Websdinámicas: Drupal administradores

2.8 Control de acceso

Ruta: Administrar > Mantemento de usuarios > Control de acceso.

Os permisos de Control de acceso permítenlle controlar que é o que poden facer os usuarios no seu sitio con respecto aos módulos. Cada rol de usuario ten o seu propio conxunto de permisos. Por exemplo, pódese dar aos usuarios clasificados como "Administradores" o permiso para "administrar nodos" e negalo aos usuarios ordinarios, os usuarios "autenticados". Os permisos tamén permiten compartir cos usuarios de confianza a carga de administración que supón un sitio con moito uso.

Dende o menú dos roles, indo a “editar permisos”, aparece o mesmo formulario de permisos, pero só coa columna do rol seleccionado. Se imos por esta ruta de Control de acceso, aparecen tódolos roles simultaneamente.

Cando creamos un novo rol, na imaxe temos por exemplo o de secretaria, podemos ver que tódolos permisos están desactivados.

Polo tanto, despois de crear un rol, debemos activar aqueles permisos que nos interesen para ese rol senón os usuarios que teñen ese rol non poden facer nada (con excepción, como dixemos anteriormente, dos permisos que estiveran dados ao rol usuario autenticado pois, como vimos, todos os usuarios que pertenzan a un rol creado tamén serán usuarios autenticados por ter conta no sistema).

Importante: un dos permisos máis básicos e universal, que deben ter activado todos os roles, é o que se atopa dentro do módulo node (node módulo), etiquetado como acceder ó contido, xa que se este permiso non está activado non se vai poder ver ningún contido dos publicados na web.

Tamén é importante ter controlados os permisos dos “usuarios autenticados”, xa que como vimos dicindo, calquera persoa, polo simple feito de identificarse no sistema xa pode ter permisos de escritura, e se repasamos o visto nas formas de acceso ao sistema, podíamos ter activada a opción de nova conta por correo electrónico.

En resume, ou non permitimos que os usuarios se dean de alta eles mesmos, ou os permisos dos usuarios autenticados deben ser os mínimos. Se deixamos simultaneamente as dúas cousas, estamos permitindo que calquera escriba contidos na nosa web, que non é unha web persoal dun usuario, senón que é a web dun centro educativo.

No seguinte exemplo podemos ver que os usuarios autenticados poden crear páxinas e historias, razón suficiente para non deixar que os usuarios se dean de alta eles mesmos.

2.8.1 Módulos máis importantes instalados en Webs Dinámicas

aggregator módulo	Agrega o contido distribuído (orixes RSS, DDF e Atom)
audio módulo	Permite cargar e reproducir arquivos de audio
autologout módulo	Define o tempo que tarda un usuario en desconectarse se non está activo
basicevent módulo	Un tipo de contido parecido a historia, pero que implementa os eventos no calendario, etc
block módulo	Controla as “caixas” que se amosan arredor do contido principal
blog módulo	Permite un mantemento e unha actualización sinxela das páxinas web ou dos blogues do usuario
book módulo	Permite aos usuarios escribir libros, páxinas de libro, etc. en colaboración
comment módulo	Permite comentar e debater os contidos publicados
duplicate_role módulo	Permite duplicar un rol cos seus permisos
feedback módulo	Módulo de envío de correo ao administrador, por exemplo de suxerencias
filter módulo	Xestiona o filtrado do contido para preparalo para ser amosado
image módulo	Permite aos usuarios subir, redimensionar e visualizar imaxes
imce módulo	Módulo para subir e visualizar imaxes e arquivos integrado no editor de contido
img_assist módulo	Permite aos usuarios subir e inserir imaxes no contido
locale módulo	Activa a tradución da interface de usuario a linguas distintas do Inglés
menu módulo	Permite a administradores personalizar o menú de navegación do sitio
node módulo	Permite o envío de contido ó sitio web, e que este sexa amosado en páxinas
notify módulo	Permite a notificación de novo contido por correo electrónico
print módulo	Permite configurar a versión para imprimir dos diferentes contidos, así como o acceso á devandita función
scheduler módulo	Permite que os contidos sexa publicados ou ocultados en determinadas datas
search módulo	Módulo de busca de palabras por todo o sitio
site_map módulo	Módulo que permite mostrar o mapa do sitio
swftools módulo	Ferramentas de flash, vídeo, etc.
system módulo	Xestiona as opcións xerais de configuración para os administradores
taxonomy módulo	Activa a clasificación de contidos
upload módulo	Permite que os usuarios carguen e adxunten ficheiros ao contido
user módulo	Xestiona o sistema de alta e inicio de sesión de usuarios
views módulo	Crea vistas personalizadas do contido
webform módulo	Permite a creación de formularios e cuestionarios
wysiwyg módulo	Permite aos usuarios a edición dos contidos por medio dun editor avanzado