DRUPAL administradores: Web do centro

Acceso á páxina oficial do proxecto Webs Dinámicas

Proxecto Webs dinámicas

Este proxecto consiste en ofrecer a os centros educativos preinstaladas no seu espazo web un conxunto de aplicacións que lles permitirá construir os seus portais educativos e aulas virtuais dun xeito sinxelo en contorno web.

Actualmente as ferramentas preinstaladas son Drupal, Coppermine e Moodle (orixinariamente tamén se realizaba a instalación de phpWebQuest, que se deixo de empregar neste proxecto por problemas de seguridade).

Os centros adscritos ao proxecto terán a máis da instalación o asesoramento "in situ" para a posta en marcha inicial do proxecto por parte dos asesores da Subdirección Xeral de Sistemas Informáticos (asesores ABALAR/SIEGA).

Dispoñen tamén dun portal de referencia, http://www.edu.xunta.gal/centros/websdinamicas, no que a comunidade de centros conta con foros, talleres ou mensaxería para solucionar calquera custión relacionada co tema.

É tamén a propia consellería quen se encarga do mantemento e actualizacións das aplicacións a novas versións.

Nos centros educativos deberá existir un grupo de profesores que farán as funcións de administradores dos espazos no centro. Estas persoas serán as encargadas de, por exemplo, dar de alta aos novos usuarios que desexen empregar as ferramentas e, tamén, dar de baixa das mesmas aos que xa non formen parte do centro, definir a estrutura das páxina, dar permisos aos usuarios, etc.

Neste curso veremos os apartados relevantes a este tipo de perfil: os adminitradores das ferramentas do proxecto Webs Dinámicas do centro educativo.

Un saúdo.

4.1.12 Imprimir páxinas

Ruta: Administrar > Configuración da páxina > Imprimir páxinas

Permite configurar a versión para imprimir dos diferentes contidos da web, así como o seu envío por correo electrónico

Configuración da páxina web: configura a ubicación do enlace á versión para impresión. O enlace sitúase por norma xeral, debaixo do contido. Se selecciona na esquina do contido, colocarase na esquina superior dereita.
Opcións avanzadas do enlace: estilo do enlace, Visibilidade do linK, clase do vínculo
Configuración para enviar a páxina por correo electrónico: situación do enlace na páxina e opcións avanzadas
Configuración dos axustes comúns: Url de estilo (CSS), opcións do logo,opcións do pé, url de orixe.