Vixencia

Vixencia

Nesta lapela xestionamos as datas xenéricas do Plan Dixital así como os datos do equipo dinamizador. Consta de dous subapartados despregables:

1. Vixencia: datos xenéricos do Plan Dixital.

2. Equipo: datos do equipo dinamizador do Plan Dixital.

    Captura da plataforma EduCalidade que amosa a lapela vixencia cos subapartados despregados.

     

    Subapartado "Vixencia"

    Neste subapartado configuramos os datos xenéricos do Plan Dixital:

    • Curso de inicio: elixir no despregable o curso actual.
    • Curso fin: elixir no despregable o curso actual por ser un plan anual.
    • Data de actualización: última data na que se actualizou o plan na súa versión actual; pode editarse directamente ou a través da ferramenta calendario.
    • Data de aprobación do Consello: editamos directamente ou a través da ferramenta calendario.
    • Data de aprobación/información Claustro: data na que se informou ao Claustro da última versión do PD, pode editarse directamente ou a través da ferramenta calendario.

    Unha vez inserida a información pulsamos no botón "Gardar" botón Gardar

    Subapartado "Equipo"

    Neste subapartado danse de alta os membros do equipo dinamizador do Plan Dixital que deben figurar previamente no aplicativo Xade. Por defecto aparece sempre a persoa responsable, que é a que inicia o proceso, podendo continualo calquera membro con permiso de edición.

    Iniciamos premendo no botón "Engadir"Botón para introducir datospara que se vexa na pantalla o cadro "Datos"

     

    Captura da plataforma EduCalidade que amosa os datos para inserir aos membros do equipo responsable do Plan Dixital

    Para cada un dos membros seleccionamos nos despregables a seguinte información:

    1. Apelidos e nome : amósanse os membros do Claustro de Profesores, escollemos o que corresponda.
    2. Cargo: dúas posibilidades Coordinador/a e Equipo.

      • Só se permite un único/a coordinador/a. Non hai restrición para o número de membros do equipo.

    3. Permisos : tres posibilidades: "Consulta", "Edición" ou "Responsable".

      • "Consulta": non pode modificar a información. Opción recomendada para os membros do equipo de dinamización
      • "Edición": pode engadir membros e modificar a información.  Opción recomendada para a persoa Coordinadora do Plan Dixital
      • "Responsable": pode haber outra persoa responsable ademais da persoa directora ou encargada do centro.  

    Finalmente pulsamos o botón "Gardar"Botón Gardar

    Repetiremos o proceso ata completar a alta de todo o equipo.

    Última modificación: Xoves, 2 de Febreiro de 2023, 11:26