Webs Dinámicas - Drupal. Administradores nos centros educativos públicos galegos. 2011
Topic outline
-
Drupal: Administración do contido
Drupal é un xestor de contidos ou CMS que se adapta ás necesidades dos centros educativos á hora de crear o seu portal ou páxina web do centro.
Entre algunha das súas características principais están as seguintes:
- Conta cunha ampla comunidade de usuarios que o empregan e o manteñen.
- Está baseado en software libre.
- Presenta un entorno modular.
- É multiusuario, é dicir, permite acceder á plataforma con diferentes roles e permisos.
- Ofrece múltiples ferramentas de traballo colaborativo.
- Permite a creación dun blogue persoal para cada usuario.
- O código xerado é moi limpo e cumple cos estándares W3C de accesibilidade.
Tamén permite manexar de maneira totalmente independente o contido e o deseño da páxina. Sendo posible modificar e darlle en calquera momento un deseño a páxina sen ter que darlle de novo formato o contido.
Neste bloque trataremos os diferentes tipos de contidos e a súa administración ou xestión, así como da clasificación dos mesmos. -
Drupal: Mantemento de usuarios
A xestión de usuarios e roles e os seus permisos dános unha gran flexibilidade de configuración, de xeito que podemos limitar a visualización de determinado contido para determinados usuarios, limitar tamén a creación de contido e as zonas da páxina onde os usuarios poden crealo... -
Neste módulo veremos tarefas ou rutinas do administrador da páxina, por exemplo: dar de alta aos usuarios, configurar roles... Pero tamén tarefas fundamentais en canto aos permisos dos roles e, polo tanto, dos usuarios, tanto a nivel dos módulos aos que lles permitimos acceder como, nun nivel máis práctico, se poden ou non publicar e onde (en que categoría ou termo) poden publicar.
Por defecto atoparemos, ademáis dos específicos do Drupal, dous roles xa creados, un deles con tódolos permisos (Administrador) e outro con permisos restrinxidos (Profesorado). Podemos crear tantos roles como queiramos, pero debemos lembrar que un número excesivo de roles complicará enormemente as labores de xestión por parte do administrador.
Aprenderemos que hai que asignar usuarios a roles e que será desde os roles desde onde se regule o traballo colaborativo da páxina. Todo o proceso está condicionado por algo que xa coñecemos: as categorías e os seus termos.
Recomendamos, ademáis do seguemento dos distintos apartados, a visualización do video-titorial onde vemos un exemplo práctico de configuración dos permisos das categorías-termos para un rol.
-
-
Drupal: Construción da páxina
Nos menús de administración "Construción da páxina" é onde configuramos todo o relativo á "estrutura física" da páxina: dende a distribucións dos seus diferentes elementos (bloques e menús), ata a selección das plantillas que dan un aspecto máis personalizado.Veremos ademáis os módulos que son os responsables de dotar de funcionalidades á nosa páxina. Como administradores no centro dun Proxecto compartido cos demais centros educativos galegos, poderemos activar e desactivar os módulos xa instalados pero a instalación de novos módulos está restrinxida aos responsables do proxecto Webs dinámicas.
-
Drupal: Configuración da páxina
Xunto con "Administración do contido", "Construcción da páxina" e "Mantemento de usuarios" este conxunto de menús de administración permítennos personalizar a configurar básica da nosa páxina, así como acceder ás configuracións da maioría dos nóvos módulos que instalamos a mariores do propio núcleo de Drupal.-
Clasificamos as opcións deste apartado do curso segundo as posibilidades de configuración que ofrecen . Advertimos que hai opcións de configuración que poderían ir en varios apartados, non obstante preferimos presentalo así para facilitar a súa consulta indicando a principal función das opcións que atopamos ao configurar a páxina. O asterisco indica os módulos que consideramos máis decisivos para o traballo do administrador da páxina.
Posto que son opcións globais de configuración a tarefa principal do apartado está centrada na "activación" e posta en funcionamento dun módulo que por defecto non está incluido na configuración inicial. É un exemplo do que nos podemos atopar se activamos un novo módulo.
-
Drupal: SWF Tools
SWF Tools oferta a integración de © Macromedia Flash con reproductores de Vídeo, de MP3 e de visores de imaxes.
Aínda que este módulo permite a integración dos formatos citados, tan só se recomenda empregar para a reproduccion de vídeos en formato FLV (Flash Vídeo), xa que tanto para o audio como para as imaxes dispoñemos doutros módulos.-
O contido teórico deste apartado recolle os distintos axustes do módulo; son axustes que non recomendamos modificar. Aproveitamos o apartado para dar unha orientación acerca de como convertir distintos formatos de vídeo ao formato FLV e desta maneira probar as funcións do módulo SWFTools.
A tarefa que propoñemos así o recolle.
-
Drupal: Rexistros e Estatísticas
Divideremos este tema en dous Bloques nos que trataremos dous módulos íntimamente relacionados: Rexistros e Estatísticas
-
Bloque I: Rexistros
Nesta sección veremos como acceder aos rexistros do sistema e a outra información de interese sobre o estado do noso sitio.O módulo watchdog (vixiante) monitoriza a páxina, capturando os eventos do sistema nun rexistro. O vixiante non é máis que unha lista dos eventos almacenados que contén datos de uso, de rendemento, de erros, de avisos e de información sobre as operacións que se realizan.
É importante verificar o informe do vixiante con certa regularidade. En caso de detectar algunha anomalía nos informes, deberá de comunicarse o antes posible co seu Asesor SIEGA/ABALAR de Zona.
-
O contido deste bloque céntrase nos rexistros do sistema. Este módulo pode aportar información de interese para o administrador da web do centro que lle permita coñecer o xeito no que os usuarios da web interactúan con ela e os erros máis habituais no acceso e emprego do sitio. -
Bloque II: Drupal Estatísticas (Statistics)
O core de drupal trae incorporado o módulo Statistics, que nos permite ter información estatística do noso sitio web: número de veces que se visitou unha páxina, contidos que se visitaron nesa páxina, data na que se mostrou, número de visualizacións recentes dun contido, número de veces que se visualizou en total, referentes principais (páxinas de terceiros que apuntan á nosa)...Estas estatísticas proporciónannos detalles sobre os usuarios da páxina e o uso que fan dela (contidos populares, os máis vistos recentemente, os máis vistos todo o tempo etc.)
-
Neste bloque traballaremos coas estatísticas, módulo íntimamente ligado ao de rexistros.
Este módulo lle permite ao administrador coñecer os contidos máis populares da súa web, os usuarios mási activos, e outro tipo de esatísticas que lle permitirán coñecer mellor o xeito en que os usuarios interactúan coa web do centro.
-
