Websdinámicas: Drupal administradores
DRUPAL administradores: Web do centro
Proxecto Webs dinámicas
Este proxecto consiste en ofrecer a os centros educativos preinstaladas no seu espazo web un conxunto de aplicacións que lles permitirá construir os seus portais educativos e aulas virtuais dun xeito sinxelo en contorno web.Actualmente as ferramentas preinstaladas son Drupal, Coppermine e Moodle (orixinariamente tamén se realizaba a instalación de phpWebQuest, que se deixo de empregar neste proxecto por problemas de seguridade).
Os centros adscritos ao proxecto terán a máis da instalación o asesoramento "in situ" para a posta en marcha inicial do proxecto por parte dos asesores da Subdirección Xeral de Sistemas Informáticos (asesores ABALAR/SIEGA).
Dispoñen tamén dun portal de referencia, http://www.edu.xunta.gal/centros/websdinamicas, no que a comunidade de centros conta con foros, talleres ou mensaxería para solucionar calquera custión relacionada co tema.
É tamén a propia consellería quen se encarga do mantemento e actualizacións das aplicacións a novas versións.
Nos centros educativos deberá existir un grupo de profesores que farán as funcións de administradores dos espazos no centro. Estas persoas serán as encargadas de, por exemplo, dar de alta aos novos usuarios que desexen empregar as ferramentas e, tamén, dar de baixa das mesmas aos que xa non formen parte do centro, definir a estrutura das páxina, dar permisos aos usuarios, etc.
Neste curso veremos os apartados relevantes a este tipo de perfil: os adminitradores das ferramentas do proxecto Webs Dinámicas do centro educativo.
Un saúdo.
7.3 Páxinas de administración de módulo Estatísticas (Statistics)
Ruta: Administrar-> (pestana) por Módulo->Statistics
1.- Configurar permisos
Ruta: Administrar > Mantemento de usuarios > Control de Acceso
Unha vez activado o módulo é necesario como sempre ir administrar os permisos do módulo que son:
-
Ver o contador de accesos ao envío
-
Acceder ás estatísticas
É suficiente con que estas opcións estean activadas para o administrador.
2.- Configuración dos rexistros de acceso.
xa explicado anteriormente (vexa o contido neste mesmo curso: http://www.edu.xunta.es/platega/mod/resource/view.php?inpopup=true&id=33536)
3.- Máximos visitantes (ou visitantes máis activos)
mostra cales son os visitantes máis activos da web permitindo incluso excluír a aqueles aos que o administrador considere abusivos.
4.- Páxinas máis vistas
Mostra as páxinas [1] nunha lista ordenadas polo número de vistas ou accesos á mesma realizados "recentemente" (segundo o tempo que teñamos establecido na configuración do módulo). Mostra tamén a media de tempo de xeración de cada páxina (en milisegundos) así como o tempo total de xeración da mesma.
5.- Referentes principais
mostra desde onde chegaron os visitantes (URL de referencia).
6.- Visionadas Recentemente
mostra información sobre as últimas actividades do sitio web, incluíndo a data e hora da visualización, a URL e o título da páxina que foi visitada, o nome do usuario (se está dispoñible) e o enderezo IP do visitante.
7.- Bloque de Contido Popular
O módulo inclúe por defecto un bloque de contido popular que mostra as páxinas máis visitadas hoxe, as máis visitadas sempre e o último contido visto.
Para utilizar o bloque hai que activalo previamente na páxina de administracións de bloques
Ruta: Administrar > Construción da páxina > Bloques
Inicialmente veremos o bloque Contido popular na zona de bloques desactivados, o único que temos que facer é indicar a zona onde queremos que se amose (por exemplo na columna da dereita) e poñer un peso.
Unha vez activado pode configurarse como o resto dos bloques para establecer o título, a descricións, se é ou non colapsable, os usuarios que poden visualizalo (lembrar non marcar ningún para que por defecto o vexan todos os roles).
O aspecto pode apreciarse na seguinte imaxe.
[1] As páxinas máis vistas NON se refiren aos tipos de contido páxina senón as páxinas propiamente ditas do sitio (a páxina de administración, a de configuración dun módulo etc.)