizaba a instalación de phpWebQuest, que se deixo de empregar neste proxecto por problemas de seguridade).
Os centros adscritos ao proxecto terán a máis da instalación o asesoramento "in situ" para a posta en marcha inicial do proxecto por parte dos asesores da Subdirección Xeral de Sistemas Informáticos (asesores ABALAR/SIEGA).
Dispoñen tamén dun portal de referencia, http://www.edu.xunta.gal/centros/websdinamicas, no que a comunidade de centros conta con foros, talleres ou mensaxería para solucionar calquera custión relacionada co tema.
É tamén a propia consellería quen se encarga do mantemento e actualizacións das aplicacións a novas versións.
Nos centros educativos deberá existir un grupo de profesores que farán as funcións de administradores dos espazos no centro. Estas persoas serán as encargadas de, por exemplo, dar de alta aos novos usuarios que desexen empregar as ferramentas e, tamén, dar de baixa das mesmas aos que xa non formen parte do centro, definir a estrutura das páxina, dar permisos aos usuarios, etc.
Neste curso veremos os apartados relevantes a este tipo de perfil: os adminitradores das ferramentas do proxecto Webs Dinámicas do centro educativo.
Un saúdo.
2.2 Usuarios
Ruta: Administrar > Mantemento de usuarios > UsuariosComo este é un curso para administradores, debemos dispoñer dun nome de usuario (co seu contrasinal) que teña permisos de administración, senón non poderemos modificar determinadas cousas. Isto podémolo apreciar nas seguintes imaxes de exemplo, de xeito que o usuario da esquerda non ten permisos, o do medio xa pode crear contido, e o usuario da dereita ademais de crear contido pode administrar.
 |
 |
 |
É posible que ao escoller a opción de administrar, cambien as cores, tipo de letra, etc. Iso é debido a que o tema ou plantilla do administrador é distinta da plantilla xeral da web. Por suposto isto tamén é configurable, pero convén que sexa distinta para que se aprecie perfectamente cando estamos administrando a páxina.
No momento que prememos en administrar, despréganse as opcións de administración, entre as que está Mantemento de usuarios. Se prememos nesta opción vólvense a despregar para mostrar tódalas opcións de xestión de usuarios. |
 |
Podemos ver que ademais de irse despregando no menú as correspondentes opcións, na parte central da pantalla tamén se nos van despregando as mesmas, polo que se sabemos onde debemos ir, podemos ir directamente á pantalla central despois de premer no menú Administrar.
2.2.1 Listaxe de usuarios
Seguindo a ruta indicada ao inicio desta páxina accedemos á lista de Usuarios.
|
No centro da pantalla aparecen tres pestanas, a de Lista, Engadir usuario e Notificacións. |
 |
Por defecto xa aparece activada a opción de Lista, que nos mostra os usuarios existentes na plataforma, así como o seu estado, o rol ao que pertencen, o tempo que levan no sistema e mais a última vez que accederon. Tamén na parte dereita podemos ver un enlace para editar os valores de cada usuario.
En caso de existir moitos usuarios no sistema, poderiamos facer un filtro por roles, permisos e estado dos usuarios. Nos centros educativos, esta opción de filtro non debería ser necesaria, xa que os usuarios nunca pasaran dunha cantidade reducida, polo que se poden ver todos nunha ou en dúas páxinas. |
 |