Configuración da aula virtual para Moodle Mobile

Que é Moodle Mobile?

Moodle Mobile é a app oficial móbil de Moodle para Android, iOS, e Windows Phone. Está dispoñible na tenda de apps de Android (Google Play), na tenda de apps de Apple (App Store) e nas tendas de apps de Windows.

Esta app únicamente funcionará cos sitios Moodle (Aulas Virtuais) que estean previamente configurados para permitilo. A configuración necesaria debe ser realizada polo/s administrador/es de cada "Aula Virtual (Moodle).

Na actualidade (2019) existen dúas aplicacións de Moodle para dispositivos móbiles:

1. Moodle Mobile (para Moodle 3.1 ou superior)
2. Moodle Classic (para Moodle 2.4 ata 3.0).
   

No proxecto Webs Dinámicas dispoñemos actualmente da versión 2.6 de Moodle así que debemos utilizar a app Moodle Classic.

Aínda que na documentación faise referencia á app Moodle Mobile, no noso caso estaremos falando sempre da app Moodle Classic. Cando se elaborou esta documentación só existía á primeira e cando actualicemos a nosa versión de Moodle voltaremos a utilizala, así que decidimos manter a documentación como está.

Vídeo oficial de presentación de Moodle Mobile 3.1
(en inglés)

Que podo facer con Moodle Mobile?

A app Moodle Mobile permite aos usuarios (profesores e alumnos) conectarse aos cursos creados na "Aula Virtual" do seu centro educativo, co seu teléfono móbil ou tablet e usando o mesmo "nome de usuario" e "contrasinal" que usa cada un normalmente para entrar na propia Aula Virtual.

Esta app permite traballar cos contidos e actividades do curso en modo desconectado (off line), sincronizando o traballo coa Aula Virtual cando existe unha conexión viable.

Moodle Mobile ofrece, entre outras, as seguintes funcionalidades:

Xestionar ficheiros

• Subir un ficheiro á área de ficheiros privados
• Grabar un audio ou vídeo e subilo directamente á área de ficheiros privados
• Ver e descargar os teus ficheiros privados
• Ver e descargar os ficheiros do curso

Traballar no curso

• Acceso rápido aos contidos do curso
• Descargar e ver algúns dos recursos do curso
• Ver os módulos "Libro" e "Paquetes de contido IMS"
• Participar nas actividades (escolla, consulta, ...)
• Participar nos chats do curso
• Ver os foros e os debates
• Ver as cualificacións de actividade e as cualificacións totais do curso

Interactuar cos demáis usuarios

• Mensaxería privada entre usuarios
• Enviar unha mensaxe privada a un participante do curso
• Ver todas as túas notificacións e mensaxes privados recibidos
• Engadir a un participante do curso á túa axenda de contactos do teléfono
• Chamar a un participante do curso ao pulsar no número de teléfono
• Localizar a un participante do curso en Google Maps

Recibir información

• Ver eventos do calendario
• Notificacións recordatorias para eventos de calendario
• Recibir notificacións "Mobile Push"
• Integración no calendario con recordatorios e advertencias
• Ver as notas do sitio, do curso e as persoais

Para que a app Moodle Mobile poida conectar coa Aula Virtual do centro educativo, é necesario realizar algunhas configuracións que unicamente pode realizar un administrador da propia aula virtual.

As configuracións necesarias resúmense nos seguintes 4 pasos.

PASO 1

Menú = Administración do sitio -> Engadidos -> Servizos web -> Móbil Cando accedes a esta pantalla debes marcar a opción "Activar os servizos web para móbiles" e finalmente pulsar o botón "Gardar os cambios".

PASO 2

Menú = Administración do sitio -> Engadidos -> Plugins locais -> Moodle Mobile additional features Nesta pantalla xa debe aparecer seleccionada a opción "Via the app" no desplegable "Type of login" (se non é así, selecciona esa opción e pulsa o botón "Gardar os cambios". A continuación, pulsa no enlace "Check plugin configuration" para acceder á pantalla que amosa os seguintes pasos.

PASO 3

Na columna "Estado" que amosa esta pantalla deben configurarse coa opción "Si" os 4 pasos que se describen na propia pantalla. Os dous primeiros xa deberían aparecer como "Si" se realizamos correctamente os dous pasos anteriores. Para configurar o paso 3, debemos pulsar sobre o texto "Enable the Moodle Mobile additional features service". Na pantalla que se amosa, debemos marcar a opción "Activado" e finalmente pulsar o botón "Gardar as modificacións".

PASO 4

Para configurar o paso 4, volvemos á pantalla anterior (paso 3) e pulsamos sobre o texto "Grant permissions to the authenticated user role". Na pantalla que se amosa a continuación, debemos buscar a entrada "Crear unha ficha de servizo web (moodle/webservice:createtoken)" e marcar a opción "Permitir". Para finalizar pulsa o botón "Gardar os cambios".

Error. Non ten permisos para crear a credencial de servizo web para o servizo local_mobile.

"Error. No permission to create web service token for the service local_mobile"

Ao intentar empregar Moodle Mobile cun usuario "administrador" da aula virtual aparece a seguinte mensaxe:

"Error. Non ten permisos para crear a credencial de servizo web para o servizo local_mobile"

Este erro é debido a que a creación automática de "token" (credencial) para este tipo de servizos está deshabilitada para usuarios administradores nas versións de Moodle 2.x. (A versión actual instalada no proxecto Webs Dinámicas é 2.6.11). Para o resto de usuarios con perfil diferente (non administradores do sitio) non se produce esta situación.

Para solucionar este inconveniente será preciso crear o "token" de xeito manual para cada usuario "administrador do sitio" que queira usar "Moodle Mobile". Os pasos son os seguintes:

• Menú "Administración do sito > Engadidos > Servizos web> Xestionar as credenciais.

• Premer no enlace "Engadir"

• Seleccionar o usuario correspondente no listado de usuarios. No desplegable "Servizo" seleccionar a opción "Moodle Mobile additional features service"

• Premer no botón "Gardar modificacións" e finalizar a sesión na aula virtual.

NOTA: Este problema xa está corrixido nas versións de Moodle 3.x.